كانت فو1كه بتروح في ستين داهيه (موقف طازه) ممنوع دخول الموضوع ليلا << وش مرعوب أوي هع

بسم الله الرحمن الرحيم

السلام عليكم ورحمة الله وبركاته


......


صبـــــــــــاح الخير ،،، مســــــــــــاء النور

والله لولا الله ثم الأنوار اللي اخترعها اديسون اللي لو كان مسلم لترحمت عليه
لو ماهي موجوده كنت مستحيل اقعد على عالم حواء بالليل

تدرون وش اللي صار لي قبل اربع ساعات من الحين !!
طبعا محد يدري ومافي فايدة لو دريتوا
بس لازم تدرون عشان ارعبكم وياي
وان شاء الله تستفيدون


انا ياقليباتي عندي عقده من الظلام
يعني من يوم يبدخل الليل لازم افتح اللمبات << ياحظي

تخيلوا اليوم طلعت بعد الفجر مباشرة وكان النهار بدأ يطلع
وأشوف القمر باقي مااختفى << القمر التقليد ولا الأصلي انا دايم موجوده
وقبل اوصل البيت احس الشمس خلاص طلعت
والا القمر مسنتر
قلت لبعلي الحين عندنا ليل ونهار
طيب امريكا وش عندهم ؟؟ << يمكن بصل

صدق الشمس طلعت والقمر مااختفى
طيب البلدان الثانية وش عندهم دام هالبلد جمعت الثنتين ؟؟؟؟
تقريبا والله أعلم هم الحين بأول الشهر ووقتهم ليل ومافي قمر



ايييييييييييه وش كان موضوعنا ؟!!!!

نرجع للي صار لي قبل اربع ساعات من الحين ( يعني الساعة 10 بالليل )
دق زوجي من العمل يقول ابروح اوصل خويي العثيم تبون شئ مناك ؟؟
قلتله عازوين سلامتك ياباشا ماتنساش العشا عليك
دام انك ماغديتني اليوم فمارح اعشيك !! << لازم تصيرون قويات
والا الرجال لايؤمن جانبهم
بيجيبون لك العشا وانتي تطبخينه وكأنك يابو زيت ماشريت <<<< او كما قيلت ...


قفلت من هنا
وقومت بنتي الصغيرة اووم سنه وعشرين يوم >>> شوفوا توقيعي وراح يعطيكم عمرها بالضبط
كانت تعبانه تعرفون تقلبات الجو عشان الشتاء بيدخل
انا احب الشتا عشان لو سويت استشوار مايخرب علي
مجرد بس تعرق راسي يصير شعري عجينه واروح المكان اللي متكشخه عشانه وانا متنرزفة
مع اني افتح مكيف السيارة عالأخير بس ماينفع << جلدي سميك غير نفاذ ....



ياربي نسيت السالفة ::: لاتقاطعوني عشان ماأنسى ..
ايه صح قومت الصغيرة وقاعده اصحصحها والعب معها
الا والباب يدق دق مو صــــــــاحي :unhappy:
قامت بنتي انخرعت وانا دخلت تحت البطانيه
قاعده افكر مين بيجي الحين ،،، محد يجيني الا بموعد
زوجي توه مكلمني ومستحيل يوصل في دقيقتين !!!!

دلفت عالمجلس اجيب جوالي << كنت حاطته اهناك مو من زود الإتصالات والإزعاج
بس لأني نسيت ان عندي جوال لأن محد يدق علي <<< تحزن

تجرأت وقلت مين << على بالي زوجي ويمزح ماراح العثيم ..
مييييييييييين ؟؟؟
ماحد رد ..... ويطق الباب مره ثانيه تقريبا بمفتاح او شئ << يعني كأن واحد معصب او مستعجل او او
يعني مو وحده كيوت جايه تزورني << ترى صحباتي كلهم كيوت عشان كذا مايدقون حتى جوال من النعومه<< تصبر نفسها خخخخ



دقيت على زوجي وانا دمعتي على طرف عنوني
هلا ....
مامدانا نشتاق يامره:pinklove:!! اكيد تبين فشفاش
قلتله بالله مو انت اللي عالباب ..... قال في احد يدق الباب ؟!!!
( والباب طق طق طق طق ... ) :icon36:
هنا نزلت دموعي وصرت ارجف
والله شايلة بنتي وضامتها بقوه وموقفه بزاوية الغرفة شوي واخش بالجدار
اقوله تكفى تعال الحين والله شكل الباب ابيتكسر من قوة الطق
:icon29:
قال انا داق عالبقالة يجيب قارورتين مويه ويخليهم عالدرج بس مااتوقع هو !!!
<<< دايم نسوي هالحركة اذا ماكنا بالبيت او كان زوجي في الطريق وجاي ،،، عادي ندق عالبقالة ويحط الأغراض برااا بدون مايدق الباب واتوقع مايعرف وين شقتنا ...


المهم قلتله خلي احد من عيال عمانك يجي يشوف مين هذا ،، وقاعده اصيح
قالي طيب ،،،، وكلم ولد عمه لأنهم ساكنين قريب مره
ثم كلمني وقال باقي يطق الباب ؟؟؟؟ وانا ايييييييه يلا تعال بسرعه !!!!

هنا سكت الباب ... وبعد دقيقتين اسمع احد يتحرك << قالي زوجي وصل ولد عمي وماحصل أحد !!!


هاااائو ،،، ياحبة عيني! يعني مين اللي يطقطق بذالباب :08:

وصل زوجي ،، ودخل قوارير المويه وقال اتوقع راعي البقالة !!
قلت والله لازم تتوطاه اذا صار هو
ماعمره طق الباب ابد ،، ليش الحين <<< اخاف لو هو يسوي بلا ويحط الشقة براسه
ماودي اظلمه...
ولو مو هو اجل مييييييين ده !!!!!!! يالهوتي !!!!:(
ابقعد على أعصابي الى متى ؟!!
خاصة اني دور ارضي !!!
كنت دايم افكر لو طب حرامي ولاشئ ابكب عليه ديزل واولع فيه وانحاش
او اصب عليه اسيد
بس يوم الباب طق وقلت هذا حرامي ماقدرت افكر ولا اتحرك
واطالع في بنتي وأصييييح وهي تحسبني اضحك ثم تضحك !!!!


الله يكفينا كل شر
اللهم انا نعوذ بك من كل طارق وشر كل طارق الا طارق يطرق بخير ..


شفتوا الحين عرفت قيمة اللمبات
لو ماعندي لمبات وواحد طق الباب
كان ممكن افتح الباب بالغلط على بالي هذا باب المطبخ << لا ياشيخه !!!


الله يأمنا في ديارنا
ويكفينا كل شر وسوء ومكروه


والحمد لله زوجي جاب عشا جبن وصاموني

......
اللي عندها احد يشتغل في الشرطة تكفون خليهم يمسكون الحرامية
والله اني اخاف ....


فوتكوا بعافيه
واتمنى الحذر من راعيين توصيل الطلبات
لأني اعرف بعض الناس ينزلون بناتهم في الإبتدائي ياخذون الطلبات وماهمهم
فانتبهوا على انفسكم وبناتكم
حتى قريت هنا قصة في المنتدى وحده تقول دخل عليها راعي التوصيل وكان ناوي شر
لكن ربي حفظها

وترى انا ماأأكد انه راعي البقالة اللي دق الباب علي
لكن تزامن الطق بعد ماكلم زوجي البقالة وطلب قارورتين مويه
ودايم الحساب نجمعه لهم آخر الشهر يعني عشان كذا يحط الأغراض ويولي ،، فلاتقولون اذا هو يمكن يبغى فلوسه ...



ويلا فوتكوا بعافيه مره ثانيه
خلاص انا اذا مسكت المكرفون ما اتركه
يلا وحده تسحبه مني !!


بجد بجد فتوكوا بعاافيه ::::::





لا اله الا الله ...