صباcom أحلا من السكر..
صباcom ورد وجوري ونرجس,,
شخباركم وعلومكم,,أن شاء الله مناح,,,أخواني وأخواتي في الله:<<تحلفون أنه بأذاعة على هالجملة,,
كما نعلم جميعاً ان جميع البيوت لاتخلو بين الحين والآخر من المنـاسبات السعيدة مثل:
..(زواج،ولادة،تخرج،أحد طالع من المستشفى بالسلامة،نفرات ساكنين بيت جديد،نفر فيه يجي من سفر بعد طول غياب<<أخس ياطول غياب....ألخ)
وهذا يعني انه إذا صار فيه مناسبات سعيدة يعني فيه هدايا,,واذا صار فيه هدايا لازم يكون فيه أبداع بالهدية,,,صح وإلا لا>>خلون أشوف وحدة تقول لا,,
أدري مليتوا وتقولون أخلصي وش عندك,,
(ماعليكم مني، موضوعي وحرة فيه لو أهذر فيه لبكرة أنتم اقروا وبس<<هذا وجهي أن كمل احد قرايته بعد هالمنافخ,,):35:
لاأتسذب عليكم بس صراحة أنا ياطويلين العمر والسلامة,,هاليومين اللي راحن جتن مناسبات إلى قبل(يعني كثار للي مافهم),,وأكيد لازم أقدر صاحب المناسبة وأهديه (صح وإلا لا),,هاه ماأسمعكم صح وإلا لا,,
وبماأن كل مناسبة تختلف عن الثانية ,,فاكيد كل وحدة من هالمناسبات له هدية مختلفة,,,يعني هدية الولادة غير التخرج،وهدية النزالة غير الزواج,,
وأختكم في الله أبتلشت وأحتارت بالهدايا,, وش أهدي ,,ومن وين أجيبها,,وشلون أغلفها,
بس الحمدالله والشكر تمت العملية على خير وكانت من أحسن مايكون,, واهديت وقضيت من هالمناسبات,,بس من يدري يمكن عقب أسبوع تطلع لي مناسبة ثانية وأبلش وهذا سبب كتابتي للموضوع,,
يمكن هالموضوع مايعتبر مهم عند البعض بس أنا أشوف نفسي وغالبية اللي حولي يتصرفون نفس تصرفي,,وتعتبر عندهم الهدية مهمة,,لأنه الهدية مهما كانت حتى لو بسيطة لها أثر في النفس,,
وديننا الإسلامي العظيم حث عليها وجعلها رمز للمحبه والتواصل,,
وقد قال صلى الله عليه وسلم (تهادوا تحابوا)
قالت عائشة رضي الله عنها : ( اللطفة عطفة ، تزرع في القلوب الألفة والمحبة )
وقيل في الأثر : " الهدية تجلب المودة إلى القلب والسمع والبصر "
وقد قبل صلى الله عليه وسلم الهدية وحث عليها وجازى عليها,,
عشان كذا أنا حطيت هالموضوع,,عشان يكون مرجع نتشارك فيه وكل منا يحط فكرة هدية كيد سواها,,وسووا فكرة غريبة بتقديمها,, ويكتب أهداها لمين,,ولو حصل يكتب العبارة يكون أفضل,,(موب لقافة أبي كلن يستفيد)<<أيه هين
وبعد أي وحدة منكم وده تهدي ومتورطة,,تجي هنا وتكتب انه تبي تهدي وتحدد الشخص ذكر أو أنثى,,والمناسبة وميزانيته,,وأن شاء الله بنكون في الخدمة,,,,
طبعاً لانمانع بعد تحطون أسماء محلات تغليف هدايا ومحلات ورود,, تعجبكم وتنصحون فيها وممكن نستفيد منها,,,نبي كل شي غريب وجديد أن حصل وياليت يكون مدعم بالصور,,,:D
هاه لاأحد يوطوط بالموضوع بدون مايكتب شي,,أبي كل من يدخل يكتب ويتفاعل,,موب يدخل ويطلع ولاكأنه مر من هنا,,,>>تراي ماأقصد أحد أبد,,
أتمنـى إنكم تفيدونن وتستفيدون مني ومن غيري بنفس الوقـتفي الأنتظار,,
الترجمة لغير الناطقين باللهجة القصيمية:
أهذر<<أطيل بالحديث من غير فايدة
المنافخ>>التعصيب
أتسذب>>أكذب
النزالة>>السكن في بيت جديد
أبلش>>أتورط
أيه هين>>يعني صبر جميل والله المستعان>>تكفين لاعمرك تشرحين
يوطوط>>يدخل يشوف ويطلع
طبعاً الهدية بالصورة مابعد أكتملت كانت في مراحلها الأولية,,وبعد ماخلصت ماقدرت أصورها لأن الهدية فيها اشياء شخصية فحبيت أحط لكم الأساس بس,,وأن شاء الله تستفيدون,,
والقادم أحلى,,