السلام عليكم ورحمة الله وبركاته
صباح الورد اللي يشبهلكم وفيه من جمالكم وانوثتكم !!
راح ادخلك بالموضوع علطووول لان ماعندي موهبه في ترتيب الافكار وحبك العبارات:)
الصراحه اني دائما ادخل هالقسم متصفحه أكثر من مشاركه
طبعا لاني ماحب اشارك الا باللي اعرفه
لكن لي عتب بسيط عليكم يالغاليات
بعض المواضيع للاسف تحمل عناوين محزنه:44:
ساعدوووووني خربااااانه !!!!!
ساعدووووني أبي أسوي عمليه تجميليه المنطقه الحساسه عندي كنها كهف !!!!!
ساعدووووني وسيعه ومعي افرازات وصوت واحس زوجي مايستانس معي !!!!!!
اعتقد يالغاليات اننا يوميا نقرأ مثل هالعبارات
والصراحه انها تجيب الكآآبه والتحطيم وضيقة الصدر
انتي يالانثى وش تملكين اغلى واعز من انثاك اللي تطلقين عليها مثل هالعبارات
هل هذا قدرها عندكـ !!!!
هل ترضين احد يقول فيها زي اللي انتي تقولينه !!!
هل ترضين زوجك يقرا او يسمع او يعرف مثل هالكلام وهالسواليف !!!!
بنـــــــات وحريم يا انثى انتي اهتمي بانوثتكـ وحبي نفسك واحترمي اعضاءك اللي مخليتك انثى ...
وش قيمتكم يابنات بدون انثاكم ...؟؟؟
يكفي تحطيم حسسي نفسك انك حلوهـ وانك غير وانك مميزهـ وانك واثقه من نفسك ومحد قدكـ ...
وصدقيني راح ترتاحين ...
البنات اللي ماتزوجووو لما يدخلون هالقسم يشكون بانفسهم من كثر مايسمعون بالوسع والضيق وهو كله اوهام ...
الرجال المتطفلين المتزوجين وغير المتزوجين اذا دخلوو بهالقسم وشافوو هالعبارات .. شلون يبون يحبونك ويحبون انثاك وانتي تتكلمين عنها بهالشكل ...
هذا غير انك تعطين معلومات للرجال ماهوو من صالحنا انهم يعرفونها ..
صح القسم نسائي وتبون تاخذون راحتكم بس ماتقدرون تتحكمون بغيركم مايشوووف
وانا ماقول ان مافيه انثى ماتعاني من مشكله او من وضع محرج تحب تستفسر عنه
لكن اختاروو الالفاظ الحلوه ... حبووو انفسكم يابنات عشان يحبونكم ازواجكم ...
اذا الوحده ماعندها ثقه بنفسها وماتحب انثاها بالشكل الجنوني شلون تبون ازواجكم يحبونكم بشكل جنوني ..
نصيحه يابنات وياحريم :39:... ثقوو بانفسكم انتي تملكين اعز واغلى واثمن كنز بالدنيا
حافظي عليه وحبيه وثقي فيه .. ولا تنسبين اي عيب لنفسك ولانثاك
اعتبري نفسك مميزهـ وان مايملك هالتميز غيركـ
صدقوووني راح تتغير حياتكم الزوجيه من جميع النواحي
الثقه راح تخليكم عارفين قيمة وميزة انفسكم عند ازواجكم
وهالشي بيخليكم ماتفكرون بالعبارات اللي تنكتب بهالقسم
وبيحسن علاقتكم بازواجكم ....
صدقوووني يابنات الرجال مايعرفون وش السالفه ولا يفهمون الوسع من الضيق فليه تفتحون على انفسكم بيبان مسكرهـ
انا ماقول اهملوو انفسكم لكن حبوها بدرجه تخليكم ماتهملونها وياصل فيكم الحال انكم تطلقون عليها عبارات تسبون فيها انفسكم قبل يذمكم أحد فيها ...
من اليوم واعدي نفسك بالاهتمام والحب والثقه وراح تشوفين التغيير .. واللي تحس بنقص من هالناحيه تدارك نفسها وبسرعه تحل مشكلتها وترجع ثقتها بنفسها بس من غير ماتحطم انوثتها بمثل هالالفاظ الجارحهـ ..
اتمنى تكون وصلت المعلومه اللي حبيت اوضحها لكم ... وارحب باي تعليق ومداخله واضافه
واعذروووني اذا ماعجبكم كلامي ...
جزاك الله كل خير