آبيات نبطيه تستحق التدوين ~

so simple • 12 سنة

في فن علم النفس وأنماط الحياه
مصيبتك طلّع وراها فايده..

لاينتثر فكرك على كذا اتجاه
الخصخصه فن العقول الرايده..

وإن ساد من حولك شعور الاشتباه
خذ لشعورك منطقه محايده..

الثقه سقف العقل والناقص ذكاه
من حسسك بأن فيه حاجه زايده..

والإبداع؟ماهو لعب شد الانتباه
على حساب إلغاء فكره سايده..

والضيق ضيق الافق واكظام الشفاه
وفهم الحياه على إنها مزايده..

أفضل وسيله للسعاده والنجاه
سهله على الراغب ولا هي كايـــده..

توحد الله صدق وتقيم الصلاه
وجعل الفواحش عن حدودك نايده..

وتكف يدك وتحمد الله على الغناه
وتخشّر هنودك معك في المايده..

ولاتخاوي لاشيوخ ولا رعاه
خاو اصدقا تفكيرك وفرايده..

والشيخ من تواضعه يسبق عطاه
يتعودون الناس من عوايده..

والحب ذروة كل شي ومنتهاه
ومحلا من وضوحه سوى مكايده..

إن لم تزد شيئا ً على هذة الحياه
فتأكد انك أنت حاجه زايده

so simple • 12 سنة

قد قال أبوي !

إن هبتهم قول ماهاب ...

لو يقدرونك .. قول ماتقدروني

من كانت الخوه ثمن حفنة تراب ... نفس الوجيه اللي نصونينسوني !

so simple • 12 سنة

كل جمعه احس الغيم يندهلي

وارتوي لآخر الاسبوع قبل أظما

افتح الكهف واقراها على مهلي

كهف من نور ماهو كهف من ظلما

so simple • 12 سنة

صليت لكن مانجلى حزن قلبك

تأكد ان صلاتك الحين عاده

استشعر انك بين يدين ربك

تبي تلاقي في صلاتك سعاده

so simple • 12 سنة

لاتحب بقلب , حب بمصلحه

ماضيع العالم يكون قلوبها ~