محد يدري وش أسبابي إلى مني رحلت بعيد
يعد الوقت من بعدي ويقول الله يسيرها
يذكرني كلامه بالذي يهنى بيوم العيد
كما طفلٍ خذا في جرته غرشه يكسرها
اشوف وما اشوف اللي يبت القلب وريد وريد
يشرف قاعة احزاني وكل ليلة يسهرها
طواني شي ما شفته على عمري كتاب جديد
حروفه تطعن احوالي وبسماتي يكدرها
سحاب الليل في صيفه يخيل لي مداه بعيد
واثاريها الهموم اللي وسط روحي يبهرها
ألا ياللي نويت انك تداوي جرحي بالتحديد
دخيل الله انا راضي بجروحي لا تكثرها
ابي ارتاح ابي فرقاك ابي ابعد عن التنهيد
عشانك مرخصٍ نفسك مع هذا وش اخرها
تشوف اللي سرى ليله يسب الكون والتوحيد
ترى ماله أبد ذمة وركعاته يهاجرها
دني النفس لا عاده رفيقي ولا ابي تجديد
كفاية شفت لوعاتي أمام الناس يجهرها
سلامة قلبه الطيب مع انه مات بالتأكيد
وحتى موتته شينه من أولها لأخرها
كثر أشعاره السامر كثر ما شيعوا ابن رشيد
ندمت اني عطيته قلب يهز في الارض مقابرها
MoOn_FloWer_Q8 @moon_flower_q8
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️