السلام عليكن و رحمة الله و بركاته ..
صباحكنّ / مساؤكنّ مبارك بكل خير ..
.
عن أبي هريرة رضي الله عنه أن النبي صلى الله عليه وسلم قال :" إذا كان أول ليلة من شهر رمضان صفدت الشياطين ومردة الجن ، وغلقت أبواب النار فلم يفتح منها باب ، وفتحت أبواب الجنة فلم يغلق منها باب ، وينادى مناد كل ليلة : يا باغي الخير أقبل ويا باغي الشر أقصر ، ولله عتقاء من النار وذلك كل ليلة "
اللهم أعتق رقابنا و رقاب آباءنا و امهاتنا من النار
.
زي ما انتو عارفين العيد قرب و كل وحدة فينا تدور الزين عشان تطلع بأبهى حلة و أبهى منظر:icon19: ..
و أنا أختكم في الله حبيت أصبغ شعري كـ نوع من التغيير و التجديد ..
المهم ..
بدأت أدور في ألوان الصبغات و أشوف المناسب و كذا ..
و قررت اني أصبغ لون واحد بدون خصل و هايلايت و غيره ..
و اخترت اللون بني شوكولاتة ..
بعد كذا جمعت أسماء الصوالين الكويسة و بدأت اتصل و أشوف الأسعار ..
معظمهم قالو ان الأسعار تبدأ من 200 ريال للشعر البوي:blink:..
و أنا شعري لنص ظهري تقريبا - ماشاء الله تبارك الله - ..
حسبتها في بالي و لقيت انها ممكن توصل 400 ريال :huh:..
و بالنسبة لميزانيتي المبلغ مرتفع ..
خصوصا انه كله لون واحد و شعري خفيف اصلا ..
و بكذا جات في بالي فكرة الصبغ المنزلي :wink:..
.
مميزاتها من وجهة نظري /
1) أقدر أختار الصبغة اللي أبغاها سواء ويلا,لوريال, غارنيه, باليت أو غيرها
يعني الخيار مفتوح قدامي
2) الميزة الأهم و هي السبب في القرار هي السعر الأقل طبعا :icon20:
سعر الصبغات عادة 40 -60 ريال تقريبا أو أقل
يعني السعر في الصالون عشرة أضعاف سعر الصبغة من الصيدلية !
3)اني أقدر أنتبه لكمية المظهّر(developer) أو الهيدروجين بيروكسيد بدون ما أتلف الشعرة نفسها
.
العقبات /
1) أكبر مشكلة واجهتني هي انه ما عندي خبرة في الموضوع ..
و للأسف ما عندي أحد حولي أقدر أستشيره ..
يعني تجربتي الأولى في صبغ الشعر ..
وكان مستشاري هو عمو قوقل (Google) :heart: ..
استعنت بالله و بدأت أبحث في طريقة الصبغ ..
و لقيت هذا الموضوع المتكامل عن طرق الصبغ ..
http://forum.hawaaworld.com/showthread.php?t=993577
الله يوفق صاحبته يارب ..
و اطلعت على مقاطع في اليوتيوب ..
و بكذا اكتسبت خبرة لا بأس بها ..
2)اختيار نوع الصبغة المناسبة :
هنا كتبت أسماء الصبغات و صرت اشوف تجارب البنات مع كل نوع ..
أكثر اثنين ارتحت لهم هم غارنييه و كولستون ..
قرأت مدح كثير لغارنييه (Garnier) و انها ترطب الشعر بس عيبها ان اللون ما يمسك في الشعر-حسب كلامهم - ..
بعد كذا كولستون (Koleston) و ميزتها ان اللون ثابت و قوي بس ممكن تنشف الشعر حبتين ..
و بما انو عندي مناسبة بعد شهر تقريبا اخترت كولستون لثبات لونها ..
و من خلال بحثي في اليوتيوب لقيت انه فيه نوع جديد (من عام 2011) على شكل رغوة (foam)..
مميزاته انه سهل ينعمل بالبيت بدون الحاجة لخلط و زبدية و غيرها , ما يبقع الملابس , يعطي لون غني من الجذور للاطراف ..
التجارب لهذا النوع الرغوة كانت شحيحة جدا جدا ..
بس اتوكلت على الله و اخترته ..
3)المشكلة الثالثة هي اختيار اللون المناسب :
رحت زي الحلوين ع الصيدلية وبدأت أتفحص الألوان ..
و حست حووووسة ><
سألت الصيدلي و ذكرت له اللون المطلوب ..
و لون شعري اللي هو أسود و تحت الإضاءة القوية يظهر بلون بني غاااامق جدا ..
الصيدلي اختار لي لون أشقر فاتح رقمه (9/1)و قالي أصلا يا دوب يمسك في الشعر ..
اشتريتها بناءا على كلامه ..
بس لما رجعت البيت بدأ الشيطان يلعب بـ راسي ..
و خفت يطلع لون شعري فاااتح بزيادة !
و جيت أسألكم هنا
http://forum.hawaaworld.com/showthread.php?t=4003193
المهم اللي صار اني رجعت و بدلتها للون اغمق ..
و اخترت البندقي (7/3)..
سعرها :45 ريال تقريبًا ..
و بكذا انتهينا من اللون الحمدلله =)
.
تجربة الصبغ
قبل الصبغة اهتمي بشعرك و تغذيته بماسكات و حمامات زيت و غيره ..
عشان نقلل من حجم التلف الناتج عن الصبغ ..
أنا استخدمت زيوت منوعة ..
و ماسك من مجموعة ماكاديميا من عند نزيه << إن شاء الله أنزل موضوع عنها إذا ربي أحياني و عشت ..
اغسلي شعرك قبل وقت الصبغ بـ 24 ساعة على الأقل ..
و جا وقت الجد :lookaroun ..
*قبل كل شي جهزت المكان المناسب أنا اخترت الحمام -الله يكرمكم - و لازم يكون ذو تهوية جيدة ..
*دهنت جبهتي و أذني بفازلين , لأنه يعمل زي الطبقة العازلة و بالتالي يسهل إزالة بقع الصبغة ..
*لبست بجامة قديمة عندي لأن بقع الصبغة صعب تروح من الملابس ..
*وضعت سفرة حول الرقبة و يمكن الاستغناء عنها ..
فتحت العلبة و شفت محتوياتها و كانت (اللون, المظهر, راس لعلبة المظهر, قفازات, عبوتين كريم ملطف للشعر ) ..
الطريقة :
مرفقة مع العبوة و للأسف ما عندي صور ..
بس راح أكتبها باختصار ..
اول شي رطبي يديك الجميلتين بـ زيت جلسرين أو جليسوليد او أي كريم مناسب لكِ (خطوة من عندي :pinklove: ) ..
أضيفي اللون إلى عبوة المظهر , أغلقيها , و رجيها بشكل أفقي ثم اتركيها ترتاح مدة 30ثانية ..
بدلي غطاء علبة المظهر و استخدمي الرأس المرفق ..
بعد ما ركبتي الرأس ابدئي اضغطي منتصف العبوة و هي في وضع أفقي ..
يعني من المكان الشفاف مو تضغطي على الرأس زي اللوشنات و غيرها <<يارب يكون كلامي مفهوم ..
راح تطلع في البداية رغوة سائلة لا تستعمليها (3 مرات) ..
بعد كذا استخدمي الرغوة بفركها بين يدك ثم دهنها ع الشعر زي أي شامبو أو حمام زيت ..
أنا نصيحتي انكم تقسمو شعركم و تبدأو من تحت لفوق ..
و من الاطراف ثم آخر شي الجذور ..
راح تلاحظو ان الريحة قويييية ..
يعني اللي عندها حساسية تنتبه و تستخدم ماسك او شي ..
و اللي عندها أطفال تبعدهم عن المكان قدر الإمكان ..
و زي ماقلت أهم شي التهوية ..
أنا خفت افطر من الريحة << حطيتها و أنا صايمة ..
بعد كذا تنتظري 40 دقيقة و تغسلي شعرك بماء فاتر دون شامبو ..
أنا انتظرت أكثر من ساعة لظروف خارجة عن إرادتي و هذا غلطططط ..
و غير كذا نسيت و استخدمت الشامبو ..
بعد كذا حطيت البلسم المرفق و هو نتفة فاستخدمت من حمام زيت بوناويل ..
المهم رحت أغسل ..
و جري ع المراية أشوف النتيجة و كانت كـ الآتي ..
لون أسود مع لمعة بني محمر (أغمق من اللي في الصورة ) ..
يبان تحت الإضاءة ..
طبعا أغمق من اللون اللي أبغاه بني شوكولاتة ..
تقريبًا كأني حاطة حنة بس بدون ريحة P:
مميزاته / هو ان الشكل طبيعي و ملمس شعري ما تغير مع ان البنات في تجاربهم يقولو العكس ..
عيوبه / لاحظت ان الجذور اللي فوق أفتح بكثييير من االأطراف و اللون غير متساوي ..
رغم اني وزعته ع الخصل كلللها ..
يعني نقدر اننا نقول ان الكلام اللي في الإعلان كلام فاضي من ناحية التساوي ..
تدرو يابنات ايش اللي يحبط ؟!
ان محد من عيلتي انتبه ع اللون بدون ما أقوله =(
لازم أقولهم و بعد تركيز يقولو باين شويتين ..
و على فكرة ترى اللون مقبول مو بشع ..
و اللي حولي يقولو لا تغيري خلاص ..
بس مو هو اللي في بالي ..
.
الخلاصة ..
ممكن اعيد تجربة الصبغ في البيت بس بغير صبغة كولستون ..
يعني أستخدم غارنييه أو غيرها من الصبغات الخالية من الأمونيا ..
و لو أي وحدة حابة تجربها أول شي تبدأ بالأطراف ثم الجذور و لا تغلط غلطتي ..
إلا إذا كان الشعر فاتح أتوقع الألوان الغامقة راح تضبط عليه و تطلع متساوية ..
.
سؤال أخير : هل فيه أمل احصل على اللون اللي أحبه؟ و إذا فيه أي لون أستخدم من غارنييه ؟
-لا حياة مع اليأس و لا يأس مع الحياة -
:26:
.
"سبحانك اللهم و بحمدك , أشهد أن لا إله إلا أنت , أستغفرك و أتوب إليك"
يجزاك الله خير