آآآآآآآآآآآه ياقلبي شوفوا زوجي ايش يقولي ساعدوني بمووووووووت

هلاوغلا حيا الله بنات عالم حواء
انا بدخل بالموضوع على طول من القهر والحرة للي فيني
انا وزوجي الحمد لله بيصير لنا تقريبا احدعشر سنة بحلوها وبمرها الله يعين
طبعا انتو عارفين ان كل رجال فيه ايجابيات وسلبيات والوحدة العاقلة تحاول تكيف نفسها وتضبط حياتها عشان تقدر تعيش وتربي العيال بس هالنقطة مجننتني وماني عارفة امسك نفسي ابيكم تنصحوني....
زوجي يا ناس ما كان يعرف سفر الشباب وكان عليه حركات الشباب بس كان يقولي ما احب سفر الشباب لان المنكرات فيه تكون واجد وكنت اتشقق كل هالعشر سنين

لكن :( انا حزينة الحين زوجي صار يقولي انا بشوف عمري وبصير اسافر سفرة مع اصحابي وفي هالسنة بس يا ناس صار مسافر ثلاث سفرات
والطامة الكبرى انه يقولي :09: ياحلو السفر مع الشباب اثرني كنت ظالم نفسي
ويقولي على المدن للي راحلها انها ما تصلح عوايل :42: والمشكلة اني كنت اروح معاه بس حسبي الله ونعم الوكيل على خويه اللي معاه هو اللي مغيره علي ومخليه يحب طلعات الشباب
مع اني ولله الحمد ماني مقصرة معاه وهو مبسوط كثير مني بس ويش تقولون في اصحاب السوء الله يبعدهم عنا وعنكم قولوا آمين
انا ادعي لزوجي بالهداية والصلاح ولما اجي ادعي على صديقه ينربط لساني لاني اعرف زوجته وعياله ويعورني قلبي فدائما اقول حسبي الله عليه ونعم الوكيل

انا الحمد لله ما اسمع اغاني بس زوجي الله يهديه يسمع فاتوقع ان خويه ياخذه المراقص والحفلات الغنائية وانا بصراحة قلبي يعورني عليه؟؟؟ كلنا نعرف المناظر الموجودة هناك
الله يهدي شباب المسلمين ويفتح على بصيرتهم؟؟؟
تدرون بينت له زعلي من موضوع سفرته بس والله ولا همة تعرفون لعزم الرجال على فعل مارد شور لمرته .....تكفون قولوا ويش اسوي امس خويه كلمه وكان يحارقني قدامه ويقول عادي لو تبينا انسافر بعد شهر انا من يدك هذي ليدك هذي...
اذا كان بيسافر مستقبلا اقلبها نكد عليه وخليه يتنكد سفرته كلها بالسفط وماارتب شنطته وما ارد على تليفوناته؟؟؟ والا اسكت واحرق قلبي ودمي واخدمه والضحكة ماليه الوجه...؟؟؟
حضرته يبغى يقولي انه مسافر ويبي الضحكة من اليمين الى اليسار ولا يبين ازعل ولا اتنكد ؟؟؟

هل صحيح لازم يرتاح الرجل من زوجته ويبعد عشان يشتاق ويحن ...والشوق والحنان مايجي الا من وراء السفر اللي الله العالم ايش يصير فيه من بلاوي ؟؟؟ (كلام خوي لزوجي)

معليه حيستكم اشوي بالموضوع مو مرتب كله من حرتي الله يعيني ويعين كل مبتلية ويلهمنا الصبر من عنده ويسخر لنا رجالنا ويهدي شباب المسلمين ...
الله يوفقكم لا تدخلون تقرؤن وتطلعون اللي ماعندها جواب ونصيحة لا تنساني من الدعاء
وعسى الله يجزاكم الجنة جميع:26: