هذا الرد له ساعتين ينتظر الارسال
والله اني مو مطنشه بس شوي ارضع وشوي اغير بامبرز
شوي نوسا تبي تجلس في قلبي (غيره طبعا )
اجلس مع نوسا شوي قام عموري وهكذا

المهم قصه ولادتي يوم الاحد رحت مشيت كثييير يمكن 3 ساعات شوي ارتاح وشوي امشي رجعت البيت
كملت خطه حواء واخذت دش دااافي ماصارت الساعه وحده الليل الا بدأ الطلق بس خفيييف توقعت كاذب
واصلا مررره ما اتوقعت يجيني طلق من ربي المهم قمت نظفت البيت ورتبته الحمدلله نظيف بس شغل خفيف
والألم يزييد كلمنا المستشفى قالو لالا لاتجي وقالو لزوجي احسب لها اذا بين كل طلقه وطلقه 5 دقايق جيبها
الظاهر ودهم اولد في السياره
حسيت اني ابي اروح الحمام وانتو بكرامه من جد فيه شي غير تعب الطلق وتهورت واخذت ملعقه خروع مع عصير برتقال ودخلت الحمام واررتحت الحمدلله واصلا كنت افكر اسوي اي شي ينظف بطني لأنه زوجي بيدخل معاي واسمع بعض الحريم تجيب العيد
المهم صليت الفجر وانا اتألم خخخ ماأدري مقبوله ولا لأ الله يغفرلي
طلعت الصاله واخذت سبحتي واستغفااااار وامشي في البيت قرأت سوره تبارك على بطني ماأدر ليش
بس سبحان الله حسيت بكل ايه وقتها قرأت اذكار الولاده وامشيي في البيت واستغفرر
لين حسيت الموضوع ماينسكت عليه لأني بدأت أصررخ صارت الساعه 9 صباحا أخذت دش دااافي وزوجي كلم تاكسي وعلى المستشفى على الحظ السواق هندوسي ويبي يستلعن معانا اربطو الاحزمه وموراضي يمشي قلت لزوجي ترى بأولد هنا ما اتحمل حزام ولا اي شي على بطني
وصلت المستشفى الظاهر بسبب الدش لدافي صارت الطلقات ورا بعض الحمدلله ماسكت أكثر
لأني متخيله الطلق الطبيعي مثل الصناعي يعني كنت في البيت جالسه اتوقع شي أقوى يموتني الله يرحم حالنا
دخلت المستشفى يوم قالو اجلسي على عربيه او كرسي متحرك وشفت غرف الولاده صرت اصيح واقول لزوجي خااايفه اكثر شي حسيته هزني رغم اني راايحه بنفسيه يارب لك الحمد ايجابيه وكل مازاد علي الألم اقول الحمدلله قرب الفرج لكن دخلت غرفه الولاده وقاست الدكتوره كم فاتح الرحم وقالت الراس فوووق يبي له وقت ينزل
بس صرت اقول يااارب يارحيم يافتاااح يوم جات تقيس مره ثانيه فتحت مويه البيبي وسبحان الله نزل الراس في الحوض بسررعه كانت المويه رافعته واكيد برحمه ربي الله يرزقنا شكر النعمه
بس الحمدلله بعدها جلست لين الظهر الساعه 3 وولدت يارب لك الحمد وطبعا كتبت لكم عن عنايه المستشفى
بس من جد من الاشياء اللي فادتني الدش الداافي قبل طلوعي من البيت وخطه حواء الله يسعدها وبصراحه قبل اسبوعين جانا مطر قوووي دعيييت من قلب ربي ييسر لي الوقت الطيب لولادتي
وقت الولاده دعيت لكم وبصراحه نسيت كل الادعيه وماصرت اقول الا ربي اجعلني مقيم الصلاه ومن ذريتي
وصديقتي اللي جات تاخذ نوسا جاتني وانا حالتي حاله هي اللي اخذت نصيب الدعوات أسأل ربي القبوول يااارب
طبعا الولاده ولاده وتعب ووو لكن لو يحصل لي اولد هنا ثاني مااأقول لأ أنا انسانه اضيييع عند المعامله الطيبه
يعني كنت في قمـــــــــــه الالم لكن ربي سخر لي ممرضه كأنها تولد معاي من كثر ماحسيتها حاسه بألمي

نصيحتي خلي عندك ثقه بالله تفوووق الحدوود
ربي القااادر يسهل كل شي أي شي في الدنيا حلو لازم نتعب عشانه كيف الولاده أجل ؟؟
كيف بتصيرين أم وغيرك يتمنى ربي يرزق كل مشتااق يارب
تذكري انتي تولدين وتنتظرين ضمه طفلك غيرك ربي يجبر قلبها يكون الجنين ميت
مع كل طلقه أتذكري كل مازاد التعب قررب الفرج
طبعا بعد الولاده مايروشون البيبي قالو لي قبل ماتطلعين روحي روشيه ومافي بامبرز يستخدمون مناشف
زوجي قص الحبل السري بس ماحبيت وجوده معاي لأنه كان مترجم أكثر من انه زوج
غير كذا هنا مايسترونك مو مثل مستشفيات السعوديه كنت طول الوقت اغطي نفسي
وقلت له اطلع خلاص قالو مافي مترجم لازم يجلس معاك
والحمدلله ربي سخر لي هذي الممرضه ان شا ءالله ناويه اخذ لها هديه واتركها لها في المستشفى
طبعا نظامهم كل شي يسوونه لك لازم يقولون موعلى كيفهم يشقون ويخيطون واحنا ياغافلين لكم الله
اي اي شي يسوونه لاازم يبلغوني واقولهم اوكي او لأ
أي سؤالات تحت أمركم ربي يرزقكم السلامه ولاتشوفون التعب يااارب

كيونه ومرمريتا
ربي يرزقكم الطلق الطبيعي ياااارب وولاده سهله ميسره وأطفال بصحه وعاافيه من جد قلبي معاااكم

لي عوده ان شاء الله للردود

هلا حبيباتي

مشكووورات مرررة ربي يسهلها من عنده

جمجم ياحياتي ربي يتقبل منا ومنك يا كريم ويفرحنا بشوفتهم

كيونة قلبي لا تنسين الدعاء والاستغفار ربي يهون عليك

ام نوووسا بنقهر انا تررررررررررررررررى

سويت طريقة حوحو وبنتظام بعد بس ما جابت معاي نتيجة الظاهر اني انا فيني مشكلة والا الطريقة ضبطت مع كثير

ربي يسهلها من عنده ياكريم

الله قصتك حلوة يا ام نوسا مثل طلتك
زين ماولدتي بالتاكسي
بس عندي سؤال
رجلك ليش يقص الحبل السري؟؟؟؟والا يسون مثل افتتاح الحفلات؟؟؟؟؟؟؟؟؟؟
ودي ادخل زوجي وارجع اهون
والله يسخر لنا الزين

:angry2::angry2:مرمر:angry2::angry2:
لاتستعجلين وادعي ربي يسهل لك