xxxxxxx زوجى مدمن xxxxxxxxx

أختي الغالية أم مضاوي..
لا تاخذين الأمور بحساسية شديدة ترا إذا زدتي المراقبة يزداد عشقه ويشعر أن الممنوع مرغوب.. اتركيه أحياناً تكون مجرد عارضة مرضية ويشفى منها زي زوجي مرت عليه فترة (تقريباً 6 أشهر) زي كذا وبعدين تركها بنفسه طفش..

لكن الموضوع مرتبط ارتباطاً وثيقاً بنوع المواقع اللي يدخلها يعني إذا كانت شات وبال توك يكون الشفاء منها صعب جداً.. لكن إذا كانت مواقع مختلفة ومنتديات علاجها أسهل.. أما إذا كانت الطامة.. مواقع جنسية فهذي موضوع آخر.. ولها علاج مختلف..

أنت حاولت تعرفين وش هي المواقع اللي يدخلها؟

مشكورة اختى رسيل على التفاعل
زوجى مشرف باحد المنتديلت اللى تخص السفر والسياحة يعنى شى يطمن بس انا بعيدة
عن اهلى وطفشانة مرة وهو مو معطينى وجة يعنى تخيلى انك ما تجلسين مع زوجك الاوقت الاكل او النوم:time:



طيب مين اتكلم معاه ابغة يحس فينى شوى ابى ارجع ايام الحب والرومانسية ( الخطوبة)


والحاله معاه طولت له مو شهور واقول بيطفش له احين سنتين على ها لحالة :06:

والله انى طفشت :44:

الحمد لله أهم شيء أنك مرتاحة من ناحية المواقع اللي يدخلها وهذا أهم شيء..
أنا كان زوجي عضو في أكثر من منتدى منها منتديات سياحة وجوالات.. لكن بعدين هو طفش..
أما المشرف أكيد بيكون دوره أكبر ووقته أكثر..

طيب حاولي تقنعينه يعين مشرف ثاني يساعده في القسم.. واتفقي معه على أربع ساعات يومياً في البداية.. يعني قولي له لك أربع ساعات في اليوم..
بعدين خليها ثلاث.. وهكذا.. لحد ما تصير ساعتين.. وهي معقولة..

خذي منه مواعيد قبل يومين وثلاثة أيام أنك تطلعين معه لأماكن معينة أنا صرت كذا أسجل معه موعد يوم الأحد الساعة ثمانية نروح المكان الفلاني وما يكون عنده حجة لأن الموعد مسجل وموقع عليه!!

لما يتعود يبعد عن الجهاز شوي راح يصير أكثر مقاومة لاغراء الدخول..
بعدين جاولي تشغلينه بأشياء ممتعة تشغله غير النت.. مثلاً لعبة معينة.. أنا بصراحة أعرف أن هذا ليس حلاً لكن صرت أرتاح لما زوجي ينشغل بلعبة عن النت.. على الأقل أسلم.. والله يهديه إن شاء الله..

بعدين لا تهتمين كثير وحاولي تأقلمين حياتك مع هالبرنامج.. لأنك لو بقيت تتحسرين بتموتين من القهر وبتزداد المشاكل.. لا.. خليك عادي وريلااكس ولا كأن فيه شيء.. أعرف أن هذا الشي صعب لكن لمصلحتك.. لأن الزن والمشاكل بتخليه يهرب للنت أكثر..

هو الآن مدمن.. يعني الأمر خارج عن سيطرته حتى لو قلتي له واقتنع المسكين ما يقدر غصب عنه.. لذا أعطيه حلول بدائل وسائل ممتعة تشغله فعلاً وتنسيه النت.. العبي معه ألعاب تفكير وذكاء وفري له كتب في الموضوع اللي يحبه.. أخرجي معه على أن تستعدي لكل خروج بإعداد ما ستقولينه وتحكينه من قصص ممتعة ومثيرة حتى يتحمس للخروج.. اتفقي معه على إعداد حفلة شواء في البر..

وأهم شيء.. الاتفاق على عدد ساعات معين.. يلتزم بها.. يعني لا تقولي له اترك النت.. خلاص!
لا.. أعطيه حل.. قولي له.. لك أربع ساعات مساء أو صباحاً.. هذا لأجلك ولأجل زواجنا..

وإذا شفتيه جالس على النت.. جيبي صينية قهوة وحلا.. واجلسي في الصالة لحالك وأنت متكشخة.. إذا شم ريحة القهوة راح يشتهي أنه يجلس ويطق حنك.. لكن إذا قالك تعالي عندي جيبي القهوة.. قولي لا.. تعال أنت أحسن اترك النت شوي بس.. راح يجي ويجلس معك وأنت صيديه بطريقتك.. أمسكيه بالسوالف العذبة الممتعة والمشوقة.. قصي له قصص وحكايات لم يسمعها من قبل.. وشوي شوي راح يتعود ويستمتع بالجلسة معك..

أنا أدري أن الأمر صعب ومو سهل أبداً.. وأنا جلست مدة طويلة أعالج زوجي.. لحد الحمد لله ما خف جداً من الجلوس على النت وصار يجلس بس ساعتين إلى ثلاث يومياً.. الحمد لله

تسلمين اختى رسيل على اهتمامك وافكارك وما ودى احبطك لاكن كل الافكار جربتها مشكلته ان الكمبيوتر محمول حتى واحنا نتقهوى بحظنة تقولين ولدة :17:

وقصة الاربع ساعات قلت لة قلل عدد الساعات وصار يعاند ويجلس اكثر

حبيبتى رجالنا ما يحبون الفرض ويقول بكيفى اجلس متى ما ابغى ما تحدد يلى

لاكن انا بحاول والله يعلم بنيتى

الصبايا ماشاء الله كفوا ووفوا
واذا جيتي لراي اختي خليه يجبلك كومبيوتر ثاني وحطيه جنب كومبيوتره وكده تقعدي عين على كومبيوترك والعين الثانيه على كومبيوتره وكده ما يسترجي يتلكلك لا يمين ولا شمال عشان راح يكون مشغول بنظراتك اذا تطالعيله خخ خخ بس يمزح