هلا فيكم يا رشيقات
وصراحة أنا وحده دبة من الدبات الحلوات اللي يعانون من متنهم ويبون يضعفون وما خلوا ريجيم ولا حبوب ولا سلطة علشان يضعفون لكن ما في فايده
علشان جي قررت اني اسوي لقاء صحفي مع عصقولة حلوة من العصاقيل اللي في المنتدى عندي كمن سؤال بسأله لها بالذات عن يومياتها في الأكل
لأني أبغي أعرف أنا وغيري من الدباب شو السر في نحف النحاف شو الأكل اللي ياكلونه ولا ما ياكلون شي أصلا
المهم عندي مواصفات وشروط للنحيفه اللي بسويلها اللقاء
ما يقل طولها عن 162
وزنها مب أكثر من 60 كيلو و60 كيلو يمشون زين
و أهم شرط
انها في حياتها ماشافت المتن يعني اذا كان وزنها 60 ولا 50 ولا 40 وطولها 162 ما شافت أكثر من 60 كيلو في حياتها
فهمتوني ولا يعني ما تكون من قبل متينه ونزل وزنها لأ يكون هذا وزنها أصلا
ها شو رياكم موافقين
انزين بكتب الأسئلة والنحيفة قبل ما تجاوب تكتب أول شي
طولها
ووزنها
وأكثر وزن وصلته في حياتها طبعا ما يكون أكثر من 60 كيلو
والأسئله كالتالي:
1- شو آخر لقمة كلتيها قبل ما تشوفين هالموضوع؟
2- عطيني قائمة الأكل والكمية اللي كلتيه أمس من أول ما قمتي من النوم حتى ما رحتي تنامين ( اذا ناسية أمس شو كلتي ممكن تقولين عن اليوم )؟؟؟
3_ اليوم على الفطور أو أمس كيف كان أكلج يعني تاكلين بسرعه ولا برويه وهدوء؟؟
4_ تشربين ماي أو عصير مع الأكل وتشربين الكاس كله ولا تخلين شويه في أغلب الحالات؟؟؟
5- وهالسؤال تابع للسؤال الثاني الصحن اللي تاكلين فيه الأكل شو حجمه ؟ وهل تملينه من الأكل ؟ وهل تقضين على اللي في الصحن كله ولا تاكلين لقمة وتقومين؟؟
6- بعد ساعة أو ساعتين بعد الوجبة في أغلب الحالات هل تجوعين يعني تتطفسين وتاكلين تويكس أو جبس أو مارس أو شي من الأشياء الطفسة ؟؟؟
الأسئلة كثيرة بس انتوا جاوبوا على هالاسألة والباقي ياي وأخواتي الدبات الحلوات ما بيقصرون بالأسئلة ؟؟
بس ها
ديروا بالكم تغترون برشاقتكم وتشوفون نفسكم علينا ترانا نطيح عليكم ونفطسكم
مظلومة وايد @mthlom_oayd
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
لللاسف انه مب مستوفيه الشرووط كاااملة :D
طولي 162
و وزني 59.700
بس للاسف قبل كان وزني 69.7 وصار وزني اللحين 59.7
بس حبيبت اروفع الموضوع يمكن وحده من العصقوولات يردون علينا بهالسؤال