.....¤.....¤.....¤ * ¤.....¤.....¤.....
QQQ►،،،،،، إلى معلمـــــات المدارس الاهليــــــــه ►،،،،، شاركينا بمعاناتك QQQ
لعل هذا الحال يتغير قريبا ؟QQQ
إلى متى يستمر قهر وظلم المعلمات في المدارس الاهلية
· الراتب بعضهم من 1100 إلى 1800 ريال حسب الخبره
· يخصم من الراتب تأمين ....
· الحضور قبل الساعه 7 وبعدها خصم اذا تاخرتي
· انتي مسؤله عن الطالبات وعن مراقبتهم وعن غرفة المعلمات و...و... (تهديد ووعيد)
· اذا عندك حصة فراغ لازم تكوني تحت امر المديره وتسوين المطلوب منك على اكمل وجه
. حضور الاجتماعات ومجالس الامهات بعد العصر
· خروجك بعد خروج اخر طالبه او بعد اجتماعك بالمديره يعني الساعه# 3 # قبل العصر
· تشتغلين عندهم كأنك مكينه ويمكن اكثر ويبغون منك النشاط والمشاركات وتبيض الوجه امام الامهات او المسؤلات ،
· وانتي اللي تسوي الشغل كله والمديره نايمه بالعسل
· مطلوب الوسائل التعليميه من اجود مايكون ..
· الاهتمام بالشكل والاهتمام بالطالبه و استخدام اللطف والرقه معهم حتى لو غلطت الطالبه علي المعلمه اللي صارت مالها كرامه
· الطالبه ناجحه حتى لوكانت كسوله جدا
· يحق للمديره ان تطردني في أي وقت وكذلك استرجاع الراتب المدفوع لي
. ادخل الطالبات دورة المياة
=================
وغيره ،،، وغيره
,إلى متى
اتمنى معامله تليق بالبشر من هذه المدارس ===========
رحموا من في الأرض يرحمكم من في السماوات
===========
الله يعين من تكون في المدارس الاهليه
=======
حسبنا الله ونعم الوكيل على الظالمين
(( إنما اشكو بثي وحزني إلى الله ))
===============
اللهم ارزقنا رزقا واسعا من فضلك إنك خير الرازقين
اللهم صلي وسلم على نبينا محمد
بحكى من تجربه ....
كنت اظن المدارس الاهليه للطبقه الراقيه والمخمليه
كذا كنت افكر ....
لانى مادرست فيها
تخرجت بمدارس حكوميه
بعد التخرج توظفت بمدرسه اهليه
كانت الخبره هى الهدف
ومع هذا ماقدرت اكمل واستحمل
لانه باختصار
عشان تتوظفين بمدرسه اهليه
مطلوب منك تتركين ضميرك بالفراش
وتروحين انتى للمدرسه
المديره جمعتنا باجتماع طارى
وقالت بالحرف الواحد
انتى اله تفرغين المعلومه وبس
مانبى نزعل الاهالى منا !!
بنهايه الترم احد المعلمات ولدت وخرجت باجازه
وطلبتنى المديره عشان
اكمل المنهج
مع الطالبات لانه نفس تخصصى
ودخلت
الصف الخامس
كانت فيه طالبه
عيونها بالسقف
وماتتكلم ابدا
وبالمرور على الطالبات شفت كتبها جديده تلق وحنا بنهايه الترم
تكلمت مع المشرفه الاجتماعيه عن الطالبه
وقالت عندها حاله مرضيه
مادرى وش بالظبط
توحد
او
صعوبه تعلم
مادرى انا جاهله بالمساله
قلت للمشرفه
شلون تدرس مع البنات وهى بالحاله
طيب
سؤال
شلون وصلت لخامس !!!
اسكتى لاتسمعك الاداره؟؟؟
اهلها يدفعون وامها بنفسها تقول مابى بنتى تدرس بمدارس لحالتها
ابيها تختلط مع البنات
؟؟؟؟؟
والبنت وصلت لخامس وهى ماتنطق
ولا تشارك وكتبها نظيفه
لخامس ياناس !!
الام نفسها بالبيت
ماتحس بتميز لجهدها لعيالها بمدارس اهليه
كله ناجح
كله متوفق
كله ماشى
يتساوى ولدك
اللى تتعبين معه
مع ولد امه ماتدرى هو باى صف!!
طالبه غابت عندى اسبوع
وبعد اسبوع طلبتنى الاداره ام الطالبه متصله
وتطلبنى بالاسم
الله يعافيك راجعى لبنتى الللى فات !!
وش سبب الغياب
كان عندنا عروس وزوجات بالديره ورحنا !!!!!
الراتب
يفشل
والمعلمه
تجيب وسائل
وحلويات للبنات
وحفل كل فتره
وتزين لفصل
زحمه على اله التصوير
ومطلوب من بعض المعلمات
تصوير اوراق عمل فوق خمسين ورقه على حسابها برى المدرسه
ليش !!
المدرسه نفسها شليله
المالك
فلان الفلانى
والعجيب !!!
معلمه الجفرافيا
فلانه الفلانى من نفس العائله
ومعلمه التاريخ بنت عم خاله المالك
ومعلمه الرياضيات اخت زوجه المالك
ومعلمه العلوم بنت عم جده المديره
شليله !!!
كنت مره عند موظفه الاستقبال قبل مكتب المديره
\
ومن جنسيه عربيه
ترد على اتصال بنات يطلبون وظائف
مافيش وزائف دلوتى !!!
اه ياحرقه قلبى
يجون بنات خريجات بنات الديره
ويردون من اجنبيات
معلوم الااجنبيه
راتب اقل
وتسكت وترضى
بعد مده خدمه بالمرحله الابتدائيه
توظفت بثانوى
وطبعا زادت المعاناه
لما سجلت
قالوا نسوى لك اختبار
وتحضير درس
قلت اوكيه
حددوا الدرس
وجيت شرحت
قدم مين
قدام اجنبيات !!!!
انا مو تقليل من حقهم بس غبينه لبنت البلد
مطلوب منك
تكونى مجامله
منافقه
ماتقدرين تقولين رايك عند احد
لان الاحد يقرب لاحد ثانى
بنت خاله تقرب لبنت عمه
دنيا مشربكه
رسوم غاليه
وتعليم اقل من عادى
كنت افكر ادخل عيالى مدارس خاصه,, وكان لنا حنا يالمعلمات خصم كبير بالرسوم اللى تدخل عيالها بنفس المدرسه
ومع هذا مستحيل اخلى ولدى بمدرسه اهليه
وبعد التجربه
حلفت ماحد يدخل منهم
كنا بالحكوميه
ومانقصنا شي
الحكوميه خرجت الرعيل الاول
دكاتره وظباط
اكتشفت
ان اللى ولدهم مايفهم دخلوه اهليه
عنده صعوبه بالنطق
دخلوه اهليه
يتعتع
دخلوه اهليه
اخلاقه زفت بمدرسه
ينقل اهليه
حياتك على كف عفريت
ممكن باى لحظه يتم الاستغناء عن خدماتك
لان بنت خاله جده الوكيله تخرحت السنه بنفس تخصصك وهى اولى بالوظيفه
بالاجازه مالك راتب
وكرف وقله حياء
وشفت
قسم الحضانه شي يوجع القلب
خلونى ساكته
ولاحد يسال وش اسم المدرسه
عندى اسبابى ماقول
مع انها مدارس كبيره ومعروفه برياض
بس الهدف الجيوب والرسوم
وليس التعليم
ماقدرت اتحمل
وانسحبت وضميرى معى ماخليته لهم .