الليالي ادور والدنيا قصيره
يضحك التحقيق من سخف الاماني
كل ابونا نلحق اللحظه الاخيره
ولا وصلناها لحقنا شي ثاني
الاثم ما حاكه في خفوق وخفا به
والخير ما شاعته روس النواميس
كم شي صار وصار ما يندرا به
وكم نومة ماكدرتها كوابيس
ترى ما احد له في رقبتي طلابه
بس الصراحه من شم الفواعيس
والرجل اذا ما يعتبر في شبابه
يعيب قبل يشيب ويشيب ويخيس
ياراجي ارجي اللي ما ينصك بابه
لا ترجي الوهبات من هيس ابن هيس
استغفر الله واتتقى عذابه
اللي فرقني عن حياة المتاعيس
من قبل لا اعرف الهدى واعنا به
انا وهمي والحزن face to face
والحين لله . . الفضل وألا نابه
متعافي . . ويمشي على زندي التيس
هادي . . يشوشني طزيز الذبابة
لا عد لأيام الغبيه ولا أقيس
احسبني فايز بالرضا والذرابه
واثري مثل من يحصر النور في كيس
اقفي من الله والامل والرضا به
واروح ادور من ورا ابليس احاسيس
اسهر على فن الكلم والخطابه
واصبح ولين اللي جمعته حماليس
قلبي لعزف الاوادم ربابه
وراسي لخطوات الشطانه دواعيس
تقودني نفسي ولا اشعر ولا ابه
مالت عليها عاصيات الهواجيس
من عنده ان كل الشعور يتشابه
روس مع اللي في الدحادر مراويس
الصفحة الأخيرة
مهما قست نفسي وضاقبها المكان
ومهما لحق روحي من ذنوبي صلف
آيه اذا قريتها اشعر ب الامان
( إن ينتهوا يغفر لهم ماقد سلف )