كيفكن يا احلى صبايا ولكل اللي عم يشوفوا مواضيعي بحكيلهم
انا الحمد لله كتير بحب النضافة ولدرجة انيبخترع وببحث عن اشيا تخلي بيتي دايما يلمع يلمع يلمع
والحمد لله طالعة بنتائج مبهرة وحلوة ودايما بيتي بيلمع ونضيف بفضل الله عز وجل ولله الحمد
طبعا انا زكرت تنضيف جدران المطبخ بموضوع نضافة مطبخي بس بدون شرح
بسم الله نبدا وطبعا هادا التنضيف انا معتمديته في كل اسبوع ومحددة يوم السبت للمطبخ والاحد للحمام ومن كل اسبوع عم بنضف جدار واحد وبهيك بكون باخر الشهر نضفت الجدران كاملة وبدون تعب ولا مجهود وطبعا بكون بشهر واحد بس منضفة جدران المطبخ والحمام وبس بخمس دئايئ بكون مخلصة الجدار
رح نحتاج متل هالمكنسة اللي بالصورة وبتلائيها باي محل ادوات منزلية وهي عبارة عن جهة مكنسة خشنة نوعا ما ومساحة للمي
ودلو وسيع حطيت فيه غطاية وحدة من اجاكس او اي منضف ما الو رغوة لانه بدون رغوة اسهل واسرع بالتنضيف
وحطي شوية مي
ومرري المكنسة بعد ما تحطيها بالدلو عالجدار بالكامل
استنوني يتبع....
وبعدين باي شي قطني نشفي الجدار كامل
ورح تشوفي احلى جدار نضيف وبيلمع
وبس بخمس دئايئ بس للعلم اني محافظة على هالطريقة بالتنضيف من بداية ما سكنت ببيتي يعني ما عندي تراكم للدهون والغبار ولهيك ما بياخد تنضيف الجدار مني غير هالخمس دئايئ والحمام عم اتبع معه نفس النظام بالتنضيف عدا عن التنضيف اليومي للجدران اللي حوالين المغسلة والافرنجي اجلكم الله والبانيو ودايما جدرانه بتلمع ويمكن ازا في حد منكم عندها تراكم للدهون او الغبار اول مرة ياخد معها التنضيف فترة اطول بس ازا اتبعتي طريقتي ونضفتي كل اسبوع رح تشوفي انه خمس دئايئ كتييير على الجدار الواحد
بتمنى الكل يستفيد ويطبق طريقتي وسدئوني ما رح تندموا ابدا ابدا ورح تضلوا دايما بلمعان ونضافة مثالية
دعواتكم الي