خلاص.. يععععع.. وشو ذاااا... ملينا .. ما صارت ..
ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمة؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي ... لا يقعد ينط على واحد و يقول يا مصلكم يالحريم .. تراكم انتم لاحقينا بعد..
ليه الناس صاروا يتكلفون بكل شي ... عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول و تميس ... السالفة مب سالفة فقير و غني السالفة سالفة
بساطة و تكلف ... وكلش كوم و إذا قال لك أحد والله الناس تقاطعوا هالأيام !!! كل هذا و ما تبون يتقاطعون ؟!
ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله و سعر السله الوحده ما يقل عن 500 طيب سلة سلتين بتفتحهم والباقي حراام وش تسوي فيه؟ .. ليه ما نسوي بيبي شور زي الأجانب و كل وحده تكتب قائمة بالحاجات اللي تحتاجها و تسوي زي الحفله البسيطه يجون فيها الناس منها انها ماراح يجيها هدايا الا الحاجات اللي تحتاجها ومنها انه تجمع الناس مره وحده و ما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي ..
ليه البنات صايرين ماصلين و سوالفهم مره ماصله ؟؟ أكبر همهم فلانة وش لبست .. والمحل الفلاني وش نزل .. يااي مره حلو التان عليك ... كلنا بنات و نحب هالسواليف بس مب عاد تصير اكبر همنا !! من متى الوحدة حتى لو لابسة شي يحوم الكبد بس عليه اللوقو حق الماركه يصير كشخه و لو وحده لابسه مرتب و ألوانه حلوه بس مب ماركه تطلع قوقو .. ما أتذكر قبل 10 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركة معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركة الفلانية ... حتى الصغار صاروا لازم يلبسون ماركات لو سمحتوا والمشكلة الأعظم انه تلقين البزر توه ما فقش من البيضه و يقول ترى البولو حقي من رالف لورين !!
ليه البنات بايعين صورهم بتراب .. مسنجر .. فيس بوك ... تاقد .. و غيره و غيره .. يعني خلاص إذا حطيتي صورتك صرتي مودرن و كول ؟ والا كلش كوم وإذا جت و صورت يدها ولا رجلها و لو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك ولا الشنطه؟ ما أدري نضحك على تطليع اليد ولا الشنطة !!
ليه البنات بالمنتديات سبحان الله أكثرهم مصيفين بباريس و عندهم كلب( لو سمحتوا ترى البسه موضه قديمه) و سياراتهم جاقوار و ينادون أبوهم وأمهم بابي و مامي ؟ ترى مره صدقناكم !!
ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب و رتبي نفسك شوي ما أقول لا بس تجين بروج فوشي ولا مناكير أحمر ... خييييييييير !!!
ليه الوحدة تقعد الليل كله لميييييين تطلع الشمس عالنت و تستخسر انها تصلي 10 دقايق قبل الفجر تدعي ربها فيها ؟
ليه الوحدة صارت كل ما كبرت تكشيرتها و ناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي و سلم عليه قال و تبسمك في وجه أخيك صدقه .... بس فيه أحد يسمع ؟؟
ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد 3 ساعات هذا إن طولت بالزواج و تستخسر تدفع 100 و لا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة..
ليه بالزواجات كل وحده تناظر الثانية من بعديد و تقول منب قايمة أسلم ليه ما هي تجي تسلم علي ؟؟
المشكله لو تسألون أي أحد عن للي صاير بيقول انه مو عاجبه الوضع بس كلن يجاري الثاني و يقول مابي الناس يصيرون احسن مني انا وش ناقصني بعد. لازم أحد يبدا و يسوي شي لأن الوضع صاير من سيء لأسوأ ..
متى بنغير اللي قاعد يصير إذا كان الكل ساكت ؟؟
عيـــــــــن العقل .. والله كلامها درر
حبيت أضيف سطر واحد بس لكلامها .. و موجه للبنات والشباب
علماء النفس يقولون : كل ماقلت ثقتك بنفسك زاد تقديرك للاشياء الماديه
!!!
صح لســــــــــــــــــــانك بس ماحولك احــــد
منقوووووووووووووووووووووووول لعيونكم
على الحدود @aal_alhdod
عضوة فعالة
يلزم عليك تسجيل الدخول أولًا لكتابة تعليق.
شجرة طيبة
•
ليه الوحدة تقعد الليل كله لميييييين تطلع الشمس عالنت و تستخسر انها تصلي 10 دقايق قبل الفجر تدعي ربها فيها جزاك الله خير صح سانك
ليه الوحدة صارت كل ما كبرت تكشيرتها و ناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي و سلم عليه قال و تبسمك في وجه أخيك صدقه .... بس فيه أحد يسمع ؟؟[/COL
صادقه بهذي الكلمات لاني كنت ناويه انزل موضوع عن الحركات هاذي
انا اشوفها اكثر شي بالمستشفيات والمستوصفات ليش الوحده منا رافعه خشمها وخاصه الممرضات السعوديات
انا جربتهم بمستشفى لما صلح ولدي عمليه اللوز الوحده ماتبي منك سؤال واحد ياله تناظرك بطرف عينها والا تطنشك او ماتكلمك زين
كانها تطلبك شي
احمدي ربك اللي كملك بصحه وعافيه ورزقك بوضيفه وبمستشفلى بعد تكسبين اجر المرضى
لاحظت ان السعوديات اكثر من الاجانب بالمستشفيات او المستوصفات مدري كيف اوصفها غرور او دلع او تكبر <<<<< :16:
ولما اسال الفلبينيات او الهنديات او اطلبهم حاجه تكفي ابتسامتهم تسبق كلامهم يشرحون االنفس عكس بناتنا وووووووع
ياليت اللي ملاحظه الشي هذا تناقشنا بالموضوع
ومشكوره اختي على موضوعك صراحه عين العقل وكل الاشياء هذي منتشره بيننا الايام
الشي اذا صار ماركه وسعره نار حتى لو انه يحوم الكبد صار هو المرغوب بس لما يكون كشخه وسعره قليل ومو ماركه ماحد يفكر فيه
الله يهدي الجميع ويكفينا شر الدنيا
صادقه بهذي الكلمات لاني كنت ناويه انزل موضوع عن الحركات هاذي
انا اشوفها اكثر شي بالمستشفيات والمستوصفات ليش الوحده منا رافعه خشمها وخاصه الممرضات السعوديات
انا جربتهم بمستشفى لما صلح ولدي عمليه اللوز الوحده ماتبي منك سؤال واحد ياله تناظرك بطرف عينها والا تطنشك او ماتكلمك زين
كانها تطلبك شي
احمدي ربك اللي كملك بصحه وعافيه ورزقك بوضيفه وبمستشفلى بعد تكسبين اجر المرضى
لاحظت ان السعوديات اكثر من الاجانب بالمستشفيات او المستوصفات مدري كيف اوصفها غرور او دلع او تكبر <<<<< :16:
ولما اسال الفلبينيات او الهنديات او اطلبهم حاجه تكفي ابتسامتهم تسبق كلامهم يشرحون االنفس عكس بناتنا وووووووع
ياليت اللي ملاحظه الشي هذا تناقشنا بالموضوع
ومشكوره اختي على موضوعك صراحه عين العقل وكل الاشياء هذي منتشره بيننا الايام
الشي اذا صار ماركه وسعره نار حتى لو انه يحوم الكبد صار هو المرغوب بس لما يكون كشخه وسعره قليل ومو ماركه ماحد يفكر فيه
الله يهدي الجميع ويكفينا شر الدنيا
الصفحة الأخيرة