احبك انصحك نصيحه واجيب لك امثال لناس عايشه اقسى من حياتك

اول شيء هذا نصيبك وارضي باللي كاتبه ربي لك فمن الايمان ان تؤمني بالقدر خيره وشره واصبري واحتسبي كل شي لله فالله يعوضك لكن ان تجلسي تصرفين ثم تخريبن حسناتك بسيئات اعمالك بان تمنيين عليه ما يصلح يا اختي
الم تقرأي قوله تعالى
((ولا تتمنوا ما فضل الله به بعضكم على بعض))
ولا تمنين فضل احد وتقولين يا ليت عندي مثلهم او يا ليت زوجي مثل ازواجهم
كذلك لا تتبعين صدقاتك بالمن والأذى احتسبي كل ما تنفقينه لله وسيعوضك الله خيرا

والله اتمنى اني موظفه علشان اشيل همي وهم عيالي عن زوجي وارتاح من منته وازعاجه عند كل ريال اطلبه منه


والله ان فيه حريم يصرفون على انفسهم من جيوبهم رغم ان ازواجهم أغنياء بس بخلاء

لدرجه ان شغالاتهم وايجار البيت عليهم ومع ذلك راضين وعايشين ومرتاحين

فلا يضيق صدرك واحمدي رربي انك موظفه ومغنيك الله عنه
لو كنت غير موظفه وش كنت بتسوين بتروحين للجميعات والا بتشحيتن من الناس

الله يهديك بس اتركي عنك الاعتراض على قضاء الله والدنيا فااااااااااااانيه ويبقى عملك وصدقاتك وحسناتك الله يقبلها منا ومنك

اختي احمدي ربك على النعمة اللي انتي فيها
عندك زوج طيب وعيال وبيت ودخل ثابت
زوجك مهب مقصر لكن هذا اللي يقدر عليه راتبه قليل هو ما اخذه وحوشه وخلاك انتي تصرفين بالعكس صرف اللي معه
ومافيها شي الوحده تساعد زوجها علشان المركب يمشي
والفلوس تجي وتروح
انتي اكثري من الاستغفار واكثري من كلمة الحمد لله على النعمة اللي انا فيها ( ولئن شكرتم لازيدنكم )
الله يهدي بالك ويفتح لك ابواب رزقه

وربي رحمت زوجك ... أنا أكره الحرمة اللي تقول عن زوجها فيه نقص ويبي يعوض النقص .. أي نقص يا حبيبتي

علشان ربي رزقك ورزق غيرك صار فيه نقص حرااااااااااااااااااااااااااام
وبعد تقولين تطردينه هو وعياله من البيت سلامات يا أختي ليه علشانك شاريه الشقة ومأثثتها تطردينه ؟؟؟
حبيبتي
الحياة الزوجية مو شقة ولا أثاث ولا فلوس .. الحياة عشرة وتعاون ومحبة
احمدي ربك لك مكان تنامين فيه وعندك أطفال غيرك محروم من الأطفال .. شوفي الجوانب الإيجابية في زوجك
عامليه كأنثى مو كضابط أمن ولا تحسسيه بالكلمة اللي قلتيها ( النقص)
احمدي ربك هو يشتغل ويروح ويسعى وهذا رزقه من رب العالمين وش يسوي لك يسرق .. علشان تحترمينه وتقدرينه

أنا آسفه ولكن احسست انه من واجبي تنبيهك كأخت لي

كل شي بيدك أنتي
أنتي تقدري تكوني أنثى
أعرف وحده راتبها أكثر من 12 ألف ريال ما شاء الله لا قوة الا بالله
وزوجها ما وصل راتبه 3000 وعندهم كومة عيال
لكن من البداية متفقين راتبه هو مصاريف البيت أكل وشرب بس
واللبس والبناء البيت وتأثيثه من راتبها حتى لبس عيالها وزوجها

ورغم كذا مخليته هو الكل في الكل وكلمته المسموعه والأولى والأخيره في البيت

الآن بعد التقاعد كم بيبقى من راتبه ولا شي يمكن النص فتحت له مكتب عقار وكاتبته باسمه
وهو رجل طيب بمعنى الكلمه ومراعيها مره وما شاء الله تبارك الله عندهم أراضي وعماير وفلل كلها من راتبها لكن باسمه

عشان تخليله قدر عند عياله وبالفعل لا هي ولا عياله يطلعون من شوره ولا ترفع عينها بعينه رغم أنها ترى شخصيتها قوية

يعني حبيت أقول لك أنه بيدك تحسين أنك أنثى مو كونك تصرفين في البيت تطردينه هو وعياله وتحسين نفسك رجل البيت
احترميه وقدريه عشان عيالك يقدرونه ويهابونه وبكره يقدرونك أنت كمان