السلامعليكم ورحمة الله بنات
اليوم بنزل صورة الحديقة بناء على كثير من طلبات العضوات الملح >> وأخيرا
أدري اني تأخرت في تنزليهم بس اني قلت ليكم للحين ما كملتها وامس طلعت مع زوجي اشتري باقي الأغراض علشان اكمل
طبعا اني حاولت اني اضيف اشياء اكثر بس ضيق المساحة كان عائق وفي افكار واجد في بالي بس خسارة ما اقدر اسويها خصوصا انه الزاويا هذي تودي حق حمام الصالة اعزكم الله
طبعا النباتات الموجودة بعضها طبيعي وبعضها صناعي لأن خبركم النباتات الطبيعية يبغى ليها عناية وأجواء خاصة واحنا اجواءنا بسم الله عليها ما تشجع
قبل ما ابتدي رجاء خاص اللي ما يعجبها الموضوع عادي تبدي رأيها وتنتقد لكن بأسلوب راقي :angry2:بعيد عن التجريح
نبتدي على بركة الله
هذي الصورة اللي نزلتها في الجزء الأول من شقتي قبل ما اغير فيها اي شي
وهذي بعد التغيير والتعديل
من زاوية ثانية
زوم اكثر
واهني دالية العنب >> مصدقة روحها الأخت عبالها في سوريا :22:
على جنب
ومن جهة ثانية
طبعا الفازتين الصغار موقعهم غلط بس اني عجبوني واشتريتهم ولما جيت ابغي احطهم ما لقيت لهم محل فاضطريت احطهم اهني على مال احصل لهم مكان
وهذي آخر صورة لعباد الشمس
أتمنى انها تعجبكم واتقبل اقتراحاتكم ونقدكم
ودعواتكم لي بالذرية
ماشاء الله تبارك الله
فكره حلوه انك تستغلي اركان من البيت في شي حلو زي كذا
وربي يرزقك بالذريه الصالحه ويحفظك لاهلك وزوجك