ماذا يأكل الناس في بعض دول العالم خلال اسبوع ؟؟
هذا هو الهدف من الصور ..من أجل التعرف على العادات الغذائيه لشعوب العالم ..
وفي الموقع الأصلي للموضوع وهو موقع أجنبي ..تم ذكر التفاصيل مثل التكلفه الماليه +الوجبات المفضله
بالاضافه الى ذكر أسماء العوائل المشاركه ..
لكن
من ناحيتي الهدف هو أن نعرف ونحس بالنعيم اللي مو حاسين فيه ..
عجبني هالموضوع وحبيت أنقله لكم ..وكلي خووووف :D انه النقل ممنوع ..
فاذا كان ممنوع .ما فيه مانع احذفوه !!
واذا ما كان مكانه هنا ..انقلوه !!
والحين شوفوه قبل ما يحذفوه !!!
(( أعتقد انه مصيره الحذف بسبب صور الحريم اللي فيه ..))
بالمناسبه التعليق من عندي مو منقوووول !
في الخليج
تحديدا في الكويت الحبيبه ..أول شيء شكيت في شكلهم كأنهم ربعنا .وبعدين تأكدت من 5 أشياء
1- كيس الصمون والتوست ( شوفوهم على اليسار لون الكيس أحمر ! والخبز الايراني بعد الملفوف بفوطه ! )
2- زيت دلال انتاج شركه المطاحن ! والمعكرونه + الطحين !
3- الأكياس الحمر بهارات مجدي !
4- قيمر كي دي دي ( على اليمين بس الصوره قديمه لان كي دي دي غيروا الشكل هذا !)
مع عصير المنجه بعد !
5- سمج الزبيدي ..
ويا حلوهم مخلين الخدم معاهم بالصوره .
تكلفه الوجبات بالاسبوع = 221 دولار
الوجبه المفضله : برياني الدجاج
مصر
ما شاء الله أكلهم صحي ..
تكلفه الوجبات = 68 دولار
الوجبه المفضله : الباميه واللحم
اليابان
أحلى شيء السمج حاطينه بصندوق ثلج .مو احنا حاطينه بصينيه !
تكلفه الوجبات = 317 دولار
الوجبه المفضله :الفواكه - الكيك - الشبس
يا حلو الأكلات الهنديه ..لكن اللي على اليسار ما عرفت شنو بالضبط ؟
تكلفه الوجبات = 39 دولار
الوجبه المفضله : الرز
إيطاليا
أهم شيء عندهم أنواع الخبز والمعكرونه
تكلفه الوجبات = 260 دولار
الوجبه المفضله : السمك - الباستا - الهوت دوغ
الولايات المتحدة
أكلهم موصحي أبدا .وجبات سريعه أغلبها ..ما يطبخون بالبيت !
تكلفه الوجبات =341 دولار
الوجبه المفضله : السباجيتي - البطاط - الدجاج