حلى عشاء يجنن وكنه جاهز على مسؤوليتي

السلام اخواتي الحبيبات :
هذي ثاني مشاركه لي اتمنى انكم تحبون الحلى اللي ابقولكم عليه سهل مرررررررررررة
نبدا على طوووووووووول اوكي بسم الله
المقادير:
كيك سويسرول امريكانا بالشوكولاته صغير (يجي ست حبات بكرتون صغير )
3 قشطه التاج معلبه او اي نوع عندك
3 ظرف دريم ويب (كريمه الباودر )
نص اصبع زبده
4 حبات شوكولاته مارس

الطريقه :
نقطع السويسرول كل حبه نصفين من الوسط ونصفها في قالب يفتح (متحرك ) يعني تصير بالطول زي العامود وبعدين بعد مانصف كل الكيك نخلط بالخلاط الدريم ويب مع 2 من القشطه وشوي حليب طازج اذا كان عندك يعني نص بياله وتدخلين الخلطه بالفريزر لين نسوي الطبقه الثالثه.
الطبقه الثالثه عباره عن الزبده تسيحيها مع المارس وتحركينها سوى لين يذوب المارس
ثم تضيفين القشطه الثالثه عليها وتحركين زين وتدخلينها الفريزر.
تطلعين الطبقه الثانيه وتضعينها على الكيك بالتساوي تعطيك طبقه بيضاء ثم تضعين الطبقه الثالثه بالتساوي ويعطيك طبقه بنيه وخلاص .
للتزيين ........ شوكولاته فليك تكسرينه وتغطين فيه الوجه ثم شوكولاته هيرشي الصغار وبالعافيه عليكم حبايبي :p