والكيكه اللي اسويها تقريبا الكل حفظها من كثر ما اكررها واضيف عليها :D
مقادير الكيكه :
خمس بيضات
1 ونص قلاص طحين
1 وربع قلاص سكر ناعم
ثلث قلاص زيت
ربع قلاص حليب سائل
فانيلا + بيكن باورد
4 كتكات بو صبعين
الطريقه :
نخلط البيض جيدا حتى يبيض لونه
ونضيف له الفانيلا واشوي خل عشان ريحة البيض
ونضيف السكر ونخلط جيدا حتى يتجانس تماما (ضيفي السكر اشوي اشوي حتى ما تهبط نفشة البيض )
نضيف بعدها الزيت ونخلط
ونضيف بعدها الطحين والبيجن باودر (نخلي السرعه اهني على رقم 1 يعني على سرعة بطيئه )
بعدهها نكسر الكتكات ونضيفه ونخلطه مع خليط الكيك
.... ثم نضعها في قالب الفرن بعد دهنه ورشه بقليل من الطحين
ولا نفتح الفرن الا بعد مرور ثلث ساعه وخليها على درجة 160 درجه حتى تنضج
طلعيها من الفرن وخليها تبرد ثم اقلبيها وزنيها بالسكر البودر
ملاحظات :
ممكن تسوين عليها صوص بالككاو
او ممكن تسوين عليها توفي
وممكن تحطين عليها كريمه
وطبعا كل ما ابردت الكيكه تصير احلىىىىىىى (حطيها بالثلاجه لمدة ساعه)
واللي افشلت معاها هذى الكيكه ممكن تسوين اي كيكه تضبط معاج لونها ابيض وتضيفين عليها قطع الكتكات بالاخر
شايفين يا بنات ترى هذا بسكوت الكتكات ويطلع مقرمش بالكيكه ولذيذ :10_8_10:
اهني قطعت قطع من الورق وحطيته على الكيكه وصرت ارشها بالسكر عشان تعطيني هذى الاشكال
وعليكم بالعافيه
:cook: