كان ياما كان في قديم الزمان و سالف العصر و الاوان
كانوا محددين لي موعد الولادة في 10-10-2010
وزوجي يقول لي اصمدي عشان التاريخ حلو عاجبني و كان يوافق الاحد
قبل الموعد بكم يوم و تحديدا ليلة الخميس رحت جمعتنا العائلية الاسبوعية
و صار تاتش بين بعض الجماعة حسيت نفسي توترت بدا الطلق ( ضيفوا لي موسيقى رعب و طفوا الانوار)
كان الطلق ناعم ودلوع يروح و يجي يقوى و يضعف ما في نظام ابد بس قلت خلني اخلص اموري :angry:
غسلت الملابس و شيكت على شنطة ملابس عيالي اللي بياخذونها بيت عمتهم
واخر شي اكلته كان العشا الساعة عشرة و نص ليلة الخميس و هذا تعبني اثناء الولادة صار ما فيني حيل
يوم الخميس العصر بدت تطلع افرازات ممزوجة بدم
وقلت لزوجي قربت ساعة الصفر و بدى يزيد الطلق بس مو مثل طلقي بعيالي الاثنين
الساعة عشرة و نص من ليلة الجمعة ودت العيال بيت عمتهم و امنتهم الله الذي لا تضيع ودائعه
وصلت قريب المستشفى ورفضت دخولها لان الطلق مو منتظم
دقت على اختي تقول لي رجعت بيتك و الا بعدك تدورين قلت لها لا توي طالعة من بيتي رايحة اولد
ماصدقتني صرت اذا جتني الطلقة اقفل الخط في وجهها و اذا راحت الطلقة دقيت اسولف معها
و هي بين المصدقةو و المكذبة لان الطلقة مرة تزيد ومرة تقل و هي و زوجي يحسبون الفاصل
المهم دخلت المستشفى الساعة وحدة و نص و فحصوني لقوني اربعة ونص
ودوني غرفة الولادة فتحت قناة المجد و زوجي يقرا علي الاوراد وسورة مريم
لما وصل ستة فتحوا كيس الماي ويقولون عطوني ابرة بس الالم كان يزيد ما يقل و الكمام خرطي ما ينفع
احس بزلازل في ارحامي وكنت اقول لزوجي وصيتك عيالي احس هالولادة غير وصلت فيني الحالة اني قلت له خلاص لاتقرا علي بديت احس بدفع البيبي و القابلة حسبي الله عليها ماصدقتني
ومع الصراخ و الاصرار شيكت علي و شافت الراس خلاص جت الدكتورة الهبلة فلبينية غبية
وجت معها وحدة هندية بس واقفة عند راسي بوش ماما بوش حتى وما في طلق
دفعت الراس و حتى الجسم دفعته وهذا سبب لي نزيف
بديت انهار و عيوني تزغلل لدرجة لما طلعت بنتي ما شفت العضو :35:صح فكرتها الولد الثالث هههههههههه
بس قالوا لي بنت :27:وظلوا يعطوني ابر مضاد عشان يوقف النزيف و عطوني منوم عشان انام
بس وين انام و كل نخزة خياط حسيت بها وهي تقول ليش ما في نوم بعد ساعتين تحت الملاحظة عشان النزيف ودوني غرفتي وجابوا ملاكي الصغير :04:بس قصتي مع هالمستشفى الخايس ما خلصت
موظف الاستقبال عند الدخول قال لزوجي يومين و تطلعها و سأله عن الوقت قال له ممكن تظل للمغرب
خايف عالبيبي من حرارة شمس الظهر ولدت الجمعة الصباح الساعة 4.45:time:
ويوم السبت الساعة 12 الظهر جابوا لي اوراق المواعيد و شهادة التطعيم و ووو شوي وبيقولون لي برااااااااااا
الساعة وحدة ونص اعلنت حالة الطواريء كل اللي في الدور يسالوني متى تطلعين
واذا ما طلعتي يخصمون من راتبنا المشكلة الغرف فاضية
و موظف الاستقبال يدق على زوجي تعال خلص الاجراءات و طلعها اوتدفع ليوم جديد
قبل هالوقت الدم وقف اكثر من ساعتين و بعدين رجع ينزل بلون وردي باهت انا اطلب دكتورة نسا وولادة
و هم يطلبون اخلاء الغرفة او تدفعين يوم جديد وانا اقول دفعت فوق العشرة الاف قبل من حقي اشوف الدكتورة
في النهاية جابوا لي الدكتورة مو عشان سواد عيوني عشان يفتكون من وجهي
وقالت عادي ممكن الدم يصير قليل من ثاني يوم وماطلعت الا الساعة اربعة وانا مقررة اني ما ادخله مرة ثانية
باخلص الاشياء اللي دفعت لهم علشانها بس ما راح اكرر التجربة:mad:
لان لما يصير العنوان العريض للتعامل مع مريض تعبان المادة ثم المادة ثم المادة وما في ذرة انسانية يصير اللي قدامي تاجر مو طبيب
وتوتة توتة خلصت الحدوتة( قفلوا الستارة )
يلزم عليك تسجيل الدخول أولًا لكتابة تعليق.
أوشن دريم
•
الف مبرووووك
الف الحمد لله على السلامه مبروك العروس تتربى بعزكم والله يعين اخوانها على زيادة دلالها راحو فيها خخخخخخخخخخ
الف الف الف الحمد لله على السلامتك
وعقبالي لما ابشركم بقدوم احلى ولد سليما معافى من كل عاهه وبلاء اللهم امين
يارحمن يارحيم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
لااله الاانت سبحانك اني كنت من الظالمين
وعقبالي لما ابشركم بقدوم احلى ولد سليما معافى من كل عاهه وبلاء اللهم امين
يارحمن يارحيم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
لااله الاانت سبحانك اني كنت من الظالمين
الصفحة الأخيرة