أخواتي أنا جربت ماسك رهيب من مجموعة شيسيدو للعنايه بالبشره
أنا نفسي تفاجأت من وجهي بعد ما جربته وهذي شهاده يحاسبني عليها رب العالمين
في المحل مدحتلي اياه اللي تبيع بعد ما شافت وجهي وأصرت علي اني أشتريه وقالتلي اني بشرتي جافه وتحتاج لترطيب ,, أنا ما صدقتها لان بشرتي مختلطه وكثير تزيت ومرات تلمع بس هي خدودي اللي جافه .. المهم شفت انه الماسك يناسب كل انواع البشره وأنا من النوع اللي أهتم جدا بوجهي وبشرتي بس الحق اني اهملت كثيير في الفتره الأخيره.. فقلت بيني وبين نفسي أجربه اذا ما نفعني أكيد بعد انه ما راح يضرني .. وبالمره أدلع بشرتي شويه
الحرمه اللي بالمحل نصحتني أحط سكرب وبعدين الماسك أعمل مساج خفيف لمدة عشر دقايق وأول ما رجعت نفذت.. خليته على وجهي ربع ساعه ( قالتلي ممكن تمسحينه بقطنه وتنامين فيه) وغسلته .. وتفاجأت من النتيجه
وجهي أسفر وأمطر واستهل وأنور ..
هنا صورة الماسك للي تبغى تجرب وتحكم بنفسها .. سعره 170 ريال
هنا طريقة المساج بعد وضع كميه مناسبه من الماسك
مساج لعظمة الفك 3 مرات بشكل دائري
مساج للخدود بشكل دائري 3 مرات
مساج حول العين
مساج من خط منتصف الوجه باتجاه الخارج
هنا صورة المجموعه كلها أو صورة العائله اللي ينتمي لها الماسك
طبعا تتكون من مستحضرات ترطيب ومنظفات ومزيلات مكياج وحمايه من الشمس وماسكات
وعنايه بحول العين ..
الخلاصه وشكلي طولتها وهي قصيره .. أنا جربت الماسك وعجبني .. وأنصحكم تجربونه لأنه يروي البشره ويشيل آثار التعب.
لكم مني أجمل تحيه
د مــــعــــة لــــقـــا
الف شكر لك يادمعة لقا موضوعك رائع :27: