كيكات لذيييييييييذة.......من تاكلين حبة... بتلحقها الثانية..!!!!

:14:
السلام عليكم جميعا يا أحلى عضوات..
كل عم وأنتم بخير ...وعسى الله يعيده علينا كل عام والكل بصحة وسلامة ...
وعشان العيد ...وزحمة العيد وربكة العيد في حلا لذييييييييييييييييذ وسهههههههههههههههل
وما ياخذ وقت..
شوفي ....
كيكة جاهزة من المخابز اللي تكون سادة أو ماربل أو اي كيكة سادة تعرفين تسوينها بس يا ريت تكون سميكة عشان لما تقطعينها تكون كل طبقة سمكها ok
نوتيللا----حليب رينبو لتخفيف النوتيللا
إذا كانت كيكة المخابز تقطعينها إلى 3 طبقات وإذا كانت من عمل البيت طبقتين وبعدين إذا كانت عندك قطاعة الدونت الحجم الصغير (اللي يعملون بها فتحة الوسط للدونت) تقطعين بها الطبقات فبيطلع لك كيكات صغيرة دائرية تغمسينهم في...النوتيللا بعد ماتخففينه بالحليب (النوتيللا يكون خفيف بس مو كثير مثل الماء عشان ما تتفتت الكيكات ) وما تغمسينهم كثير بس تلفين الكيكة في الكاكاو بحيث تتشرب الأطراف كلها أماالوسط لا...بعني لما تاكلين الكيكة من الخارج تشوفينها بنية ومن تاكلينها تطلع من جوة بيضاء(حلقة بنية فيها حلقة بيضاء كلهم نفس السمك)....ما أدري عرفت أشرحها ولا لا؟؟؟
وبعدين تزينين وجه الكيكات بخطوط من كاكاو النوتيلا (غير مخفف) وتقدمينهم في أوراق البليسيه .......
وأتحدى اللي تسويها يبقالها شيء في الصينية ............هذا إذا ما أكلوا أوراق البليسيه ههههههههههههههههههههههههها (<------- واثقة من نفسها وايد؟؟؟؟؟؟)


:05: :05: