حبيت أعرض لكم قائمتي المفضلة بالعطور واذا كنتوا نفس ذوقي ومجربين عطر من هالقائمة فأرشح لكم الباقي لأن أحس ذوقي متقارب بالعطور...
بتلاحظون ان مااهتم كثير بسالفة العطر جديد او قديم بعضهم جديده وبعضهم صارلها فتره..
أول 3 عطور أحبها بكل حالاتي المزاجية والباقي اختارهم على حسب المود
الأول هالعطر مو أحبه أعشقه حبيبي هذا مااستغنى عنه ... قمة الأنوثة...
حبيت القديم منه أكثر ماحبيت الجديد..وطبعاً مختارينه من بين أفضل عشر عطور
stella
الثاني بعد يجنن ورااااااااااايق وأنثوي...قنبلة الورد
من Viktor & Rolf
Flower Bomb
(أيضاً حاصل على جائزة أفضل 10 عطور)
الثالث...معشوق الجماهير ألين<<غني عن التعريف
الرابع...عطر الكشخه...وعطري الشتوي المفضل jivago
الخامس...عطر راقي وله هيبه ألــــــور من شانيل (مع البخور والعود شئ خيالي)
السادس...مميز وأحبه وتقريباً مختلف عن باقي العطور
PREMIER JOURمن NINA RICCI
السابع...عطر جديد من شسيدو zen حلو ومميز ويعتبر من العطور القوية بالنسبة لي
الثامن ..حبيته من أول رشه Rock in Rose ومن العطور اللي طرحت مؤخراً
من فالنتينو
التاسع...عطر أنيـــــــــــــــــــق وحلو وخفيف وصباحي...منعش للصبح
من موسكينو
العــــــــاشر...وختامها مسك عطر my queen ياخذ العقل وانا اسميه عطر الملكات التي تبي تصير ملكة تحطه
من عادتي دايــــــــم ومع أي عطر أحط مسك العروس على أماكن النبض وعلى رقبتي ....وهالحركه تحلي أي عطر سواء خفيف او قوي وأكثر من مره يقولون لي عندنا نفس العطر بس ريحته عليك مختلفه ....
واستخدم بخور من القرشي بصراحه مااعرف اسمه بس على كلامهم يقول اجود نوع عندهم ...تقدرون تسئلونه...والبخور مع عطر جفاغو بالذات شئ خطيـــــــــــــــــــــــــــــــــر
وبودي لوشن ستيلا نصيحه لايطوفكم...
وفي بعد البودر للجسم اسمها Beautiful اتوقع مشهور وتعرفونها تجنن مع العطور..
تذكيـــــــــر:لنفسي ولكمـ
قال رسول الله صلى الله عليه وسلم
(أيما امرأة تعطرت وخرجت من بيتها، فمرت على رجال، فوجدوا منها ريحها، فهي زانية)
وان شاءالله تستفيدون من هالتجربة المتواضعه
أختكم
البدر
أنا جربت ستيلا والين ما عليهم كلام
والباقي راح نجربه ان شاء الله ونشوف
يسلمووو قلبي بدوره ^_^