الي خبيرات ماليزيا ارجو المساعده للأهميه

هلا عيوني 000رحله سعيده ان شاء الله

وان شاء الله اقدر افيدك00
اربع ايام في بيننق روعه خاصه اذا كنتم من محبين الالعاب البحريه وعندك جنتنق روعه بس ماتستاهل اكثر من ليله وحده واذا معاك اطفال خليهم ليلتين

وعندك بعد لنكاوي رائعه بمعنى الكلمه وطبيعه غير شكل ومنطقه هاديه00

وبالنسبه للاسواق كثيره وفي كل فندق يعطونك اوراق فيها اسماء المولات بالعربي

اما الشقق الفندقيه ماجربتها ان شاء الله البنات يفيدونك000

تسسسسسسسسسلمين احلي مهاااااااوي بس ماقلتي لي المناطق الي ذكرتيها وش تمتاز فيه
يعني جنتنق وش احلي مافيها ولنكاوي برضو وش طبيعه البلد وش تمتاز فيه ؟؟

هلا عزيزتي
ماليزيا روعة والله الواحد ما يمل منها
رحت لها مرتين ولا مليت

بالنسبة للبرنامج انصحك نصيحة ترتبون مع شركة سياحية ترتبلكم الرحلة وتحجز لكم الفنادق
لأن لو رحتوا كذا بتضيعون ماليزيا زحمة ماراح تلقون حجوزات بسهولة خصوصا بتوصلون تعبانيين من طول الرحلة وماراح تكونون راقين تفرون تدورون لكم سكن لما تنسقون مع شركة سياحية بتوصلون بتلقون كل شي مرتب وجاهز والدفع يكون مسبق مع الشركة
اما احلى المناطق
(لانكاوي) حلوة تكون اول محطاتكم لأنها هادية ورايقة وفيها منتجعات روعة بمعنى الكلمة يعني تريحون فيها 3ايام
(بينانق) رائعة جدا تشبة لانكاوي بس الفرق إن فيهاحركة اكثر من لانكاوي وانصحكم بالمنجعات الخمس نجوم
(جنتنق) منطقة جبلية باردة فيها فندق يشمل مجمع سوق ومطاعم وملاهي يكفيكم يومين لأنها مزعجة مرة خاصة انها مليانة صينيين
كولا لمبور خلوها اخر المحطات عشان التسوق مليانة مجمعات واسواق وماركات انتو أسألوا اللمزين وراح يدلكم على ارقى المجمعات
ولا تنسين السوق الصيني لأنة مليان ماركات مقلدة بس أحذروا من النصابين
المطاعم إحذروا المطاعم العربية مثل الطربوش وليالي للبنان تجيب المرض
عليكم بيتزا هت وماكدونالدز وكنتاكي على الأقل تضمنين نضافتها شوي
واحلى مطعم بصراحة لا يفوتكم مطعم ماليزي (سري ملايو) مطعم رهيب اكل ماليزي قريب من اكلنا في السعودية ونضيف هو بوفية ب60رينجت للشخص وفية عروض فكلورية ماليزية ورقصاتهم الشعبية رهيب
بس لا زم حجز يعني تخلون الفندق يحجز لكم حنا نسكن في فندق ماريوت إلي في شارع العرب وهم دايم يسون لنا حجز وبعد يخصمون لنا لأن الفندق متعامل معاهم
وبالتوفيق رحلة سعيدة بإذن الله

شذي السوسن
تسسسسسسلمين يالغلا علي نصايحك الثمينه
واكيد ماراح انروح الا مرتبين امور الحجز والسكن من هنا بس انا ابي اعرف وين احسن الاماكن والشقق الفندقيه بشارع العرب القريبه من الاسواق علشان ارتب حجزها من هنا لاني ماضمن المكاتب السياحيه هنا تعرفين الي يروح ويشوف ويجرب بعيونه غير الي يحجز علي عماه
ومشكوره ياعيوني مره ثانيه

صح نسيت قولك
على سلنقور هي منطقة تبعد عن كولا لمبور بنصف ساعة تقريبا احلى ما فيها صن واي لاقون مجمع كبير فية ماركات عالمية وفنادق ولا تفوتكم الملاهي راقية جدا وتتعبر اكبر ملاهي تقريبا في ماليزيا روعة

وعندك فندق الخيول الذهبية في كولا لمبور ما انصح نسكنون فية لأنة حق معاريس بس حلو تفرون فية وتقطعون تذاكر من الكونتر تبع الفندق وتطلعون بلنج صغير عن طريق البحر وما تدرون إلا وانتم وسط مجمع تجاري
والله هاذا إلي يحضرني الأن \
وبالتوفيق