بنات كرسي الطفل حق السياره متى خلاص اصلح وجهو على قدام مسكين ترى ولدي سنه و نص و لسه وجهو على وار

احس خلاص المفروض يتصلح بس ما جا على بالي ؟؟؟

دانه يا قلبي

احنا جينا هالسنه قبل يبدا الفصل الاول
وتدرين متى درست بنتي بعد ما بدوا بشهر ونص
لظروف خارجه عن ارادتنا
وعااااااادي جدا استقبلوها المدرسه بكل رحاااابه صدر
وكانت ناجحه من اولى لثاني
المديره خيرت زوجي باي صف يبيها يبي اولى او ثاني او ان شاء الله تمهدي
وهي رشحت لنا اولى قالت انسب شي لها
لان لو حطيناها في ثاني راح يكون فيه فرق في بنيه الجسم لان بنتي مو ضعيفه وبس الا هزيييييييييييييله لاخر درجه
والحمدالله البنت مشت واليوم عطوها التقرير حقها
وبكره ان شاءالله اعلمك هي اجتازت الترم يعني اذا رجعنا تكون تكمل السنه في السعوديه او انها فقط نجحت في اللغه
انا بصراحه ما معي لغه تساعد اقرا المكتوب وزوجي المصون مو فاضي يشوف الاوراق

واذا علي بنيتهم ضعيفه والله الضعيف عقول هالرجال المتخلفه ال ايش قال يضطهدونهم وين عايشين احنا
احنا في دوله اهم شي عندها الاطفال كيف تتعامل معهم
كيف بيسمحون لطلاب يتهجمون على طفل واجنبي بعد
اساسا اطفالهم قمممه في الادب
على قولت بنتي من يدفك بالغلط يقعد ساعه وهو يقول سوري سوري سوري ومن هالكلام

وترى امور الدراسه هنا سهااااالات لاخردرجه
واذا على سكنكم غالبا كل منطقه سكنيه فيها مدرسه والمدرسه توفر باص يجي ياخذهم من عند بوابه السكن او بابا البيت اذا مو مجمع

وبالنسبه لاكتساب اللغه لا تخافين راح يكتسبونها ح مو من اول اسبوعين لكن ما يتم الشهر الا متعلمين كلمات كثيره وانتي لا تقصرين معهم في تعليمهم الاساسيات
ايه بعد حبيت افيدك طبعا راح يسون لهم اختبار لمستوى اللغه عشان يعرفون مستوى الطفل
انا كنت احفظ بنتي الحروف والارقام
ويوم راحت جافوا لها صور مختلفه لحيوانات وفواكهه واشياء جماد مثل باب شباك

وطبعا اكيد علميهم الحروف عالال نطق مو لازم كتابه

وان دخلو عيالك التمهيدي انا اظمن لك يصيرون بلبل في اللغه لان تعليمهم في التمهدي مثل اولى عندنا الاساسيات في اللغه الحروف وبعدها الكلمات والجمل والتخاطب

ولا تخافين ما راح تروح عليهم سنه وان راحت الله واكبر
اللي بتاثر على مستقبلهم من هالوظايف اللي تنادي والا من الجامعات الي بالحسره قدخلها اللي معه نسبه ممتازه


الا انشبي بحلق زوجك ولا يعقد يقول قالوا ربعي ربعي جربوا
الرجال انصب منهم ما شفت خصوصا في الامور اللي يشوف انها تخدمه ويفتك من المسوؤليه

وكل ما حجر لك نطي هنا واحنا باذن الله نساعد

ونسيت وين انتم بالضبط
اذا بسان انتونيو ادر ارشح لكم سكن حلو ونظيف وقريب من القاعده وقريب منه المدرسه

ولا تنسين الاستخاره حتى لو انك واثقه من قرارك
والله يهديه ويسخرخ لك وجعله هو او غيره ما يقدرون يخطون خطوه برى السعوديه او دورات داخليه في السعوديه الا وزوجاتهم وعيالهم معهم

والله تعبنا من الشحططه وكل كم شهر ضافين شنطنا ويله روحي بيت ابوك جاني دوره جاني نزيف خخخخخخخ

دانه رجعت لمشاركتك عشان اشوف انتم ةين كويس انكم في سان انتونيو

طبعا افضل منطقه للسكن هي المديكل سنتر وغالبا اللي ساكنها هم طلاب الجمامعه لانها قريبه منهم

اما اللي ما يتسمون الهبااط مدري الضباط
يسكنون غابلا عند مخرج 8 و9 و10 لانها قريبه من القاعده العسكريه
طبعا في مكان ثاني قريب بس مدري والله شسمه
المهم

احنا بسكن عند مخرج 10
تلصراحه شقتي نظييييفه جدا وحلوه
والمجنع كله هادي وفيه سعودين وفيه امارتين
وكله على بعضه السكن مع الانترنت مع الكهرب مع موقف السياره وووو
كلها ب1250 او 1300
تزيد احيانا عشان استخدام الكهرب
اساسا الكهرب غالبا ما يكلف فوق 90 دولار هذا في اصعب الاوقات اللي حرررر موت واقلا مو توصل لكن خل نقول عشان ما يقعدون يقولون جت فاتوره راحت فاتوره
حتى لو سالتو اداره ااسكن راح يقولم لكم غالبا السكان هنا نا تتعدى فاتورتهم ال75 دولار

السكن فيه شي ثلاث غرف نوم وصاله ومطبخ ومخزنين وحمامين
وفيه شي غرفتين وصاله ومطبخ وحمام ومخزنين
وفيه غرفه وصاله

طبعا مو مفروش انتم اللي تاثثون
ان بغيتي اثاث ب
نطي كل كم يوم واعلني ابي اثاث وبيتشوفين كيف بتلقين اللي بيحرجون على اثاثهم
عاد ان بغيتوا جديد طبوا وتخيروا
لكن بما انكم اقل من السنه افضل المستعمل من عائله سعوديه راح يكون نظيف ولا فيه نجاسه
اسم السكن الموودود او الميدود

بكره اشوف وش اسمه واعلمك وخنى احيب لك العنوان

ايه بخصوص السكن ترى ما فيه الا ثلاحه وغساله مواعين وفرن
غساله الملابس والمجفف تستاجرينها منهم
وبعد حبيت اقولك اذا انتم تبوم اثاث مستعمل وما لقيتي احد احد ادخلو على عنوان المكتب السعودي. التابع للملحقيه
كثير من الناس لما تجي تسافر خلاص تودي عفشها عندهم يبيعونه له

وبرضوا اذا لقيت موقعهم جيت هنا وسدحته لك ولاي عضوه تحتاجه


معليش بنات تحملو هذري الكثير
بس والله من قهرهي كل يوم والثاني تجي وحده مغلوبه على امها ومنصوب عليها.
وانا اولهم ما جيت الا بعد نقاش طويل عريض واسأله ما لها اول ولا لها تالي وتخوف مدري من وين يجيبونه لبعض هالضباط
بس علي مين وفيه بنات تجمعنا الغالين اللي ما قصروا
ولا يهونون بنات تجمع امريكا

الله يفرج لكل وحده دنيا واخره ساعدت غيرها لو بكلمه تطيب الخاطر

صبح صبح ياعم الحج

كيفكم بنات

كوكة توني ادري ان المكتب السعودي ممكن يبيعون العفش وان عندهم موقع عالنت

اذا لقيتيه باخذه منك بليز :27:

اتذكر زوجي يقول فيه ناس يحطون اعلاناتهم على البورد اللي في غرفة الاوبريشن

اعلان سيارات للبيع مو اثاث وعفش

كوكه زوجك جوية ؟ لان اشوفهم يتعاونون مع الجوية اكثر لأن المسؤل عنهم خدوم ماشاء الله

اما البرية رايحين فيها محد يخدم والا يقدم مساعدة الا بمصلحة







 

الهدوووء ......ياقلبي الكرسي ينقلب بعد عمر السنه .......رحمت ولدك سنه ونص ووجهه ورا ياقلبييي

كوكه الحلوه ....الله يسعدك على مساعدة البنات