xxxxxمن الزواج>>>>معدل

اااااااااااااخ بس ليتني مت وﻻ تجوزت ليتهم يوم زفوني شايليني جنازة
الله يلعن الزواج وابو الزواج
الله ﻻ يوفق وﻻ يسامح من جابلي الرجال هذا كانه جابلي المرض
والله من يوم تجوزت وانا مريضه وانا من قبل حتى راسي مايعورني

مابقت عله ماصابتني....ياناس
قبل ﻻ نسكن بيتنا الحالي
قالي زوجي انتي فوق واﻻولي تحت طبعا انا شقه وهي دور
قال بس ترى مالك شغل تحت ﻻ تنظفين حوش وﻻ مجالس وﻻ تطبخين ذبايح وﻻ تسوين قهوة
ومالك شغل ب اي شئ تحت رضيت وانا مالي حل ثاني

المهم بعد ماسكنا نسى كﻻمه كله تخيلوووو في اﻻيام العاديه وﻻن ابوة جا عنده انزل الفطور والغدا والعشاء
لين عندهم وارجع فوق وهم يتجمعون ياكلون هو وحرمته وعاليه وابوة وحرمته
ويطردون عيالي

وحتى القهوة العصر انزلها وحليب فالمغرب واخر شئ يحذفون صحوني عند الباب
واذا جا رجال ضيوف اسوي القهوة واذا خلصوا تجي طبينتي وعيالها يقعدون عليها وانا اسوي قهوة ثانيه لي

واذا جا زوجي ولقى الحوش وصخ او المجلس يجي يغيسل بي مع اني والله وهو يشهد لي اني نظيفه في بيتي وعيالي
ومﻻبسه مااخليها تطب اﻻرض غسيل وكوي وبخور وعلى الدوﻻب ماعمرة جا بيلبس ومالقى مﻻبسه جازة وهو كل شوي يجي من عندها ياخذ مﻻبس من عندي عشانها ماجهزت مﻻبسه

انا اكثر من مرة اذكرة بالاتفاق اللي بينا ومافيه فايده والله طقت كبدي تخيلو هي تطلع تسافر مع ولدها وبيتها وصخ واسيابه واجي انا انظف المجالس اللي عندها ومداخل بيتها
وهو ماهو مبين في عينه مرة وش اسوي وكيف اتعامل معه ابي اوقفه عند حده

ﻻ تقولون قولي ﻻهلك ابد ماعندهم سنع واهل زوجي في صف زوجته اﻻولى مستحيل يوقفون معي