شاليمار
تبين خاتم الماس او ذهب او اكسسوار
وكم الميزانية؟؟

شاليمار انتي تبينه هديه ولا لك
وكم ميزانيتك

ابيه لي وميزانيتي بين خمسة وسته<<<<<<< الاف موخمسه مليون مثل اللي في الفور سيزون.

طيب شوفي عندك
المعلم تجيهم موديلات حلوه
وصفوى
وفتيحي خواتم الالماس عندهم تجنن واذا ما لقيتي عندهم قولي لهم يجيبون لك من جدة

طيب شاليمار ميزانيتك كويسه
ممكن تجيب لك خاتمين اذا حابه
شوفي عندك محل سرماس بالمملكه والفيصليه وصحارى
وعندك طيبه <<<< اموت فيها
فيه مجموعة محلات هناك مثل الخميس وفهد والمضيان والمقحم وغيرها كثير طبي وتخيري
وبصراحه انا انصاهم على طول اذا بشتري سواء لي او هديه
وخلي عنك معلم ومعوض وهالطقه
والله لقيت خاتم يجنن ب3000 وعند معوض 12 الف
تصوري
بتقولين لي الماس مو فرنسي مدري ايش
بقولك الناس وش عرفها
يكفيك لمعة الالماس والشكل صح
انا صراحه مااشتري من معوض ومعلم ابدا
مااحس فرق
ممكن آخذ منهم فكره واصممها
وماشاء الله اغلب المحلات الالماس الآن يصممون لك الي تبين

مره قعدت مع وحده مديرة شركات الماس او شي زي كذا
وكان عندها خاتمعارضته بالمحل ب40 الف هو حلو بس مافيه زود
قلت لها انا احصل خواتم زيه بطيبه بحدود 3 و4 و5
قالت لي انا مسويه جوله بطيبه اغلب المحلات شغلهم آسيوي
مش فرنسي وايطالي
قلت طيب وش الفرق قالت الاساس الفرنسي يصير شغل فرنسي وشركه مضمونه
وقعدت تخربط علي قلت لها هذا الكلام قوليه للي يلعب بالفلوس
والناس وش عرفها شغل اسيوي ولا فرنسي
الماس ومو قادرين يفرقون بينه وبين الديلوكس
جت على الصناعه
هذي وجهة نظري شاليمار وانتي بكيفك ياحلوه