أبشركم بطحه وزوجها لقيناهم

بنات جزاكم الله الف خير
جزاكم الله الف خير
جزاكم الله الف خير
جزاكم الله الف خير
جزاكم الله الف خير
والله ماأنسى لكم دعواتكم أبشركم لقيناهم أمس السفاره لقيوهم وأعطو ابوي وزوجي عنوانهم بس آه آه آه من بلاد الغربه تدرون وش صار عليهم؟؟؟

انا كنت عارفه مامنعهم يدقون علينا الا ان فيهم شي حسبي الله ونعم الوكيل
تخيلو ضربو زوج اختي إلين ما عوروه وسرقو كل ماعندهم وياحليلها أختي على كرسي متحرك تشوف زوجها ينطق وماتقدر غير انها تصارخ آه يابنات والله يوم اختي تكلم أمي انها تحزن زوجها اغمى عليه وماقدرت حتى تشيله وتسنده بس تطلب من الناس الي هناك انهم يساعدونها والله تقول محد ساعدها بس يتفرجون شكلهم خافو طيحت نفسها من على الكرسي تبي تشوف زوجي حي والا ميت وتقول دورت احد يساعدها وترجع على الكرس يشوفونها تتكلم مايعرفون كلامها لانها من الصدمه ماعاد تعرف وش تقول وبعد فتره صحي زوجها يسألها وش صار عليه قالت له كل شي انسرق منك وانت ماتدري تخيلو حتى الجواز حقهم انسرق وقعدو في الشوارع الين ماضاقت بهم الدنيا تقول أختي والله كنا نموت جوع ولافيه شي نأكله ياقلبي عليهم يصبرون انفسهم بالماء والأكل الي ينرمي ياربي عليهم تقول في الأخير قلنا بنروح نبلغ عن مسروقاتنا بس وين الي يودينا عشان نبلغ يادوب نمشي من الجوع ويدورون محل يتوضون فيه عشان يصلون تقول حماماتهم الله يكومكم مكشوفه تقول والله ماجاتني الجرئه أحد يشوفني واناأتوضى فتعبي لها علبه عشان تأخذها وتتوضى بعيد عن أنظارهم وزوجها حاول انها تفك عبايتها وغطاها عشان ماينتقدونها ورفضت المهم شافو العسكري الي مار بالسياره تقول ونرمي انفسنا قدامه عشان يوقف وعلموه بالسالفه المهم وداهم للشرطه الا ويلقون بلاغ عنهم انهم مفقودين ولا فيه شي يثبت انهم هم لا جواز ولاشي بس عندهم صور من السفاره الله يجزاها خير والحمد لله لقينا أختي الله يحفظها لعيالها وبيردون عن قريب أنشاء الله الله لا يوريكم مكروه والله يابنات ماتتصورون قد أيش انا مستانسه عشان أطفالها
والف شكر لدعواتكم والله انكم أكثر من خواتي
الحمد لله على كل حال


رب لا تكل أختي الى احد ولا تحوجها الى احد واغنها عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدها من الضلال الى الرشد ونجها من كل ضيق ونكد
اللهم امين