بالنسبه لبخاخ السيقان سالي هانسن الامريكي .
في البدايه هو يجي منه خمسة الوان .
المشهور منها هنا بالخليج :
nude وهذا للبشرة الفاتحه على وردي
light وهذا للبشري الفاتحه على حنطي
medume وهذا للبشرة الحنطية المتوسطه
طريقة الاستخدام :
في البداية لازم تغسلين ساقك يتنشفينها بعد كذا ترجين العلبه وتبخين من على مسافه 15 سم بحيث ان البخاخ ينتشر على مساحه كبيره من الساق . طبعا مهم جدا انه يكون بعيد عن ملابسك لمدة دقيقه الى ان ينشف . بعض البنات تشتكي من انه يطبع على الملابس واظن انها ما تنتظر دقيقه قبل ما تلبس فستانها او انها تستخدم البخاخ وهي لابسه الفستان
لأزلته يستخدم الماء والصابون .
بالنسبه لبخاخ الوجه فهذا كريم اساس ويجي منه 5 الوان
no color وهذا فاتح ويعطي لمعه للوجه ويستخدم بالحفلات الليلية
baige وهذا لون بيج ويستخدم للنهار
nude وهذا يعطي لون على وردي
beach وهذا يعطيك لون برونزاج كأنك متشمسه
ولون خامس ما اتذكر وش اسمه ولكنه للحنطيات .
يستخدم بالبداية على راحة اليد ويوزع منه على الوجه .
كريم الديرماكول من التشيك . اول شي احب اوضحه للبنات هو انه يجي منه تقليد والاغلب من سوريا وتركيا .
كيف نميز بين الاصلي والتقليد .؟؟
الاصلي : ثقيل جدا ولا يطلع منه زيت عند فتحه
التقليد : خفيف واول ما تفتحين العلبه يطلع منها زيت قليل .
الاصلي : له رائحه شبيهه برائحة القرفه
التقليد : رائحه مختلفه
الاصلي : الكرتونه طباعتها واضحه والوانها قوية
التقليد : الالوان باهته .
طريقة الاستخدام :
الديرماكول هو كريم مخفي للعيوب يعني ماهو كريم اساس فقط ولا ينفع نستخدمه على اساس انه كريم اساس .
ببساطه اخلطي كريم الديرماكول مع اي لوشن ( نيفيا , جنجرز ) السائل او كريم اساس رخيص على راحة يدك واضعيه على المنطقه المراد تغطيتها .
نصيحه مهمه : كثير من البنات يشترون افتح درجه 211 مع انهم حنطيات ويتوقعون ان الكريم ممكن يخليهم بيض ولكن كل اللي يصير ان البنات بعد ما يضعون افتح درجة من كريم الدريماكول هو لون غريب على بشرتهم وواضح جدا انه مكياج والمطلوب من المكياج انه يكون متناسق مع لون البشره .
معلومات عن الالوان :
211 لون فاتح جدا ينفع للبنت البيضااااء وللسهرات في الزواجات وبالليل .
212 لون فاتح على حنطي وينفع لللبنات الخليجيات الفاتحات وللسهرات ايضا .
213 لون بيج وينفع للخليجيات لون نهاري ولا يبين انه حاطه شي .
217 لون بيج على وردي وينفع للتغطية النهارية .
طبعا كل لون يعتمد على بشرتك وبالنسبه لي افضل الدمج بين لونين للسهره 211+ 217 الى ان اصل للدرجة اللي تناسب بشرتي .
وبالنهار استخدم 213 .
اتمنى اني اكون وضحت للبنات هنا بعض الاستخدامات للبخاخات ولكريم الديرماكول وياليت اللي عندها تجارب انها تفيدنا هنا وتضيف للموضوع علشان البنات تستفيد .