بسم الله
والله وضعك صعب لكن فيه حريم كثير ياروحي زيك زميله قريبتي في العمل يسمونها المرأه الحديديه عندها خمسه اولاد او قالت سته لاحظي اولاد وكلهم بسم الله ماشاء الله شباب وزوجها راتبه ما يتعدى الفين تقول لها والله انو راتبه يسلمه البقال اخر الشهر ويبقي معه خرده مصروف جيبه الاقساط عليها و الفواتير كمان عليها والبيت كله مصاريفه من الى هي اللي تجيبها وهي ما شاء الله رافضه تجيب شغاله بحكم انو البيت كله شباب وشغل البيت تقوم فيه ودوبها جايبه بنت يعني تخيلي فوق الحوسه اعلاه عندها بيبي لا وكمان موسوسه نظافه طبعا هي منظمه شغلها ومرتبه نفسها على نظام معين
تصلي الفجر وماتنام بعده تصلح لزوجها القهوه والفطور وتفطره وتجلس معاه وبعدين تصحي اولادها بس هي معودتهم يصحون ويعملون لنفسهم الفطور وتروح تلبس وتلبس بنتها وتوديها الحضانه وتروح عملها لما ترجع من الدوام تاخذ بنتها وتروح للبيت تكون مصلحه المرق من الليل وتكبس الرز وتغدي زوجها وعيالها لا وبعد التعب والدوام ما تنام تمسك البيت وتنظف وتغسل وتمسح !!!!!!!
والمفاجأه انو نفسيتها زي العسل وفرفوشه ومصرقعه بقوه!!!!!!!
ما قدرت اتحمل ما اشوف هالانسانه وفعلا شفتها جايه عند قريبتي عشان نفاسها وطول الجلسه ابو فلان الله يمتع به ابو فلان الله يحييه تموت بزوجها الله يزيدها من فضله ويعطيها اكثر مما تتمنى ويقر عينها بزوجها وابنائها انسانه احترمها بقوه استشفي منها طوله بالها وصبرها وتحملها والتفاؤل بالمستقبل صدقيني اي شئ تعملينه لله رح تلاقينه في موازين حسناتك والرسول عليه افضل الصلاة واتم التسليم يقول ان اللقمه التي تضعها في في امرأتك لك بها اجر او كما قال والرجل ملزم بالصرف على امرأته فكيف بالمرأه
لك:26:

الله يعينك ويصبرك
ترا في ناس أسوأ منك
أمكن أنتي زوجك طيب و حنون
وماله حيله
لكن كيف لو بلاكي ربك بزوج مبذر
ولا يقدر قيمة القرش
ويجي نصف الشهر وهو ما عنده ولا ريال
خليها على ربك بس

الله يصلح حالك وحال المسلمين
ويسعدك

ياأختي انتي قاعده تناقشين مين بالظبط؟؟
الله جل في علاه اللي كتبلك وقدرلك الاقدار فمن رضي فله الرضا ومن سخط فله السخط
احذري من كفر النعمه فينزل عليك غضب الله وعقوبته في الدنيا
غيرك تدور نتفة زوج يحصنها عن الحرام لو ماجا من زوجك غير كذا
غيرك تدور نونو ينام بحضنها
غيرك ماتحلم بالراتب تحلم بلحمة حمار تاكل منها هي وأولادها
رددي ياقلبي
اللهم اعني على ذكرك وشكرك وحسن عبادتك
قولي صباح مساء الحمد لله كما ينبغي لجلال وجهك وعظيم سلطانك

ابقولك شي..
فيه عوائل يكونا لله منعم عليها بس الزوجه ماتذووووق الريال من زوجها..
انتى فكري بالايجابيات الحمدلله زوجك طيب وحنون ولايرفض لك طلب اذا كان وفق امكانياته...( هذي بحد ذاتها نعممممممممممممممه)
طيب ....؟
انتى حطي لك ميزانيه كل شهر مو لازم كل شي تشترووونه وتقدرين تبدلين بين الظروريات بشي نفس الجوده وارخص بكثير وبكذا توفرين لك ميزانيه بسيطه...
كل هذا بيدك تقدرين تتقصدين بالكهرب وطلبات البيت والملابس والله تقدرين توفرين مبلغ وقدره..... ادري انه صعب عليك وتقولين المفروض مو انا اللى افكر بهالاشياء بس خلاص هذي حياتك ارضي بها وسيريها على رغبتك بكذا تبي تعيشين وتتأقلمين وتوفرين لك بعض الاشياء اللى ترغبينها.......
لاتقولين الزوجات الثانيات وش زودهن تلقينها تتمنى اهى اللى تمسك المصرررروف لان زوجها مثلا مبذر بخيل او اي شي ...
على العموم الله بوفقك ...