شخباركم بنات وشلون الريجيمات معاكم
اول شي بكلمكم عن نفسي
انا ام لطفل واحد عمره 3 سنوات وزي الكثير منكم كنت رشيقه قبل الزواج زدت بعد الولاده 2 كيلو فقط
وقعدت طول هالثلاث سنوات محافظه على وزني اذا مره متنت ازيد 2 او 3
وهالكلام استمر الين الشهرين اللي طافو وزدت تقريبا 6 كيلو وهالوزن اول مره اوصله
عالعموم انا قررت اطبق ريجيم دشتي واللي شجعني ان زوجي بعد بيسويه هو وزنه فوق ال100
وراح احط يومياتي هنا بالأضافه الى الوجبات اللي راح اسويها لأن هالريجيم يحير شوي بالوجبات
بسم الله الرحمن الرحيم
اول شي ببدأ باغراض الريجيم
بما ان الريجيم يعتمد عالبروتينات اشتريت انواع من الجبن والصلصات للتتبيل
\ نسكافيه بدون كافيين وكوفي ميت وسكر الريجيم
وترى السكر مو واثقه منه اذا هذا النوع المطلوب بس انا اساسا مااحب السكر كثير فالقهوه يعني مراح احط الا شوي و****لله مايضر
زيت زيتون ودبس الرمان وصويا صوص ومشروم
للأسف بعد ماشريت الصويا صوص اكتشفت ان فيه نسبة كربوهيدرات
الأجبان جبن حلوم وجبن كرافت وجبن موزاريلا وجبن توست ونسيت جبن التشيدر
مايونيز خفيف وماسترد وكريمه
وعلى فكره مو شرط تجيبون مايونيز لايت تقدرون تستخدمون المايونيز العادي بس انا احب طعم اللايت اكثر
وطبعا لا ننسي الخضار شريت بالأضافه للخضار المعتاده كرفس وبروكلي عشان الشوربات
نسيت اقلوكم بنات
انا وزني 64
والهدف الاول 60
الهدف الثاني 56 او
ملاحظه
هذا موضوعي بمنتدى ثاني يعني مش منقول كنت بسويلي يوزر ثاني بنفس الأسم عشان ماتستغربون بس قلت ماله داعي وحطيته هنا عشان تشاركوني وتشجعوني وتستفيدون
ملاحظه ثانيه
وزني اللي كتبته هذا وزني اول ماكتبت الموضوع في المنتدى الثاني وبسردلكم التطورات اللي صارت من خلال الموضوع :27:
انا بديت الريجيم يوم الثلاثاء 15-7-2008
اول شي اطباق الفطور
اومليت بالبصل والكزبره
المقادير
بيضتين
بصل
كزبره شبت بصل اخضر
جبن سايل
اولا خذي البيضتين واضيفي لها شوي فلفل اسود وملح وكمون
اخفقي البيض بالشوكه
احمسي البصل لين يذبل شوي بس لا يتحمر
خذي البيض المخفوق واضيفيه للبصل وهو عالنار
حطي الحين عالوجه الكزبره والشبت والبصل الاخضر
خليه لين يستوي ويتحمر من تحت بعدين اقلبيه
انا قصيته من النص عشان اقلبه عدل
مباشرة اضيفي عالوجه 2 ملعقه صغيره جبن سايل
خلاص مجرد مايستوي من تحت شيليه اساسا ماياخذ وقت على طول يتحمر
قدميه مع الخس