تسلمييييين..والله يسخرلك زوجك وعيالك

بس ماقلتي ايش اسم الكاتب؟

انا طبعا مش هاقدر اقول انى بقيت خبيرة فى التعامل مع الزوج....

انا يادوب بدات خطوتين بس لقيت النتيجة مشجعة الحمد لله.....بعد ماكنت يائسة من اى سعادة زوجية ومن كتر الخلافات والتصادمات ... والوصول لخيار الطلاق اكثر من مرة..

لكن طبعا الاولاد بيخلونا نتراجع تانى ونستسلم للامر الواقع.... وهو اهى عيشة والسلام عشان نربى الولاد...

مع ملاحظة ان زوجى كثير الكلام مع زميلاته فى العمل وكثير العلاقات كمان ..وده خلانى عايشة فى شك وجحيم ليل نهار لانى متوقعة منه الخيانة دايما ..

وهو عصبى جدا ... ولا يحتمل الانتقاد او المخالفة فى الراى....دكتاتورى يعنى....
واخيرا انانى زى معظم الرجال..المهم نفسه ...صحته ..طلباته

انا من جوايا كنت رافضة كل الطباع دى وغيرها طبعا ... وكنت باحاول اغيره بالمناقشة .. بالخناق.. وكتير بالخصام

لكن اللى بيحصل ان الدنيا كانت بتولع كل شوية ... وتعبت ونفسيتى انهارت بشكل ملحوظ .. غير التاثير عالولاد..

ملحوظة: ابنى الكبير عنده 3 سنين لحد دلوقتى فاكر خناقة بينى وبين ابوه من شهور وكل شوية يقول ادام الناس" ماما زعقت لباباوكسرت الطبق وبابا زقهاوزعقلها".... كلام من ده... مسكين مش قادر ينسى..... فحذارى من الخناقات امام الاولاد

انا دلوقتى بعد ماكنت بارد وساعات اعلى صوتى بامانة لما احس بالظلم او التحكم ... او الياس من التفاهم ...كل اللى باعمله دلوقتى انى باسكت مع نظرة عتاب... وساعات دموعى تسبقنى من غير بكاء طبعا او تشنج.... بس دموع تعبر عن الضعف وقلة الحيلة.... وصدقونى من غير تمثيل!
بس مفعولها.....سحر ...بلاقيه يهدى من ثورته وزعيقه ويحاول يكلمنى بهدوء ويراضينى ويبوس راسى كمان!!

فهمت اخيرا.. هو مش عاوز ندية .. مش عاوز زوجة تعامله واحدة بواحدة حتى لو كانت على حق
الاهم يحس برجولته اولا وبتحكمه فى الامور والراى .... وبعدين لما ياخد وضعه ممكن يعملى اللى انا عاوزاه بس على انه فضل ونعمة منه.... وماله؟ .... مش زوجى... المهم المركب تمشى

اشكر لكم ردودكم ودعواتكم... العامرية ... وبنت دلاال
اسم الكاتب هو ( د. صلاح صالح الراشد ) .....

صاحب مركز الراشد للتنمية البشرية
اعتقد تسمعوا عنه ..... ونصيحة شوفوا قناة smart way بيتكلم فيها ... وفيه محاضرين كتير زى ابراهيم الفقى.... ومش عارفة باقى الاسماء...لكن بجد استفدت كتير من كلامهم فى تغيير نفسى

الاخت ...بطة 151

انا عندى نفس مشكلتك... وبحاول اجذب انتباهه ليا من اول وجديد

بصى الحاجات اللى دايما كانت بتجيب نتيجة مع شخصية زى زوجى....

اهتمامى بنفسى واحساسى بانوثتى... مع شوية دلع صغيرين غي مصطنعين طبعا...
لانى مش عارفة انا مقتنعة ان الدلع ليه اهله... واحنا معظمنا اتربينا فى بيوتنا ان البنت لازم تبقى راجل! عشان ماحدش يطمع فيها!!!! والكارثة بتيجى بعد الجواز.... لان الراجل شبع من معاملة الرجالة طول حياته ... وعاوز يلاقى فى البيت انثى بمعنى الكلمة.....

يعنى فى صوتها .. فى خطواتها وحركاتها ...لبسها وزينتها ..كده يعنى
وطبعا الدلع ... معروف

الدلوعات مرميين فى كل حتة... فى الشارع والتليفزيون... وحتى فى الشغل !!
فمش معقول يشوف كل ده بره ومايشوفهوش فى البيت...وانا عارفة ان الكلام سهل ....والمهم التنفيذ وده اصعب بكتير

لكن عالاقل نفهم الرجالة عاوزة ايه ... وربنا يعيننا مادمنا مخلصين النية لله نسعد ازواجنا ونسعد معاهم

أنا عندي الكتاب .. ومن جد مفيد جدا

جزاك الله خير:)