pink-shadow :

معليش عارفه اني متأخرة بس ان شاء الله يمديمك تشوفين الرد فيه مطاعم هندية تسوي بوفيهات اما العربية ماعتقد فيه مطعم mela يسوي بوفيه غداء من 11 الى 3 العصر وجربته بالطلبات مررة لذيذ اكلهم بس غالي شوي وحاااااار مرة حتى لما تطلبين ( مايلد mild ) يجي حار بعد ومطعم هندي اسمه  India palace بس المكان صغير والجلسات ماهي فخمه لكن يمدحون اكلهم وان شاء الله تستمتعون بوقتكم

معليش عارفه اني متأخرة بس ان شاء الله يمديمك تشوفين الرد فيه مطاعم هندية تسوي بوفيهات اما...

دانه 26 :

بنات الله يسعدها ويفرج همها اللي ترد علي سؤالي انا ودي اجي مع زوجي دوره عسكريه 10شهور 7شهور بسان انتونيو و3بلاوتون اوكلاهوما او شي زي كدا مو متاكده من الاسم مو راضي ياخذني بحجة انه خايف على مستقبل اولادي مع انه كان راضي وبديت اجهز للسفر بس انغسل مخه وغير رايه اخواتي والله اني في هم امشي وابكي لاني انصدمت انه يتركنا اولادي واحد اولى ابتدائي وواحد ثالث ابتدائي يقول انه سمع اذا درسوا بامريكا ورجعوا للسعوديه ينزلوا سنه دراسيه لما يعادلوا الشهاده خصوصا انه حيدرسوا الترم الثاني لانه حنجي بعد شهر ونص لامريكا وبيدرسوا ترم من السنه الدراسيه الجديده بامريكا يعني يقول لو رجعوا السعوديه اللي باولي بيظل باولى واللي بثالث نفس الشي يرجع ثالث الله يوفقكم اللي عندها خلفيه عن الموضوع او تقدر تسأل والله اني ماادري وين اسأل كفوا دمعتي كفاكم الله مااهمكم

بنات الله يسعدها ويفرج همها اللي ترد علي سؤالي انا ودي اجي مع زوجي دوره عسكريه 10شهور 7شهور...

عروس شهر1 :

عزيزتي ،، بما ان زوجك مازال موجود فلا تفكينه الا ورجلك على رجله واذا عشان الاطفال قولي له عادي خلي يتاخرون سنه بس بيتعلمون لغه وهاذي اهم والدراسه ملحوق عليها ماهي طائره واخرته بيتخرج وبيلحق رزقه بس اللغه اذا تعلمها وهو لسه صغير بترسخ وتثبت في مخه وتنفعه في مستقبله ،، وغير كذا يكفي انهم بيكونون في حضن ابوهم وامهم ووجود الاب ضروري خاصه بالنسبه للاولاد وهالسن خطير والطفل يكون حساس جدا من هالناحيه وفي حال مجلس الاباء والاحتفالات بيحسون بالنقص وبتتاثر نفسياتهم عاد وش الاهم نفسية الطفل ومستقبله من ناحية اللغه واحساس الابوه والا سنه دراسيه لاحق عليها .. ادعي دايم ان ربي يسخره لك ويلين قلبه .. وحاولي تبينين له حزنك وتاثرك واذا كنتي تبكين وضحي له ولا تخبين دموعك وحزنك وارسلي له رسائل جوال ورسائل ورقيه ممكن تكتبيها وتحطيها له في مكان يكون فيه رائق ،، كلميه بلطف وحنان واستخدمي كلمات الحب وابتعدي عن اسلوب الصراخ والمناقره لانها تخلي الرجال يعصب ،، واذا انفتح الحوار اختاري وقت يكون فيه رائق وراضي عليك رضا تام وابدي بهدوء وبااسلوب حزين وحنون وترجي ولا تنرفزيه وترفعي صوتك خلي صوتك نبره وحده وهاديه واذا عند وعصب وبدا يتنرفز فصكي الموضوع وقولي خلاص انا اسفه وابكي (ولو بالتصنع ) وقومي عنه وروحي بعيد وخليه لوحده ويراجع نفسه وافكاره ،، الله ييسر لك ويسخر لك :arb: ،، ويسهل جيتكم كلكم وتنبسطوا هنا باذن الله:) تحمست واعطيتك محاضره خخخخخ :)

عزيزتي ،، بما ان زوجك مازال موجود فلا تفكينه الا ورجلك على رجله واذا عشان الاطفال قولي له عادي...

Qeuut :

يووووووه يا بنك الله يعينك شي يقهر احشريهم بالاتصالات لين تشوفين نهايتها معاهم انا لين الحين محتاره لكن صاحب زوجي مره جاء امريكا ويقول انه شحن 23 كرتون عن طريق شركه تاخذ الاغراض من عندك ويودونها لمكتب الخطوط السعوديه في هيوستن ويقوول انها وصلت كلها زوجي قال انه بيروح الشركه هذي ويستفسر منهم لكن يومه بسنه انا محتاره بينها وبين البريد السعودي

يووووووه يا بنك الله يعينك شي يقهر احشريهم بالاتصالات لين تشوفين نهايتها معاهم انا لين الحين...