اول شي يمكن ماتعرفوني كثير بس انا متأخرة بالحمل لي 3 سنوات
والسبب مره مني مره من زوجي
مره قالوا لي تكيس وضعف تبويض
وزوجي قالوا له ضعف بالحيوانات المنوية العدد قليل والحركة ضعيفة جدااا وكلها ميته
ومره قالوا لي التكيس اللي معاك بسيط مايأثر على الحمل ومره تحاليل زوجي تصير كويسة
المهم خلال هالـ 3 سنوات انا جربت
المنشطات اخذت فيمارا
واخذت ابر تنشيط
واخذت ابر تفجير
وعملت اشعة صبغة
وكنت اشرب بردقوش
وجربت خلطات تنشيط كثيرة من اللي بالنت
وزوجي اخذ علاجات منها منشطات وفيتامين E واخذ خلط العسل اللي من وادي النحل
والاهم من هذا كله مانسيت التوكل على الله واللجوء اليه بصلاتي ودعائي والتقرب بالأعمال واشياء كثيرة بين العبد وربه
و خلال هالـ 3 سنوات اللي مرت ولا صار حمل بارادة الله
آخر مره جربت علاجات كانت من 5 شهور يمكن وبعدها ماجربت شي لظروف وقلت بنزل وزني واسوي رياضة وكل يوم أأجل كعادتي الكريمة : ( وعقب تعرفون جت عطلة صيف ورمضان وكذا ومشيت الشهور
قبل شهرين تقريبا كنت مسافرة بريطانيا وشفت فيتامينات بصيدلية بوتس مكتوب عليها رقم 1 في بريطانيا
وهي للي يحاولون الحمل وتساعد على الاخصاب
قلت ليه ما اشتريها اسم انها فيتامينات ماتضر وفيها حمض الفوليك وهو الاهم اللي تفكر الحمل
لكن ترددت قلت بسأل الاطباء عندنا عنها أول واشتريها من بوتس اللي عندنا
لما سألت كلهم قالوا كويسة
ورحت ابحث عنها بالنت وحصلت كلام ومدح كثير لها بمواقع اجنبية
وتحمست اجربها رحت صيدلية بوتس اللي عندنا بالسعودية وللأسف قالي مانجيبها
رحت دورت عليها بالنت واشتريت 3 علب على اساس باخذها 3 شهور لأني دايما اقرا ان الفيتامينات ماتبين فعاليتها الا بعد 3 شهور
الفيتامينات تجي بعلبة وفيها 30 حبة للحرمه و 30 حبة للرجل وصرت اخذها انا وزوجي حبة باليوم
هذي هي
http://www.boots.com/en/Pregnacare-His-and-Her-Conception-60-tablets_1036364
المهم لما استقر وضعي قلت ببدأ اراجع وكنت حاطه ببالي خلاص بسوي تلقيح صناعي ولا حقن مجهري لأن عمري مو صغير 30 سنه الحمدلله
رحت اتابع من جديد
اخر دورة جتني برمضان وسويت تحليل بروجسترون باليوم 21 على اساس يشوفون التبويض وطلع ضعيف وقالي الدكتور تحتاجين منشط وصرف لي الدكتور كلوميد
وكنت انتظر دورة هالشهر تجي عشان ابدا كورس الكلوميد وتأخرت الدورة طبعا عادي ماتوقعت ولا فكرت حمل لانها دايما تتأخر
لكن نزل علي دم بيوم الدورة وبعدها وقف ولاعاد شفت شي وخفت وشكيت اول مره يصير لي كذا ورحت حللت
والحمدلله يارب لك الحمد والشكر
طلعت حامل
ادعوا لي يثبت ويتمم علي حمله و يبلغتني شوفته بصحة وعافية
ويعوضني عن ولدي اللي توفى قبله بولادة مبكرة
طبعا خلال هالشهر ومثل ماقلت لكم لي 5 شهور ما استخدمت علاجاات ابداا ,كنت محافطة على الوتر وادعي ربي بكل وقت واللهم لك الحمد ربي انعم علي واكرمني كنت بس على حمض الفوليك
لين اشتريت الفيتامين وبديت فيها
انا ماقول ان الفيتامينات هي السبب بس ممكن ساعدت بجودة البويضة والحيوانات المنوية
انا لسى ماخلصت العلبة الأولى خلصت شريط وهذا الثاني ( الوردي لي والبنفسجي الغامق لزوجي )
وباقي عندي علبتين لسى جديدة وماحتاجها لأني بشتري حقت الحوامل معها اوميغا 3
http://www.boots.com/en/Vitabiotics-Pregnacare-Plus-Omega-3-28-Pregnacare-Tablets-plus-28-Omega-3-Capsules_34951/
فاللي تبي هالعلبتين تراسلني ابيعها عليها العلبة ب 100 ريال ( العلب مطعجه من الشحن لاني شاريتها من النت )
وعندي برضو كلوميد 30 حبه اللي محتاجتها بعطيها اياها مع الفيتامينات مابغى منها شي
دعواتي لكم ربي يرزقكم ماتتمنون ..
توكلو على الله وحدة والجوء اليه بالدعاء والاستغفار
وحاولو تخلون اكلكم صحي ويومكم حركة ورياضة صدقوني أفضل من 1000 علاج وخلطة
ولاتنسوني من دعائكم يثبت لي حملي ويتمم علي بصحة وعافية ويجعله خير عوض عن ولدي اللي توفى بحملي الاول بولادة مبكرة
اللهم ثبت حملها و أتمه يا رب