شحالكم واخباركم اشتقلت لكم وايد
ادري يمكن اكثر عن 3 سنوات نشاطي قل في المنتدى
وهذا راجع لظروف
قبل اربع شهور كنت في بيت اهل زوجي
في شهر 1 يناير
سوينا جدار منفصل عن حوش العايلة
وخذنا حجرة زيادة سويناها ميلس
فقعدت العب واضيف لمساتي
شوفوا و سويت ؟
كان ممر طويل قبل وسوينا يدار وصارت صالة وشوي من الممر سويناه مطبخ
يعني صارت شقة صغيرة لنا
قسمت الممر مطبخ وصالة بلونين اصفر واحمر
مالي خلق تعديل الصور وتصوير تيلفون
الصالة
غرفة البنات
مسوتنها اكثر من سنتين
يدار المجلس
في شهر 4 ابريل
كنا ناويين انروح الشارجة
قال زوجي يالله تجهزوا عشان نروح الا وتيلفونه يرن ويتصل فيه صاحب البيت
يقوله تعال شل المفاتيح واسكن على طول والا البيت بيكسرون في كل شي
لانه توه معدل .
الا زوجي يقولي يالله بسرعة شلي اغراضنا بروح بيييب شاحنة تشيل اغراضنا
ياريال اصبر شوي شوي خلنا نشوف البيت ونظفه بعدين
مافي احين تشيلين كل شي
وخلاني امام الامر الواقع شلينا وشلينا الصراحة تعبنا
البيت شعبي وكان ساكنين فيه ناس من قبل بس الله لايوريكم البيت
للحين قاعدة اعدل فيه بس الحمدلله حصلت على اللي تمنيته بيت يضمني مع عيالي
البيت طبعا مش مكتمل تأثيثه او مش مأثث للحين
ماأبي نبدأ بالديون يعني شوي شوي وخاطري اسوي فيه كل شي بيدي
غرفة البنات في البيت اليديد
مع انهم قالولي لاتشيلينه بس قلبي عورني لاني تعبت عليه
تواليتهم صبغته
تحت الدرج
خليت هالمنطقة باللون الاحمر والذهبي
الحوش
شو رايكم بالبير اللي سويته طبعا مافيه ماي
قدام الميلس
حمام المجلس كان فضيع قلت كيف بغيره
حمام البنات
وان شاء الله يوم بكمل البيت بحط بعد لكم صور
ابي منكم افكار حلوة عطوني اياها