والله العظيم اني بس حملت ب قيس اول طفل ربي رزقني فية نمت بالمستشفى قبل يكمل حملي ١٥ يوم
انا طبعا مريضة سكر النوع الأول المعتمد على الانسولين
باليوم باخذ ابرتين صار معي وعمري ١٢ سنة والحمد
المهم الدكتور كان عراقي اسمو معاذ هالحكي قبل ٦ سنوات وكم شهر
حكالي عمو هاد الحمل لازم ينزل السكر مرتفع والتراكمي مرتفع رح ينزل لحالة الحمل
المهم مسكت حالي وطلعت ع مسئوليتي من المستشفى
والحمد لله تمم ربنا حملي وجبت اول فرحتي قيس
حكولي بعد القيصرية ممنوع تحملي خطر عليكي
ومشينا ع العزل ولما صار عمر قيس شهرين ونص حملت بشذى
والحمد لله كمان ربنا لطف
وحكولي خلص لازم توقفي وحطيت لولب
وشلتو واجهظت مرتين تعب الاجهاض يكفيكو شرو
وظليت احاول ٨ شهور واعمل تجارب وخلطات وحرب عالمية مع جوزي ع ايام التبويض طلبت من ربنا يرزقني يوسف اخ ل قيس لان انا متجوزة جوز اختي الله يرحمها ويجعل مثواها الجنة
وعندها بنتين انا ربيتهم وبنتي شذى الحمد لله ٣ بنات نعمة
ومافي اكرم من ربنا طلبتو يوسف اخ ل قيس اكرمني ب محمد كمان
كريم ربنا
ظلو ادعو ظلو حاولو الفرج جاي خلو صغاركم يدعو قرايبكم
الله يرزقكم جميعا بالحمل الثابت السليم المعافى بدون زيادة او نقصان عاجل غير اجل يارب
ع فكرة انا هبة من الاردن
عمري الصحيح ٣٠
والكذابي ١٨ شباب لسا 😂😂😂😂😂💪
والله العظيم اني بس حملت ب قيس اول طفل ربي رزقني فية نمت بالمستشفى قبل يكمل حملي ١٥ يوم...
الله يسمع منك رنومه