آآآآخ يا حرقـت قلبي

السلام عليكم 
بنات انا متزوجه من 8 شهور وحامل (الله يرزق كل محرومه) 
تععبت من زوجي ، كل ليله لازم ابكي ع حظي 
توني صغيره عمري 19 وشلت الهم واكتم بصدري واسكت .. ماعندي احد اشكي له ، وامي حاسه اني متضايقه مع ان اسلوبي مرح وماتغيرت ودايم تسالني اذا مبسوطه ولا لا والفتره الاخيره فكرت بالطلاق ( بيني وبين نفسي ) سبحان الله ثاني يوم امي قعدت معاي وتقول لي فلانه صبرت ع زوجها وشوفيها الحين وفلانه وفلانه وفلانه واهم شي الصبر  وكل شي يتغير بعدين والطلاق ابغض الحلال وفلانه تطلقت وشوفي ولدها تعقد ..اهم شي العيال يتربون بين امهم وابوهم .. في بيتهم معززين مكرمين والزوج مصيره راح يتغير ، مع اني والله ماقلت لها شي ولا تدري عن بلاوي زوجي 

زوجي مايصصصصلي متهاون بالصلاه .. 
بداية زواجي اكتشفت انه ياخذ الكبتاجون (الكبتي) وسكت وبعدين الحمدلله تركه 

بعدها اكتشفت ان شهرياً يسهر مع ربعه وينام عندهم عشان يشربون ، ومره سافر لـ دبي عشان يشرب بس هو وصديقه 

وزوجي بعيد تماماً عن البنات ، هالشي متطمنه منه وصارلي فتره اشوف رسايل وحده تبيه يرد عليه وتدق فوق ال16 مره باليوم وتترجاه يرد لدرجة ان زوجي صار جواله 24 سايلنت والسبه هي .. كلمته انا وناقشته وقعد يحلف وينذر انه ماكلمها وانها علاقه قديمه وقطعها من قبل الزواج بس مدري شاللي رجعها له قلتله يغير رقمه قال ابشري .. بس ماغيره للحين

بعدها انا تعبت من الحمل وقعدت اسبوعين في بيت اهلي ورجعت له (من اسبوعين ) اكتشفت انه رجع للبنت هذي ومعاها ع الواتسب .. 
تغير حييل صار يجي من الدوام متاخر يتاخر لي 5 المغرب ومرات 7 مع ان دوامه يخلص 2 .. ويبدل ع طول ويتكشخ ويطلع برا .. واذا رجع يقعد بالمجلس لي الصبح ويصعد للشقه عشان يلبس لبس الدوام ويروح واذا رجع نفس الحكايه .. يقعد يومين ما نام عادي 

ومن فتره شفت عنده فلتر زقاير bio pipe  وغليون وقوطي شفاف فيه مادة الزقاير ( للحين ما ادري وش سالفة هالاشياء بالضبط ) 


××××××××××××××××××××××××××××××××


ماعنده مسسوؤليه كلش والله ثلاجتي ماتعبت الا مرتين من تزوجت .. ومره عبيتها انا .. وبعدها خلاص صرت اشتري لنفسي بين كل فتره والثانيه اكلي الضروري ( حليب + توست + جبن) والثلاجه فاضيه من عبيتها اخر مره .. 

مواعيدي صرت اروح مع امه .. مع انه يكون فاضي وماعنده شغل بس ماله خلق يوديني ويتعذر انه تعبان 

اذا خرب شي بالشقه ام زوجي هي الي تجيب عامل يصلحه وتوقف معاه .. 



اااخ ياربي كل هذا شفته ب 8 شهور وماني قادره اتخذ قراري معاه .. الشي الي يشفع له ان يحبني واسلوبه معاي يهبل .. بس وش يفيد هالشي 

مابي اتطلق وازيد هم امي .. وبعد عشان اللي ببطني تعيش بين امها وابوها وبنفس الوقت كارهه عيشتي هذي 

والله اني اكتب ودموعي ع خدي والي زاد الطين بله انه الحين  تحت بالمجلس ومقفل على نفسه .. كلمته واتسب قلت شعندك بالمجلس ليش ماتقعد بالصاله قال عندي رجال قلت شلون عندك وانت مقفل المجلس (سمعت صوت الباب وهو يتقفل ) قال اتركي هالوساوس الخبيثه ونامي قلت مو وساوس وحتى لو عندك ربعك مو حلوه بحقي تسهر لي الصبح وتخليني قال ( يا بعد عمري ) توقعت من كلمته هذي انه بيحس على دمه وبيجيني فوق .. انتظرته تخيلو ما جا .. وانا اعرف اكاونته بالانستغرام دايم اشوفه وهو مايدري والحين شفته توه منزل مقطع مصور فيه تلفزيون المجلس ..

 انقهرررررررررت وش اسسسوي ! اكلمه اناقشه ماينفع معاه فيدوني الله يجزاكم خير وخففوا عني والله ان نفسيتي زفت ماعاد استحمممممل 

يارب فرجها علي و على كل مهموم