آآآآآآآآآآآآآآآه يا خوفي من زوجي بخيانته لي يجيب لي هالمصيبة

بسم الله الرحمن الرحيم
السلام عليكم ورحمة الله و بركاته
ماأدري كيف اشكي همي احس أني بأموت من القهر موووووووووووووت
البارحة كنت ناوية أكتب هالمشكلة بس ما قدرت أكمل ودخلت على النت على قسم الحياة الأسرية وشفت قصة اللي خانها زوجها وزادت علي الجروح آآآآآآآآآآآآه بس آآآآآآآآآآآآآآآآآآآآه
القصة وما فيها أن زوجي خاااااااااااااااااااااااااين أيه خانني سمعته يكلم وحدة بالجوال طبعا هذي السالفة لها شهرين ومن غلطتي واجهته وقتها وقام وعصب علي وطردني من الغرفة وقاللي أنتي ماتستحين وقليلة أدب لما تتنصتين علي أيه أكلم وأنا حر وكان معصب مرررررررة
قلت له أنا وش مقصره فيه معك علمني علشان أبرر لك اللي سويته فيني
قال ماأنتي مقصرة بس كذا كلمت المهم كلمه مني وكلمه منه جته حالة تشنج وهذي ثاني مرة تجيه الحاله والمرة الأولى جته لما تهاوشت معاه هوشة كبيرة المهم لما جته الحالة رحت أجيب له ماء بناء على طلبه
وجلست عنده وأنا أبكي على حاله وحالي ولما خفت حالته قلته ليه تسوي فيني و فيك كذا قال اتركيني بحالي أنا تعبان نفسيا وما عاد اتحمل ومن هالكلام
قلت له اللي تعبان نفسيا يسوي سواتك يروح يكلم
والكلمتين اللي تقوله لهذي البنت مو أنا أولى فيها منها
علما انه يابنات ويشهد الله علي
أن زوجي ما يسولف معي أبد من يوم تزوجته لحد يومكم هذا مع أني متزوجته لي سنتين عن حب وبغى ينهبل لحد ماأخذته
وكل اللي بيننا الحين من كلام يدور حول بنته او يبغى شي مع أنه نادرا ما يطلب مني شي ومستغربة منه هالطبع
وزيادة على كذا غامض غامض غامض بشكل فضيع و ما أعرف عنه أي شي
وللمعلومية إذا بغى يكلم بالجوال مستحيل يكلم قدامي من أول ما تزوجته حتى أهله ما يكلمهم قدامي
ولما ناقشته بهالشي قال أنا لما يكون عندي أحد ما أكلم حتى لما أكون عند أهلي وتدقين علي ما أكلمك قدامهم
وصدفته مرة ثانيه يكلم بغرفة النوم وموطي صوته ولما دخلت عليه الغرفة خبى الجوال تحت الوساده وسويت نفسي أني ما سمعت شي وجيت عنده وقلت له مشتاقتلك أبي أسولف معاك أنا محتاجتلك قاللي انا أبغى أجلس لحالي تعبان نفسيا
قلت له حتى أنا تعبانه نفسيا وودي أكون جنبك قال لي ما أبي أحد عندي أبي أجلس لحالي
قلت له طيب عطني جوالك أدق على أهلي قام وطلع الجوال من تحت الوساده وقام هو يحوس في الجوال بعدين دق الرقم وقلت له خلاص لا تدق عليهم
وقلت له من كنت تكلم قبل شوي قال هذا خويي فلان والمشكلة أن خويه هذا ما يتكلم معه بصوت واطي ولا بهالطريقة ولما أدخل عليه وهو يكلمه يكمل عادي بصوت عالي ولا يخبي الجوال وأنا اطلع من نفسي من عنده
ومن بعد هالشي صار في الليل طلعاته كثيرة وصراحة شكيت فيه أنه يكلم هالبنت في السيارة
ومن بعدها تعبت نفسيا غير تعب الحمل وعدم أهتمامه فيني وصرت أطلب الطلاق إذا رحت لأهلي
وكنت وقتها أدرس من السبت للأربعاء عند أهلي علشان أخلي بنتي عندهم
والويك أند أرجع للبيت ولما كنت أطلب الطلاق يرفض علشان بنته يقول ما ابيها تضيع واضطر أرجع وبالنسبه للعلاقة بيننا مايجي إلا كل أسبوع مره أو كل أسبوعين ويتحجج بتعبه النفسي و الهموم اللي عنده
يمكن تقولون ما يستمتع معي وقت العلاقة وهذا اللي منفره وأقول لا والله دايما يمدحني من هالناحيه وأني ماني مقصرة عليه ومكفيته ( مالت عليه أي والله )
والله يابنات أني دايما أقول له أنا مقصرة معك في شي قوللي أغيره يقول لي لا ما أنتي مقصرة ودايما أقول إذا جاك مني قصور علمني أغيره مو تسكت
اللي مخوفني الحين أنه يكون له علاقة مع أي بنت اكثر من الكلام وأحساسي يقول كذا لا تقولون هذا شك
يابنات أنا لما ينغزني قلبي من ناحية زوجي والله أنه يطلع صح دايما
أنا كنت ناويه احط مشكلتي الليلة لكن اللي خلاني ما أصبر هالشي اللي حصل البارحه
وهو أني دخلت عليه ولقيته يكلم وطلعت من عنده وصكيت الباب طبعا شكيت فيه بس قلت لنفسي ماني متسمعة عليه ربي بيأخذ لي حقي منه
المهم طول شوي بعدين طلع من الغرفة وقام يلبس بيطلع كانت الساعة 11 ونص بالليل قلت له طالع قال أيه قلت له بتطول قال ما أدري
المهم أخذ ساعة وشوي بعدين جاء ولما جاء يبدل ملابسه حسيت بشي غريب ما أدري وشهو هالأحساس بالضبط بس أني شاكة أنه راح يقابل وقلت في نفسي إذا مسوي شي راح يبان إذا جاء يصلي الفجر يعني يتروش وأنتم عارفين لما صحى الصبح تروش وصلى بعدين راح الدوام
بتقولون مو أكيد ترويشه أنه مسوي شي لكن أقول أن كل وحدة أكيد تعرف زوجها وأطباعه
وللعلم زوجي ما يتروش الصبح في هالبرد كذا مستحيل أعرفه زين ولا يفكر فيها اصلا لكن في هاللحظة علشان يصلي تروش
لا تقولون عني وقحة بهالشي والله ما قلت هالشي إلا علشان تكونون على بينة باللي يصير
لا تقولون واجهيه المواجهة ما تجيب معه نتيجة أبد وغير كذا راح ينكر ويحلف على الكذب أعرفه مستعد يحلف ولا يعترف
أبي أعرف بدون ما يدري ياليت
أنا خايفة ينقل لي مرض من اللي يعاشرهم وجتني وسوسة موطبيعية من بعد ما قريت قصة البنت اللي نقل لها زوجها هي وبنتها مرض الأيدز اللي قصتها ( فاحشتك يا زوجي العزيز جعلت أهلي يعاملونني كالجرباء ) وقصة الشاب اللي في السوق في الخبرو البنت اللي تعرفت عليه ونقلت له مرض الأيدز أنتقام من الشباب
أبي طريقة تخليني أعرف إذا كان معاشر بنات بالحرام تكفون
والله مانمت من البارح زين والمشكله أني على وجه ولادة يعني بيصفاله الجو أربعين يوم ويمكن يجيب بنات في بيتي وعلى سريري
أنا الحين متجنبته ماخليته يلمسني خايفه مووووووووووووووووت
تكفون الحقوا علي قبل لا يطيح الفاس في الراس
واللي تقراء موضوعي مو لازم ترد أبيها تتكرم علي وتدعي لي في آخر الليل أن الله يفرج هالغمة ويبين لي زوجي وحقيقته ويكشفه قدامي عاجلا غير آجل
الله يجزاها خير ويسعدها ويفرج كربتها اللي تقرى موضوعي حتى لو ما دعت لي
أبي أرتاح أحس أن راسي بينفجر من هالأفكار ومن هالوضع المخزي
واللي ماعندها شي تقوله ياليت تتكرم علي وترفع الموضوع ياليت ياليت