متمكيجه بعز الظهر @mtmkygh_baaz_althhr

محررة فضية

ولدي محتاج عنايه خاصه .. اعطوني افكاركم لشراء مستلزمات السلامه من سرير و و و حياكم

السلام عليكم
كيفكم حبيباتي
اول شي بعرفكم علي انا وولدي
انا توني ام جديده ولدي عمره شهرين و15 يوم
طبعا توني استقر ببيتي والحمد لله على كل حال :44:
من وقت الولاده للاربعين وانا عند اهلي
وبعدها رجعت بيتي وما مداني اتاقلم
الا وقبل شهر مرض حبيبي ووديته المستشفى وطلع عنده نقص بالصفائح الدمويه :icon33:
وتنومنا اسبوعين تقريبا والحمد لله حالته مستقره نوعا ما
طبعا الدكتور حذرنا من اشياء كثيييييره لان حالته يبغالها عنايه خاصه
اني اشيله بحذر ومو اي احد يشيله
وانتبه عليه لا يطيح او يضرب راسه بالسرير وهو نايم
وما يمشي حافي وعلى طول البسه شرابات وجزمه الله يكرمكم درءا للجروح
عشان نتفادى النزيف الداخلي لا سمح الله او عدم التئام الجروح بسرعه
المهم
الان الحمد لله رجعنا بيتنا واستقرينا وبدأت افكر اهيء له جو يناسب وضعه
عشان يتعود عليه وان شاء الله ربي يشفيه تماما وما نحتاج لهالاستنفار
بدأت افكر اجيب له سرير مرن بحيث انه اذا تقلب وخبط بحافه السرير ما يتعور
بس ماعندي ذيك الخبره بانواع السرر فحابه تنوروني بخبراااتكم
ومن اي مكان اشتريه ووين القى مرتبه طبيه ومريحه
طبعا السرير ما ابغاه خشب او حديد
شي ثاني بسم الله عليه صار ينتبه للدببه اللي معلقه على هزازه وصار يضحك معاها ويغاغي لها خخخخخخخخخخخ
فحابه اشتري له العاااب تناسب سنه ومو عارفه وش رايكم انتو ؟
وش كماااااااان وش كمااااااااااان
ابغى افكار حللللللوه ارتب له ركن بغرفتي خاص فيه لان زي ماقلت لكم مالحقت اكمل له اغراضه والحمد لله على كل حااااااااااال
يلا انتظركم حبيباتي وتذكري انك بتساعدي طفل محتاج عنايه فاااائقه وهذا بميزان حسناتكم باااذن الله
واخيرا ادعوله بالشفاء التاااااام ونصيييحه من قلبي الحزيين على ولدي لكل ام
هالله هالله بالتحصين >> اكيد ماشاء الله ماتغفلو عنه بس كتذكير
وانتبهو تبالغون في الفرح باطفالكم
انا وزوجي فرحنا فرحه بولدنا مايعلم بها الا الله ونسينا ان الله لا يحب الفرحين
يعني لا افرااط ولا تفرييييط مع التوكل على الله سبحااانه
وربي الحافظ الشاافي المعاافي
والحمدلله رب العالمين:26:

يلزم عليك تسجيل الدخول أولًا لكتابة تعليق.

تسجيل دخول

ورد وجوووري • 15 سنة

الله يخليه لك يامتمكيجه

شوفي ماحتلاقي في السوق سرير نفس طلبك
بس ممكن انتي تلبسيه اسفنج دبل

واشتريله المفرش حق الالعاب عند سنتر بوينت مره حلو
والعابه كلها قطن

كمان الارض لو كانت عندك سيراميك احسن تفرشيها موكيت او فينيل وتحطي تحتها اللباد
الحمدلله ارتحت من اصابات عيالي لما حطيته

حتى الرضاعه خليها باللباس القطن حقها
لايضرب نفسه فيها وهو يرضع لاقدر الله

والسرير هذا تقريبا أأمن شي لكن لاغنى عن التلبيس

والله يحفظه ويشفيه شفاء لا يغادره سقما

متمكيجه بعز الظهر • 15 سنة

ورد وجووري

وانا اقووول وش ذا النور اثره نوووورك يا اغلى صديقه

صاادقه جاتني فكره الفينيل واللباد بس قلت لما يكبر شوي على 6 شهور ان شاء الله

السرير اعجبني نفس اللي ببالي باذن الله امر سنتر بوينت واشوف زيه

بس ما فهمت فكره تلبيس السرير ؟؟ ببحث واشوف

جزااك ربي الجنه مهما اشكرك ما اوفيك حقك

فعلا يا بختك ماشاء الله بهالقلب الطيب

ورد وجوووري • 15 سنة

ياحياتي ام هيمووو
انتي العسل والله وهيمو هذا اللي اكل قلبي وانا لسه ماشفته
الله يستر لو امسكه بيدي راح اكله

شوفي ياقمر التلبيس اتوقع يسووه محلات تفصيل و تنجيد الكنب والمساند
طبعا لاتفكري تدوري فينبع لاني دورت من قبل كنت ابغا البس كرسي
وكانوا يقولوا يحتاج مكاين كبيره مو موجوده غير بجده

ويارب انها ازمي وتعدي وتجهزيله بيته عريس ان شالله

moon way • 15 سنة

ايييه اختي لبسي السرير من الداخل في مفارش خاصة ويجي معها تلبيسة الجوانب انا استخدمها ومغلفة السرير من الداخل وهو خشب بس ما يأذي مع التلبيسة
وان شالله باقي البنات يفيدوكي

غلاابنتي • 15 سنة

الله يشفيه ويحفظه لك ....ماعندي خبره بس حبيت ادعي له ربي يتمم له الصحه والعافيه...بس نصيحه مني لاتحطي عنده دببه وحيوانات..وحصنيه دائم بعد الفجر والمغرب...وبارب يخليه لك ولوالده