هلا بنات
فيه وحده من صاحباتي بتكون مسؤله يعنيguideلاعلاميه وباحثه المانيه زائره....الالمانيه بتبحث عن دور المراه السعوديه بالمجتمع؟؟؟؟
ابي اقتراحات لاماكن تزورها؟؟اي مكان للمراه دور بارز فيه؟؟هي بتوديها للجامعه واشياء زي كذا...ايش تقترحون كمان؟
اذا فيه بازارات او موتمرات نسائيه باي مكان قولو؟؟
تبي توديها لشخصيات نسائيه بارزه باي مجال سواء اكاديميه..طبيبه.اعلاميه.سيده اعمال؟المهم شخصيه متميزة من تقترحون؟
انتظركم ؟؟؟هي بتوصل بعد بكره وتجلس 4ايام

لوليتا أنا أخذته قبل سنه من عندهم وكان بقسم السهره وإسألي براحتك يا قلبي وإن شاء الله أقدر أساعد والله لا يحرمني منكم يابنات عالم حواء عمركم ما قصرتوا دايما متعاونات وتحبون الخير للجميع

شكشككك

ياحبيلك أقترح عليك الدكتورة / سلوى الهزاع ..........كاني منب غلطانه بإسمها

هي في مستشفى الملك فيصل التخصصي

ممكن تحاول تكلمها وتنسق معها إذا وقتها يسمح

وعندك مصممات ديكور ................سارة السبيعي ،(( كانت سابقاَ في سارفوزية ))

وعندك بعد ................ أماني العايد (( لها محل في فانتيل ))

هذا إلي أعررررررف

:)

:) انتم عسل :)

##شكشوكةمالحة ##
شوفي اقتراحاتي:
1- توديها لأماكن تجمعات المرأة السعودية مثل الجامعة (لكي ترى طبيعة دراسة المرأة بدون اختلاط) ، وتاخذها لمعهد الادارة،نيوهورازيون، مدرسة بنات.
2-تروح معاها للنوادي النسائية مثل المركز التخصصي- الافق- مركز الامير سلمان (عشان تشوف السيدات السعوديات الكبيرات في السن)- المناهل.
3- تاخذها لمركز فانتيل- مملكة المرأة - مركز حياة المرأة.
4-توديها لبيت اسرة سعودية حتى ترى خصوصة العائلة السعودية وطبيعتها المختلفة عن اسر العالم.
5-تاخذها لزواج سعودي.
6-توديها لاماكن مختلفة مثل المستشفيات- المراكز الصحية الحكومية- الجمعيات الخيرية النسائية.
7-تشوف لها ندوه او محاضرة علمية او دينية وتوديها له.
8- تاخذها لمركز تحفيظ القرآن الكريم.
9- المكتبات العامة مثل مكتبة الملك فهد - مكتبة الملك عبدالعزيز القسم النسائي في المربع- مكتبة نعهد الادارة العامة- مكتبة الملك سعود في الدرعية تفتح يوم الخميس للسيدات.
10-بالنسبة للشخصيات البارزة في المملكة خذي عندك:
الأستاذة فاطمة قابل وهي محامية سعودية- البروفيسورة السعودية سلوى الهزاع رئيس واستشاري أمراض جراحة وطب العيون بمستشفى الملك فيصل التخصصي ومركز الأبحاث بالرياض- سيدة الاعمال السعودية حصة العون- الدكتورة صفية السلطان وهي استشارية في امراض النساء والولادة في مستشفى الحرس الوطني- الدكتورة ثريا العريض كاتبة صحافية تعمل في قسم تنمية الموارد البشرية في شركة أرامكو- فاتن بندقجي مسؤولة عن برامج تطوير المرأة والأبحاث في مركز السيدة خديجة بنت خويلد في الغرفة التجارية في جدة- وسارة العايد نائب رئيس شركة الإبداعية التي تعتبر أول شركة علاقات عامة في السعودية- الدكتورة نورة اليوسف وهي اول دكتورة سعودية في الاقتصاد وهي وكيلة القسم في جامعة الملك سعود- الدكتورة مي العيسى وهي عميدة جامعة الملك سعود بعليشة.

واتمنى ان اكون افدتك بأفكاري ومعلوماتي