مسمى فرط الحركه يجي بشكل عام للاطفال سوا سليم او لا
بس حنا ماشفنا ولدك عشان نحكم اذا سليم او لا... انتي ادرا به
بس بهذا العمر ممكن مايحتاج دكتور.. ممكن يحتاج توجيه اسري يعلمه السلوكيات الصحيحه والخاطئه شوي شوي لما ينظبط الولد.
واذا الاهل ماقدروا عليه تقدرين تكلمين استشارايه اسريه للاطفال وتعرضين الطفل لها

الله يحفظ ولدك ويقر عينك فيه
اول شي فرط الحركة مو مرض مزمن الحمدلله علشان تخافين منه ولا يقلل من قيمه الشخص بالعكس الي عندهم فرط حركة اذكياء والمكان الي هم فيه مو قدهم يحتاجون اشياء تشغلهم والمدرسين لهم دور كبير مثلًا تعطيه مهام تخليه يودي اشياء ويمسح السبوره يوزع اشياء على الطلاب تشغله لانه مايحب يجلس بدون مايسوي شي ويطول وهو جالس
وكان انت كشفتي هذا الشي لانه واضح

واحتمال يكون الطفل في البيت مقيد مثلاً تمنعينه من اللعب علشان مايحوس البيت او فيه نظام معين وقوانين ممشيته عليه ويروح المدرسه يطلع طاقته عند ناس مايعرفهم

اعتذر عن الاطاله بس تذكرت كلام لدكتور في احدا دوراته قال جاتني ام معاها طفلين واحد دخل وجلس ولا تحرك ولا تكلم والثاني يتحرك ويتكلم وتشتكي الام منه رد الدكتور عليها قال ولدك هذا سليم والي جالسه وساكت هو الي مو سليم الاطفال بطبيعتهم يتحركون والي مايتحرك هو فيه شي ولازم نتدخل

وسعي خاطرك ولاتوسوسين وخلي طفلك ياخذ راحتة هو طفل

هذا بسبب اهمال الاب له
شكلك مسنترة عند اهلك فترات طويلة

بعض المعلمات للأسف الشديد هذي شكواها المستمره
(ولدك كثير الحركه)
تنسى إنه طفل وإنه طبيعي يكون حركته كثيره وفي سن شقاوه وتعلم واستكشاف
قوليلها لاتهاوشه
ولاتقسى عليه
هذا سن الحركه
ومهو بكيفها تشخص حالته .
بعدين انت في البيت وش لاحظتي عليه؟
لاحظتي فيه شي غير طبيعي؟
لاحظتي الكلام الي تقوله؟
المفروض انه معك اكثر مما يكون معها
فإنت الي تلاحظين.

مافيه شي بإذن الله
لكن مبسوط وفرحان بأجواء المدرسه.

ولو حبيتي وديه طبيب.
بس ترى كثيييييير مثله
كثير مره.

لكل من شاركني برأيه...مشكورات يالغاليات من صميييييم قلبي...ماأنكر إن كلامكم ريحني كثيييير...الحمدلله🥺🥺
الله يسعدكم ويرزقكم باللي تتمنونه ويبلغكم في ذرياتكم كل ماتحبون وتتمنون...يااااارب