آخر محاولة ادعو لي

السلام عليكم وريحمة الله وبركاته
حطيت موضوعي هنا في الاسرية لأتفائل
ما ابغى احطة بقسم تأخر الانجاب :06:

هذي اخر مرة اسوي فيها عملية أطفال الانابيب
قلت لزوجي خلاص هذي آخر مرة
لاتوافق اذا قلت لك راح اسويها او حتى اصيرت عليك ،، ما ابغاك توافق أرفض
لاني فعلا عن جد تعبت نفسيا كثيير
مو من العمليات
لاني ماسويتها الا 6 او 5 مرات بس
لكن تعبت من التفكير والانتظار
حياتي مع زوجي الحمد الله ماشية واحاول انسى موضوع العيال بس مو قادرة
حتى الدراسة صرت اشوفها هم وغم
صرت ما اروح الا بالاسبوع مرة ،،
اقول بروح كذا بدون مذاكرة ولا شي المهم ما اغيب
لكن ما اقدر لا مذاكرة ولا روحة للدراسة

خلاص بنفذ اللي في موضوعي هذا (( مع ان زوجي للآن مارد علي :( ))
http://forum.hawaaworld.com/showthread.php?t=1199983
بحاول بحاااول ارجع اجتهد لدراستي
وادعوا معي انسى هالموضوع وان ربي يحببني في الدراسة
مايصير لا دراسة ولا عيال
على الاقل على قولة زوجي
اللي تقدرين تمسكينه بيدك مسكية ،، يقصد الدراسة
لكن امر الاطفال هذا امر الله وحده

المهم حبيباتي
ادعوا لي بديت الان في اكل الادوية
راح اسويها ولأخر مرة في استراليا (( اقرب لنا ))

دعواتكم ربي يجبر خاطركم
ربي يربط على صدري ويشرحه ياارب
وربي يجزاكم كل خير يارب