رديتوا السلام!!!؟؟؟ اللي ماردت ترجع ترد
ترى إلقاء السلام سنه ورده وااااااااااااااااااااااااجب
يمكن الأغلبية داخل مافهم الموضوع لأن كلمة (((حَــقـَــاقْ)) مبهمة لغير القصمان
وبعض القصمان ما يعرفونها لأنهم متطورين شوي بهرجهم يعني تخلوا عن لغتهم الأم الله يهديهم<<<حلوه الأم صح!!؟؟
المهم ماذا تعني كلمة حقاق!!!!؟؟؟؟؟؟؟؟؟؟؟؟؟؟؟؟؟؟؟؟
كلمة حقاق تطلق على الهدايا البسيطة اللي يأتي بها الحاج أو المعتمر من مكة ويوزعها على احبائه واطفاله((ترى أول بس الحجاج يجيبونه بس بعد التحديث دخل المعتمر بالبركه))
وبالنسبة للهديه هي عبارة عن خربوطة بسيييييييييييييطة بس تعني لهم الشيء الكثير
تدرون ليش تعني لهم شي لأنها تدل على أن اللي رايح للحج رغم المشاق والتعب والنصب اللي لاقاه إلا أنه لم ينساهم <<<والله مدري وش هالهرج هو فصحى والا قصمنجي والا كوكتيل<<<<ارسي على بر
خلاص بهرج بالقصمنجي كذا اريح لي <<<<عز الله ضعتوا
شوفوا هما الحجاج لاانكسوا((رجعوا))من مكة يجبون لبزرانهم قرابيع وهالقرابيع تسوى الدنيا بعيونهم
رغم إنها بثمن بخس<<<<<تأبى الفصحى إلا وتعود<<<<معلمة ما عليك شرهه
أقول وش الهرجه وشوله انا قالطتن هنا!!!!<<<<بتفلقونن
أصلا وش جاب طاري الحج تونا ما بعد جا رمضان يجي الحج<<<<ياكثر قرقك
إلا على طاري رمضان صدق بنداوم 24 يوم !!؟؟
صراحة حرام عليهم والله تعب<<<<<حرام على مين بالضبط
صيام وتدريس صراحه قمه في الأجر إن شاء الله<<<<كسحه على بالكم بقول تعب
أنا عارفة إنكم مليتوا<<<<< ما لومكم حتى أنا مليت وانقلب راسي بعد
بس لو تدرون وش عندي كان انفرجت اساريركم وتدغدغت بطونكم من الوناسة والفرح والسرور<<<والله لو إنك بتوزعين ملايين
كثر الله خيري بعد ناوية لكم نية ٍ زينه
الزبدة أنا بكرة إن شاء الله بسافر بروح لمكه<<<<<أحسن انقلعي وريحينا
بس لحظه لحد يقولي ادعي لي <<<<إخس والله لو إنك سعد بن معاذ
صراحة آسفة جدا مـــــــــــــــــــــــــــــــــا أقدررررررررررررررر أدعي لأحد
عارفه بتقولون نذله
بس والله ما قصدي إني اتنيذل عليكم لا والله يشهد ربي إني أحبكم
بس تخيلوا كيف ادعي لكم!!!؟؟
صراحة عذري مقبول و قوي
أنتم بس تخيلون وأنا أدعي بالحرم بهالأسماء (( يارب وفق درر الإبداع... يارب اسعد أم تابط شرا... يارب ارزق مدلعتهم السعادة ...يارب لا تحرم فروحه المملوحه الجنه...يارب ثبت المسلمة الحرة...يارب حرم النار على عذبة الروح ...يارب احسن خاتمة مداد المشاعر........الخ من هالأسماء المستعارة))
صحيح بعض الاسماء تواجه((قلت بعضها)) والباقي الله يستر عليه
بس للأسف مبهمه ومو معقوله أدعي لناس مبهمين !!!!!<<<<عز الله الرسايل الخاصة كلها اسماء
وتخيلوا بعد أحد جنبي ويسمعن وأنا أناجي ربي بهالأسماء وش يقول عن!!؟؟
هو أكيد موب فاهم وش أنا أقول وعشان كذا أكيد بيحسبن إيرانيه من هاللي تارسين الحرم وما خلوا لنا مكان
والا يسمعن واحد من هالملاقيف اللي يقطون مع الواحد بالحرم وهو يدعي ربه خاصة بالطواف ما يصدق تقول دعوه جديده يلقطه ويقوله تقل ماهنا غيره <<<<<<<أبد ما قد سويته
فلذلك......
قرقرت قصدي قررت إني أعوضكم بدل الدعوة بحقاق
وطبعا زي ما قلت لكم الحقاق هو:
عباره عن هديه بسيطه يجلبها الحاج <<<<< ردينا على طير يلي
لا عاد الصدق قررت اجيب لكم حقاق وكل وحدة منكن لها وحده <<<<من زين راتبك يالخبله
عاد إذا رجعت بالسلامة إن شاء الله وريتكم حقاقكم
افرحوا تراي خلصت
وبشركم يمكن ترتاحون من لمدة أسبوع او أكثر شوي<<<< يمكن موب أكيد
وعاد ما وصيكم الله الله بالمنتدى لاتزعلونه لا هو ولا اعضائه<<<<أنتي اذلفي وما عليك
وسامحون وحللون وأنتم بحل<<<اللي ما تحللن مهيب بحل
ياللا عاد أستودعكم الله الذي لا تضيع ودائعه
بقرا و اردلك