Retin - A

والله انا معاك يا اخت عنود الامارات ....

ودي اعرف عن هذا الكريم لاني اشوف الكل يتكلم عنه...

وبعضكم يمدحه وبعضكم لا...

ياليت لو تقولون لنا لايش يستخدم وكيف استخدامه؟؟؟ ...
وهل يمكن استخدامه من غير استشارة الطبيب؟؟؟

وهل له مضاعفات ؟؟؟؟
وياليت اللي استخدمته تقول لنا كيف صارت النتيجة معاها ... سلبي ولا ايجابي؟؟؟؟

معليش كثرت اسئلة وانتو كريمات ... الله يخليكم...


وسلامتكم :26: :24: :26: :24: :26: :24: :26:

ريتن اي
هذا كريم يستخدم لحب الشباب
وانا استخدمته
وماعليه
اخففه نص بنص مع نيوتراديرم
واحطه مره وحده في اليوم
ولازم ما تتعرضين ابدا للشمس
بعد كم يوم بتيدا البشرهه تقشر وتحمر
ثم بعد مرور اسبوع لازم
تخفيفن
يعني يوم اي ويمو لا
وهكذا
الين تصيرين تحطينه مره وحده في الاسبوع
وبكذا يصير مغذي للبشره

عموما انا ارتحت معه
لكن تراه يسبب توسع المسامات اللي بالوجه
علشان كذا
لازم نتنبهين لوجهك
وتسخدمينه مره خلال سته شهور
يعني تسوين كورس تقشير للبشره كل بدايه موسم

واي سؤال انا حاضره :26:

اختي في الله اصحي تستعملينه من غير وصفة طبيه من الدكتور مباشرة لاني يوم استخدمته من غير دكتور عدم وجهي وحرقه وكل انواع المراهم استخدمتها وما فادت ولي حكايه طويله عريضه مع حب الشباب امتدت 10 سنوات تقريبا ولما عالجت عند استشاري كبير كان وجهي منعدم الدكتور انهبل يوم شافه وخلاني اجيب كل المراهم اللي استعملتها وقا ل وجهك في مرحله متاخرة جدا عشان كذا العلاج بيطول بسبب ان المراهم اللي استخدمتيها هي اللي زادت الحاله وحفرت وجهك والحمدلله عالجت بالكبسولات وبعدين مراهم التجميل لمدة 5 شهور والحمدلله احين تاركه العلاج من سنتين تقريبا ولاحبه تطلع لي الا مع الدورة وحدةاو ثنتين وتختفي ووقتها كتبت عن الكبسولات هنا في المنتدى
وعطاني مرهم قال لي استعمليه طول عمرك كلما طلعت لك حبه كبيرة شوي واسمه با ن اوكسيل من كان يصدق ان وجهي اللي كان ما ينشاف من الحبوب صار الحمد لله
اختي في الله عنود الامارات
هاذي المواد الكيماويه تعدم الوجه فالافضل تروحين دكتور ولا اخصائيه تجميل
وحتى الدكتور اذا كثر المراهم لاترضين الا في حدود ماتسمح به الحاله
اختي الحبيبه والله اني ما كتبت الكلام هذا الا لاني حسيت فعلا بمعاناة حب الشباب من كا ن عمري 10 سنين
لك تحياتي اختي الحبيبه

كل اللي حوليه يستخدمونه ويمدحووووونه اما انا فجنني ولا ناسبني نهاااائيا :27:

انا استخدم هذا الكريم بين فترة وفترة بصراحه نتيجته حلوة ويبين على وجهك النضارة حتى صاحباتي يلاحظون علي ..

بس اذا كان عندك مناسبة لازم تستخدمينه قبل بشهر على الاقل وتبطلينه قبل المناسبة باسبوع لان القشور يبغالها فترة على بال ماتروح ..