آآآآآه سنين وانا فاقده متعة الحياة والسلام الداخلي والسبب الثقة المعدومة

السلام عليكم يابنات حواء
حياتي ببيتنا تهزيء امي عصبيتها عدم تحملها لأسئلتي
لما مافهم بسرعة لما انسى شيء صديقاتي يتحملوني والله مايكبر الموضوع بينما امي الله يحفظها لا تاخذ بعصبية وتحطيم والله يعين اللي بياخذك فهمك صعيب تنسين مرجوجة


دايم تحذرني اذا بنروح او أحد كلم ان ماأقول بأي شيء اكتم يعني حتى لو الكلام عادي وبسيط طبعا اعرف من خوفها علي من الحسد وو


هذياني ثرثرتي بكل شيء يصيرلي مع صديقاتي تصرفي احيانا كالاطفال
كل عيوبي اذكرها لأمي واختي الاصغر
كل شيء اقوله لهم ماأعرف اقفل فمي حتى لو بكون مضحكة لهم
لو صارلي موقف يفشل ويقلل من قيمتي اقوله لهم عادي من باب افضفض ماعرف اكتم واقفل هالفم
الفترة هذي جالسه الف المنتديات واجمع معلومات عامة قصص قرائنية اشياء كثير ماعرفها ويوم مرت اختي لمي قالت ليه مانزلتي قلت جالسه اقرا واتعلم كفاية جهل وفهاوة وجلست تضحك وتتمسخر
يعني مشكلة اذا كنتي انتي تحبين تمسخرين نفسك وكلش تقولينه وماتحطين على فمك قفل
وكل هذا يخليني اخاف من الزواج مابي اغلاطي تتكرر معه ويحقرني بس مشكلة اذا فمك ماعليه قفل ماتعرفين تسكتين

انخطبت قبل كم شهر وجاني تعب نفسي وعصبي عذاب وبكاء وتفكير وخوف مابي عيوب تعاملي اللي فيني مع اهلي تطلع له ويحس بها الغير واثق من نفسه طول الوقت مرتبك ماتحسه على طبيعته ولا ماخذ راحته فما يرتاح اللي معه ولا ينبسط
صرتابحث عن كل المعلومات بالتكنولوجيا والقصص والخامات والبناء وووووووووو
صرت اخاف انه يقول بعدين ياغبية او فهمك صعيب او نسايه
فيه عيوب بشخصيتي العصبية او الفهاوة احيانا او اتكلم زي الاطفال زي حليمة بوبلند للتقريب اتمطط بالكلام صرت احاول اتحاشاا
بس احياناتطلع من غير ماأحس هذا اللي يقهرني
كل الوقت خوفف الى ان انهارت اعصابي وطحت على اهلي وردينا عليهم مافي نصيب


علاقتي مع اخواني مافي أي تواصل مافي بينا سوالف تجمعني ابدا ماأعرف استهبل معهم واسوي حركات فرفشة او ابدا ابادر بسالفة او كلام طبعا فيه من اخواني كثير يحبون التلعيقات والمسخرة لو سالفتك مو مرة ضحك واستهبال عليك او يغيرون الموضوع
لو حاولت استهبل زي اخواتي مايلوق مو كذا تركيبتي او احس اني اقلل من قيمتي او استخف دمي واصيير فاهيه وهبلا ورجة
ماعندي المرونة اللي تخليني اخلق جو وافتح سوالف واللي يقعد معي مايمل الجلسة
خواتي الأصغريستهبلون معهم يرمون كلام على بعض يمونون على بعض ممكن ينادون بعض يا وان يا لب وعادي وضحك بينما انا ماتقبل هل هو لحساسيتي او لعدم ثقتي او فعلا مافروض ماينقال كذا
مع ابوي رسمية جدا ابوي هادي وانا هادية لو نركب السيارة مع بعض طول الوقت ساكتين
علطول يروح خيالي لزوج المستقبل كذا بيكون الحال :( صامت اصنام جدية بيطفش مني بيترك البيت وساعته
احيانا اقول مع الزوج بصير زي اخواتي استهبل عشان مايمل مني بس دايما اقرا لا كوني رزينة وعاقله وناضجة والله حيرة ماعاد نعرف وش مفروض نكون


بيئة بيتنا صحراوية وفيه كثير عوايل متأكده الوضع كذا مافي لما اصحى اقول هلا يافلان ياخوي وشلون دراستك ودوامك نوم العافية تصحى بالسلامه ووو مابينا كذا مع اخواني ابدا مستحيل اذا صحيت اقول كذا لاخواتي مو جوهم كذا ولايحبون الجو هذا يحبون الهبال والاستهبال لو يدخل واحد على الثاني بغرفته يا كذا ياكذا اطلع برا ياكذا كلام مو حلو بس ياخذونه باستهبال ومزح ودعابه
حتى تعاملهم مع ابوي وامي استهبال ممكن مافي احترام حتى يعني ميااانه احسني ضايععععه معهم لو حاولت استهبل زيهم او ارفع صوتي يانبني ضميري وين الادب واللاخلاق ليش الاستهبال
بس من جد اهلي يفقدونهم انا اهلي لا مزهرية وجدية مالي فقده حتى لو لساني يقطر عسل
اختي الصغر مني بكم سنة دايم اسولف وافضفض لها
بكلش حتى لو بعيوبي احيانا اتتجاوب وتتفاعل معي ماتقصر واحيانا صامته
مع الناس
اخاف من النقاش مع أحد بجمعة حريم وبنات مع بعض
أخاف أقول سالفة ماتعجبهم مايلقونها بال وصارت كثير لي أول عشان كذا خلاص بطلت
اتأتأ اغلط بالكلام بدل مااقول اسم فلان اقول اسم ثاني وهذي صارت الحين بشكل واضح مع كثيرة التفكير
بالي مو معاي طول الوقت
ممكن احد يسولف سالفة وتتطلب ابتسامة او ضحك للمجاملة وماأقدر فانحرج وينقلب لوني الوان
ممكن تنقالي سالفة يبيلها تفاعل يوه لا عسى ماشر لا حول وووو بس أبدا مااتفاعل الا ببرود
اخاف اقول سالفة ويقولوا وش هالمخفه
ممكن من اقاربنا رجال كبار اثناء السلام ستبهلون علي شوي وانا بسبة اني مو واثقة ولا احط عيني بعينهم اتصرف بابتسامه وهذيان مافي ركازة ورزانه وثقة ابدا


طول الوقت بتعاملي مع امي ماأحسها تحبي تقرف من قعدتي تمل من سوالفي
لو اسمعها شيله قديمه تقول ياحبك لمقاطع الشياب والعجز
اغلب تصرفاتي امي تنقدها هذا اللي معقدني ومأثر اكثير فيني
بينما اختي الاصغر طول وقتها عالجوال وهي معها بس تثق برأيها والسوالف تقولها لها وانا معهم زي المزهرية
مالقيت احد بالبيت يفهمني او اتواصل معه جتني فترة عايشة لنفسي وبهمي بس ماهتم لشان احد ماسال جا فلان راح فلان وين مكان كا وكذا اختي الاصغر اللي كانت اربع وعشرين ساعه تحت حتى لو عالجوال بس كانت موجوده وملمة بكلش انا لاني كنت فوق افضل الجلسة انزل كم ساعه وارقى فترة طويل
عهالحال صرت خلاص كني ضيفة شرف ولا لي أي اهمية
تحطمت كثيييييييير
ثقتي بنفسي مهزوزة كثير


مدري وش اسوي بعمري لاحول ولاقوة الا بالله
من تعرف ادعية ممكن تخفف اللي انا فيه
ضيقة صدر انعدم ثقة اهتزاز شخصية مافي تقدير للذات ابدا دايما الوم نفسي اذا رجعت من عزيمة ليه قلت كذا وليتني قلت كذا كان االبق وليتني سالت فلانه عن حالها بشكل افضل وليتني كذا وكذا اشيل هم قبل المكالمات لو ببارك لوحده بشيء وش مفروض اقول وعسى مانسى الجملة ذي وتروح من بالي ووو
مقارانات بغيري دايما اشوف اللي غيري افضل بكثير اقارن بيني وبينهم وانهم افضل واجتماعيات ويردون الصوت ببيوتهم ويفتحون السوالف بالمجلس وهم كبرك او اكبر بشوي


والله يابنات اعرفهم هاديات خجولات ماهم اجتماعيات بس انخبطوا ولافكروا بأفكاري ووافقوا وراحوا بنصيبهم بس الاكيد ان ثقتهم بنفسهم عشرة على عشرة ماخاففوا ولاشكوا بأنفسهم وعاشوا حياتهم متصالحين مع نفسهم مو من جوا مافي راحة لا نعدمت الراحة الداخليه والثقة خلاص :((((




يارب يارب يارب يارب يارب يارب يجي اليوم اللي أقول فيه انا سعيده وواثقة واضحك على هالكلام ياربي رجيتك يامن لايعجزك شيء في الارض ولافي السماء
ياحي ياقيوم ياذا الجلال والاكرام افرجها علي ومن تعب وارفع عني يالله وكل من قالت آمين


يارب
أحبك يمة