عندي لكم كوكيز لذيييذ ،
و يا زين الكوكيز بالشتاء..
مع كوب نسكافيه ممممم :buck:
بصراحة الطريقة آخذتها من كتاب أطباق النخبة،
وجيت أوريكم تطبيقي.
المقادير :
إصبعين زبدة لينة.
كاسين ونص طحين.
بيالة حليب بودرة.
ملعقة صغيرة بيكنج باودر.
بيضة.
بيالتين سكر.
بيالة زيت.
نص ملعقة صغير فانيليا.
هيرشي الدموع (على حسب رغبتك).
بودرة شوكولاتة (على حسب رغبتك)
قبل كل شي، شغلي الفرن وعلّي عليه.
في زبدية نخلط : الطحين + الحليب + البيكنج باودر + السكر
.. بعدين نحط عليها الزبدة اللينة .
ونفرك الزبدة بالمقادير لين تنخلط زين.
بعد كذا نحط عليها البيضة + الزيت + الفانيليا.
ونعجنها زين.
بعد كذا نحط عليها الهيرشي الدموع، نص كاس تقريباً.
نجيب الصينية، نكور العجينة بالحجم الي يناسبنا،
ونحطها بالصينية ونضغطها ، لا ترققينها عشان ما تصير هشة مرة،
ممكن تسوين نص العجينة كوكيز سادة ونصها شوكولاتة،
ملعقة صغيرة من بودرة الشوكولاتة تكفي.
حطي الصينية بالفرن وقصري عليه شوي.
لا تخلينا تطول مرة بالفرن،
وعادي لو تطلين عليها مرة وإلا مرتين،
ما يضرها فتح الفرن مثل الكيك.
إذا استوت خليها تبرد على صينية لأنها تتكسر بسرعة وهي حارة.
وهذي الكوكيز اللذيذة.
بالعافية :a_smil08:
تسلم الايادى