أول شي أنا طلبت رايكم وماقصروا الأخوات الله يسعدهم.
ثاني شي أنا ماجبت طاري أبوه في أي شي
ثالث شي أنا ماقلت لك إني أروح لأهلي وأسنتر عندهم عشان تطلعين فتوى من راسك
رابع شي للمعلومية فقط ولدي متعلق في أبوه أكثر مني وهذا طبيعي
خامس شي أنا عايشة في جدة وأهلي في الجنوب ...للتوضيح فقط لكلمة أسنتر عندهم
سادس شي تذكري *فليقل خيرًا أو ليصمت*
سابع شي دعوة من قلبي لك...جعل اللي مثلك يقلون..قولي آمين

السلام عليكم ورحمة الله وبركاته:
مساء الخير عليك وعلى الجميع
وابشري وانا اختك ماقرات موضوعك وبرد عليك الا لاني قدها وكفو وابي اريحك
طبعاً انا بفيدك لاني معلمة رياض اطفال
وصارت عندي نفس الحاله بكم طفل
فالاتخافي لانه هو ان شاء الله ماهو خطير
بس لازم تبادرين وتعالجين الموضوع
الله يجزاهم خير بعض الأهالي يكثرون الحلويات هذي للطفل واذا بكى تسد فمه عشان يسكت بهذي الحلويات وهذا غلط غلط غلط وشكلك انتي من النوعيه هذي الحلويات مثل شبسات شكولاته مصاص مشروبات غازيه وغيره من الحلويات فيها زيادة صودم وهي فيها طاقة فاتعطي الطفل طاقه هي تخلي عنده فرط الحركه تخليه مثل المجنون وتخلي عنده الحركه تشتغل حتى تلاقين بالبيت مجننك مابجلس وكل شيء يطلع فوقه وكل شيء يااخذه ويخرب ويحوس انتي بتلاحظين ممكن تشوفينه نادر يجلس فانصيحه انتِ والامهات اللي يقراون ابتعدو عن الحلويات وحاولو تقللون تدريجي لو تعطون بشهر مره او بالاسبوع مره ولاتعطينه وهو رايح للروضه او المدرسه لانه ماراح ياكل وجبته وبروضات نمنع الحلويات بالمقاصف ولانخلي الاطفال يجيبون من البيت انا عن نفسي اقنعهم بطريقتي والطفل عموماً مايمشي الا بالاقناع
مثل اللي يمسكون عيالهم طول الوقت الاجهزه من ايبادات وجوالات وبلاستيشن طول الوقت هذا الشيء اللي يجيب تشتت بالانتباه وعدم التركيز والخمول وعلى باله الام اذا سوت كذا يعني طريقته صح وهي على اكبر خطأ وهذي الحالات صايره عندي بعدوهذي الاشياء تجيب شحنات كهربائيه انتبهو لعيالكم والشحنات هذي خطره.

انا اخر حاله مرت علي طفلين اخوان كلهم اولاد واحد بتمهيدي مستوى3 وثاني بروضه مستوى2 جننوني انا والمعلمات بطابور وداخل الفصل مايجلسون بس يتحركون ما شاء الله عليهم واثناء الشرح مو مركزين معي انا والمعلمه اللي معي بالفصل ومعلمات اخوه وعيونهم قسم بالله بسقف والعيال واضح عليهم ان مستواهم زين بس التشتت وافراط الحركه مو مخليهم يركزون انا على طول عرفت وكلمت المديره قلت ياكلون حلويات كثير والايبادات دايم معهم وكلمت امه وطلع كلامي وتشخيصي صحيح فاكلمت الام انا وقلت له تقلل بتدريج من غير مايحسون والام الله يجزاها خير استجابات معنا وربي اني دقيت عليها مره عشان اتطمن عليهم قلت هاه عساهم تحسنو وربي تدعي لي وتتشكرني وتقول عيالي فعلاً تحسنو قلت ايه وتحسن مستواهم الدراسي بعد تبارك الله.

الأمر ابد مو خطير ولا له صله بالخطورة وهونيها وتهون بس الواحد لازم يبادر الشيء مايصلح يخليه لكن الشرهه على معلمته اللي هبلتك وخوفتك ماتعرف تتكلم وغلط طريقته لانها فجعتك والموضوع مافيه منه خوف،،
والأطفال بطبيعتهم حركيين الله يصلحهم.
 
(اشد خطورة على الطفل)
⬇️⬇️⬇️⬇️
•1جميع الحلويات باانواعها(عصيرات شكولاته شبسات مصاص،نوتلا،،،،)
•2الاجهزة(جوالات،ايبادات،بلاستيشن،،،)

حاولو بس كل شيء حطوله وزنيه معينه مو تخبصون الدنيا وتحسبونه عادي.

اتمنى افدت كل من يعاني من المشكله
وتراي جديده توي مسجله بعالم حواء يمكن الله جابني لك عشان افيدك وافيد الامهات،،ماابي الا دعوات وظيفه زواج وكل شيء🧡✨

تحياتي: تقبلي مروري💐🌷😊

حبيبتي طبيعي جدا ..اصلا عيالنا كلهم كذا ..تعودو في البيت يجلسون على الجوال وبالمدرسه مافيه جوال فيطلعون طاقتهم هناك وبعدين السكريات والشكولاته لها دور بعد ..الله يطمنا عليهم دوم ويخليهم لنا ويرزق كل محروم ومحرومه ...آمين