نسيتوني ... ربما .. بس أنا ما نسيتكم ..

السلام عليكم و رحمة الله و بركاته ..


كيف الحال يا بنات وش أخباركم ..

كيف الحال .. حلاوة و الأمورة و الشعلة و vip و شمس و أم أحمد .. و أمهات عبودي .. و حلم دبي .. و هنودي و بيكاتشو و الغاليات من قديمات و جديدات ..

شكلكم نسيتوني .. :25: :29: ..

بس أنا مانسيتكم .. و متابعة لكم ..

تراي جُمان اللي كنت معكم قبل كم شهر .. :34: ..

و الله اشتقت لكم ماتتخيلون قد ايش ..

بس قلت يا بنت عيب تروحين لهم وتجرين ايدينك وياك فاضيات ..


علشان كذا جبت لكم معي بسبوسة .. إن شاء الله تعجبكم ..

و أهديها للحلوات بأحلى المنتيات ..

الغاليات عضوات عالم حواء ..

و بالهنا و العافية ..

**************
.. المقادير ..

1.5 كاس سميد ..

1 كاس حليب بودرة ..

1 ملعقة كبيرة ( أكل ) باكنج باودر ..

0.5 كاس سكر ( عــــــادي ) ..

0.5 كاس زبدة أو سمن ( مقدوح .. يعني .. حااااااااااااااااار ) ..

ملعقة صغيرة فانيليا ..

2 فنجان موية للتخفيف ..


*********************************
.. الطريقة ..

1 ) حطي السميد .. الحليب .. السكر .. الباكنج باودر .. الفانيليا .. كلهم مع بعض ..

2 ) حطي السمن أو الزبدة عليهم .. طبعا يكون حاااااااااااار ..

3 ) ضيفي لهم نصف فنجان الموية .. و اخلطيهم ..


فراح تحطي الموية .. إلين ...


ممم كيف أقولكم .. إلين يكون الوضع تمام يعني تتشكل معاك البسبوسة .. و تقدري تتحكمي فيها بالملعقة ..

بمعنى عام .. لاهي بلينة حيييييييييل و لاهي بثقيلة حييييل .. أثقل من البسبوسة العادية ..





4 ) جيبي الصينية و ادهنيها عاد زبدة أو زيت .. أو طحينه مثل ما ودك ..

5) صبي نص البسبوسة في الصينية ..

6) حطي عليها طبقة بسكويت الشاهي ..

7) حطي الباقي من البسبوسة ..

و حطيها في الفرن الين يصير لونها حلو مثلكم ..

و لا تنسون شيرة حلوة خفيفة كذا . وصبيها عليها و هي حاااااارة ..

يعني الشيرة و البسبوسة حارين ..

و يميميميميميميم .. اهجمواعليها هجووووووووووووووووم ..

و أدعوا لي ..

*****************

أراكم على خير قريبا ..

ولكم أرق التحايا ..

جُمان ..