موقعك في المنتدى وين ؟؟
انتي تحددي مكااانك
يبدو البعض في القمة ، بينما يبدوا البعض في الزحمة! صوت خافت وسط
الأصوات المتعالية.
فكيف أحدد مكاني في المنتدى ، وكيف أتحكم في موقعي منه واسيطر على محلـّي فيه؟؟
الجميع هنا أخوات ، لا يوجد غريب ، ولا يوجد أحد غير مرحـَّب بوجوده ،
ولكن بينما تأتي عضوه وبسلاسة تفرض محبتها بسهولة ، تشعر عضوه آخرى بأنها تائهه بين الصفوف وأن صوتها غير مسموع...
فإليكن أربع نقاط مهمة تساعدكن بعد الله سبحانه على سيطرتكم على مكانة مشاركتكن ، وهي كلها ببساطة انك تتذكري الأربع اشياء اللي باشرحها لكم هنـا:
1- المنتدى لعبة تينس
يشعر الكثير بالارتياح لعضوه تبادر بالتفاعل مع ما يقدّمون أكثر من العضوه التي " تطرح وتسرح"!
فإذا اكتشفتي عطايا هذه ومشاركات تلك ، وقدّمت للجميع قدر من الأنتباه ، تحضى بنفس مستوى الانتباه من الجميع! مثل لعبة التينس تماما ً... تضرب الكره باتجاههم فيعاودون ضربها باتجاهك. ولكن ... يجب عليكي معاودة ضربها باتجهاهم عند تلقـّيها
( ترد على مشاركاتهم في مواضيعك بعناية ). فأنتي تحضي بعناية الجميع واهتمامهم بنفس قدر عنايتك واهتمامك بهم!
2- المنتدى حلبة ملاكمة !
كل ما تكثري تبقيساتك للعضوات ، تكثر تبقيساتهم لكي!
وكل ما تزيد لكماتك للموجودات ، تزيد صعوبة الفرار من لكماتهم لكي
بوقس واحد أو بوقسين ، بيصفقونك كم كف وينشغلون بتكفيخ غيرك،،، بس كل ما تكثر المواضيع والمشاركات في كل جوله ، كل ما تلاقينهم متجمعين عليك تشويت بالردود على مواضيعك مع كل دخلة لك بالمنتدى يوم بعد يوم!
( طبعا ً لا تفهمين من كذا انك المفروض تدخلين وتشتغلين في أم المنتدى تترسينه مواضيع نسخ / لصق ، نسخ / لصق ، نسخ / لصق !!!! تحطين مليونين موضوع منقوله في كل زياره ! ترى الشي اذا زاد عن حدّه ينقلب ضده ! وبتصير مشاركاتك سامجة ومعروف ان كلها منقوله وان مالك فيها يد ولا مجهود ولا احد بيصير يطالع في خشتك ولا يلقي مواضيعك أي اهتمام ! المقصود هنا المشاركة الفعلية بطرح كتاباتك الشخصية وكلامك الخاص + ردودك أنتي شخصيا ً على مواضيع غيرك من العضوات )
3- المنتدى كورة سلـّة
مو دايم الكورة معك ، ومو لازم كل موضوع لكي يردون عليه جميع العضوات ،، مرة تسجلي اهداف كثير ، ومرة تنزلي موضوع ولا يرد عليه الا عضوه أو ثنتين! لكن مو معناته انك خسرتي المباراة... سددي وواصلي في اللعب وكل ما تخطي رمية حاولي ثاني وتستمر اللعبة، بعضها بتطيح في السلة وبعضها بتطلع من الملعب وتطيح على راس الجمهور هنااااااااك ويحسبونك الناس حوله ما تعرفين تصوّبين انتي ووجهك .. خخخخ
وأخيرا ً:
4- المنتدى كوب نسكافة !
ما ينفع تدخلين مستعجله وتشربينها شربه وحده ، بيحرق لسانك وتجلسين تصايحين علينا وبتنعفس حاسة الذوق من فمك
لازم تشربينها حبه حبه وعلى روااااااااااقة على شان تستمتعين بالطعم الرائع وتخشين جو وانتي مسترخيه وتعطين كل مشاركة حقها من المزاج
وتستطعمين كل كلمة تقرأينها ، وتتلذذين بكل حرف مكتوب ، وتستشعرين كل احساس عابر بكل موضوع تمـُرين عليه ، بالهداوة ، وباسترخاء ، وباستكنان وتكييف
ودمتم بوووود
عسسسسسسسولة الجنوووب
