صينية خضار بالقشطه والجبن سريعه ولذييييييذه لاتفوتكم

هلا بالطباخات الحوائيات :27:
انا بصراحه اول مره اشارك معكم في هالقسم اللذيذ لكن انا متاااااااااابعه له ولا استغني عنه
فاتمنى انكم تقبلوني بينكم ولو اني xxs عندكم :35: لكن حبيت هالمره اني اتفاعل معكم ولو بالبسيط اللي عندي فكلنا نفيد ونستفيد من بعض نجي للموضوع والزبده ........ ايه اخلصي علينا :mad:هههههه

انا بصراحه فتحت الثلاجه وخذت من الموجود فيها وبديت احوس
يعني الصينيه من راسي...... ..........احلى ياشيفة زمانها :cook:
يعني المقصود لا تدققون مره في المقادير

نجي للطبق واللي هو صينية الخضار بالقشطه والجبن /

المقادير :
1 بصل يقطع شرايح

2 تقريبا صدور دجاج مقطعه شرايح طوليه

تقريبا نص علبة كريمة الخفق او اكثر شوي المراعي او اي شي

2م ك تقريبا جبن سايل

ا بطاطس مقطع طوال بس قطع كبيره شوي مو مثل القلي

2 كوسه مقطعه دوائر

3 جزر ايضا دوائر

1فلفل بارد احمر او اي لون مقطع طوال

شوية بقدونس مفروم

جبن موزريلا


الطريقه:
تحمسين البصل ثم الدجاج الى ان يقارب للاستواء ثم تضعين البهارات والفلفل الابيض والماجي والملح وتحركين شوي

ثم كريمة الخفق ثم الجبن وتحركينه شوي وتشيلينه من على النار

ثم تجيبين صينيه وتضعين فيها الخضار وترشينها بشوي بهارات وتخلطينها ثم تضعين الدجاج واخلطيها زين وواسيها

ثم البقدونس ثم جبن الموزريلا وان كنت تحبين الخضار رطبه كثير فزيدي من كريمة الخفق او رشيها بشوي مويه

تقريبافنجال مويه وانا سويت كذا وطلعت حلوه ماشاءالله

وقصدريها ودخليها الفرن لين تستوي ثم ضعي الفلفل البارد وقصدريها شوي عشان يذبل وتاخذ الصينيه

نكهته انا سويت كذا لاني ماحب الفلفل مطبوخ اما اذا كنت عادي تحبينه باي شكل حطيه مع الخضار وخليه يستوي جميع وبس

وكلوها مع الخبز والعصير وتمتعوا باحلى عشا بصراحه لذييييييذه جدا يمي يمي واحلى شي فيها انها ما تاخذ وقت ولا مجهود
بصراحه تمنيت اني مصورتها عشان تشوفونها وتقاطر سعابيلكم خخخخخخخخخخخخ
لكن فااااااااااااتني



واتمنى ان شاءالله انكم تجربونها وتعجبكم وتدعون لي